¹ Kuli Moabu, Yahweh wa fita, Lesa wakwa Israeli, alanda ati, ''Ubulanda kuli Nebo, pantu naonaulwa. Kiriataimu na sebana kabili na pokwa. Icubo cakwe na cisebana kabili na conaulwa. ² Ubucindami bwa kwa Maobu na bupwa. Abalwani babo abaku Heshebone na bapanga ukuleta ubonaushi pali ena. Bena balandile ati, ''Iseni tonaule ena ngo luko. Madmeni na ena akonaulwa-pantu ulupanga lukamukonka.' ³ Kutikeni! Iciunda cakulila cikofuma ku Hirinaumu, uko ukuli ukonaulwa no kubongoloka ukukalamba. ⁴ Moabu aonaulwa. Abana bakwe balenga imisowa shabo ukumfwinka. ⁵ Bakonina umulundu wa Luhiti bakolila, pantu pakufuma ku Horonaimu, ukulila kwa bulanda na kumfwika pamulandu wa kubongoloka. ⁶ Fulumukeni! Pususheni imyeo yenu mwebo elo mube nge mpanga ya yunipa mu matololo. ⁷ Pantu pamulandu ne citetekelo cenu mu micitile yenu mwebo elo na mubunonshi bwenu, na webo wine bakakwikata. Eluntu Kemoshi akaya muli bunkole, pamo pene na basshimapepo bakwe ne ntungulushi. ⁸ Pantu konaula akesa ku musumba onse; tapali umusumba uukapusuka. Eico umukonko ukaloba elo ne mpanga iya lingana ikonaulwa, ngefyo Yahweh alanda. ⁹ Pela amapindo kuli Moabu, pantu ena afwile ukupupuka no kuya. Imisumba yakwe ikaba fibolya, umo umushakekale nelyo umo. ¹⁰ Abe uwatipwa uyo onse uwaba umunang'ani mukubomba umulimo wakwa Yahweh! Abe uwatipwa onse uubika ulupanga lwakwe ku kusumya umulopa! ¹¹ Moabu akoyumfwa uwacingililwa ukufumafye ilyo ena ali umwaice. Ena ali ngo mwangashi wakwe kabili tabaitululwapo ukufuma muli iyi nongo no kubikwa muli imbi inongo. Bena tabayapo na muli bunkole. Eico nomba ukununkila kwabo kwabafye cimo cine lyonse; na kacena kabo akasuma takaaluka. ¹² Eico bona, inshiku shikoisa-uku ekulanda kwakwa Yahweh-uluntu nebo nkabatumina abakubetulula elo bakabetila mu nongo shabo no konaula imitondo yabo. ¹³ Eluntu abena Moabu bomfwila Kemoshi insoni nga fintu abang'anda yakwa Israeli baumfwilile Batele, icilengwa cabo ico bacetekele. ¹⁴ Kuti mwalanda shani ati, 'Tuli bashilika, bakosa abaume ba bulwi'? ¹⁵ Moabu ali no konaulwa elo ne misumba yakwe yikasanswa. Pantu na balumendo abenebene na baya ku ncende ya kwipaiwa. Uku ekulanda kwa mfumu! Yahweh wa fita eshina lyakwe. ¹⁶ Ukonaulwa kwa bena Moabu muli mupepi no kucitika; ubucushi buleangufyanya. ¹⁷ Mwebo bonse mwe bashinguluka abena Moabu, losheni; na mwebo bonse mwe baishiba ubunonshi bwabo pundeni amuti., 'Akalanda, inkonto yakukosa, inkonto yacindama, naitobeka.' ¹⁸ Fumeini mu ncende shenu mwebo ishacindama no kwikala pa mushili uwauma, mwebo mwe bana banakashi abekala mu Diboni. Pantu uuli nokonaulwa Moabu ali no kusansa mwebo, uyo uuli no konaula amalinga yobe webo. ¹⁹ Talameni mu musebo elo no kutamba, mwebo mwe bantu bekala mu Aroer. Ipusheni abo abakofwika no kufulumuka. Mulande ati, 'Cindo cacitika?' ²⁰ Moabu na sebana, pantu naonaika. Lileni elo no kulosha; pundeni mukufwaya ubwafwilisho. Abeni abantu abali lulamba lwa bemba wa Arnoni ukuti abena Moabu na bonaulwa. ²¹ Ukukandwa na kwisa pa calo ca mpili; pali Holoni, Yaza, elo na Maphaath, ²² Pali Didoni, Nebo, elo na Beth Diblathaim, ²³ pali kiriataim, Beth Gamul, elo na Beth Meoni, ²⁴ Pali Kerioth elo na Bozrah, na pali Yonse imisumba iya mu calo ca Moabu- iya palamishapo ne yatalukisha imisumba. ²⁵ Ulusengo lwa bena Moabu lwi katwa; no kuboko kwakwe na kukonteka-uku ekulanda kwakwa Yahweh. ²⁶ Lenga bena ukuba aba kolwa pantu bena bakoitutumuna kuli Yahweh. Lekeni abena Moabu bangale mu malushi yabo, elo kabili aba icakusekwa. ²⁷ Bushe Israeli tali icakusekwa kuli mwebo? Bushe ena alisangilwe pa bapupu, icakuti mwebo mukopukumya umutwe ilyo lyonse mukolanda pali ye mwebo? ²⁸ Sheni imisumba elo nokuya ikala mu cilibwe, mwebekashi ba mu Moabu. Beni nge nkuda iipanga pakanwa ka cilindi mu mabwe. ²⁹ Fwebo twalyumfwa ifilimba fya bena Moabu-amatutumuko yabo, ukuituntumba, icilumba, ifyo aikatamika elo no kuibililika kwa mutima wakwe. ³⁰ Uku ekulanda kwakwa Yahweh-nebo ne mwine ndishibile imilandile yakwe iya cilumba, iitaba kantu, pamo ne micitile yakwe. ³¹ Eico nebo nkalenga ukulila no kulosha pa bena Moabu, elo nebo nkalenga ukupunda kwa bulanda mu Moabu. Nebo nkalilila abantu ba Kir Hareseth. ³² Nebo nkalilila sana mwebo ukucila fintu nebo nalilile Jazer, umwangashi wa Sibmah! Imisambo yobe webo yapitile pakati ka Bemba wa Mucele no kufikafye kulya ku Jazer. Koanula na sansa ifisabo fyobe musuba elo ne myangashi yobe. ³³ Eico ukusefya no kusangalala na kufumishiwapo ku miti iitwala na pa calo ca bena Moabu. Nebo ndibikile impela ku mwangashi mufya ku kaminamo. Bena tabakanyantaule imyangashi no kupunda kwa sansa. Konse ukupunda takwakabe kupunda kwa nsansa. ³⁴ Ukufuma ku kupunda ku Heshboni ukufikafye na ku Elealeh, iciunda cabo na cumfwika pa Jahaz, ukufuma ku Zoar ukufika ku Horonaimu na ku Eglath Shelishiyah, apo nomba na menshi ya mu Nimrim na yoma. ³⁵ Pantu nebo ndi no kubika impela ku muntu uwa mu Moabu uupela amalambo pafifula fya pamulu na malambo ya koca kuli tu lesa twabo-uku ekulanda kwakwa Yahweh. ³⁶ Eico umutima wandi uukkolosesha Moabu nge ci mpeta. Umutima wandi ukolosha nge cimpeeta psli Kir Hareseth. Ifyuma ifyo banonkele na fipwa. ³⁷ Pantu umjutwe onse uli ulupala no mwefu onse na baubeya. Ukutetwa kuli ku minwe yonse, elo na masaba na yashinguluka imisana yabo. ³⁸ Kuli ukulosha konse, pamitenge yatambalala iya kwa Moabu na mu mansa shonse isha bena Moabu. Pantu nebo ningonaula Moabu iyo umuntu nangu ashikofwaya-uku ekulanda kwakwa Yahweh. ³⁹ Lonaike shani! Bakolila shani mukulosha kwabo! Moabu na sanguka uwa nsoni! Eico Moabu na sanguka mwenda na kawele no munsokwe kuli abo abamushinguluka.'' ⁴⁰ Pantu Yahweh nalanda ati, ''Bona, abalwani bakesa bakopupuka nga kapumpe, na tambalika na mapindo yakwe yonse pali Moabu. ⁴¹ Kerioth na pokwa, elo na malinga yakwe naipokwa. Pantu pali bulya ubushiku imitima ya bashilika abena Moabu ikaba nga imitima ya ba namayo abali mu kukalipwa panshita ya kukwata umwana. ⁴² Eico Moabu ali no konaulwa kabili tabakabepo na kabili, pantu bena bali ne cilumba kuli Yahweh. ⁴³ Umwenso no bucinga, elo ne citeyo fikoisa pali webo, mwe bekashi ba mu Moabu-uku ekulanda kwakwa Yahweh. ⁴⁴ Onse uukafulumuka pamulandu we mwenso ali no kuponena mu bucinga, na onse uukanina ubucinga ali no kwikatwa mu citeyo, pantu nebo nkaleta ifi pali bo mu mwaka wandi uwa cilandushi pali bo-uku ekulanda kwakwa Yahweh. ⁴⁵ Bonse abakafulumuka bakatalama mu cinshingwa ca Heshboni ukwabula amaka, pantu umulilo uli no kufuma mu Heshboni, ulubingu mukati ka sihoni, lukoca impumi yakwa Moabu elo na pamulu wa mitwe ya bantu abamataki. ⁴⁶ Ubulanda kuli webo, Moabu! Abantu bamu Kemoshi nabonaulwa, pantu abana bobe abaume na basendwa nga bankole elo na bana bobe abanakashi muli bunkole. ⁴⁷ Lelo nebo ndinokubwekeshapo ifibolya fya kwa Moabu munshiku ishikesa-uku ekulanda kwakwa Yahweh.'' Ubupingushi bwakwa Moabu bwa pelela apapene.