¹ ''Yahweh alanda ifi: Boneni, nebo nkoleta umwela wakonaula Babiloni elo nabo abaikala mu Lebi Kamai. ² Nkatuma bamwisa ku Babiloni. Bena bakekala no konaula icalo cakwe, pantu bena bakesa kumushinguluka mu bushiku bwa bubi. ³ Mwileka abamata bekana mu mata yabo; mwileka bena ukufwala icakufwala icakucinga icifuba. Mwilangulukila abalumendo bakwe; onauleni abashilika bakwe bonse. ⁴ Pantu abantu abacenekwa bakawila mu calo ca Kaludi; abo abafwa bakawila mutusebo twakwe. ⁵ Pantu Israeli na Yuda tabalekeleshiwa kuli Lesa wabo, Yahweh wa milalo, nangu icalo cabo caisulamo ububi pa wa Mushilo wakwa Israeli. ⁶ Fulumukeni mukati ka Babiloni; lekeni umuntu onse aipusushe umwine. Mwifwila mufilubo fyakwe. Pantu ni nshita ya cilandushi cakwa Yahweh. Ena akobwesesha kuli ena fyonse ifyo acitile. ⁷ Babiloni ai inkombo ya golide mu mwinwe yakwa Yahweh ulwalenga isonde ukukolwa; inko ukukolwa umwangashi wakwe no kupena. ⁸ Babiloni akawa mukupumikishiwa no kubongoloka. Lileni pali ena! Mupeni ena umuti mukukalipwa kwakwe; na pamo kuti apola ena. ⁹ 'Fwebo tukosubila ukundapa Babiloni, lelo tekuti apole. Natumushe no kuya, ku calo cesu. Pantu ukuluba kwakwe kulifikile ku mulu; bulininine ukufika na kumakumbi. ¹⁰ Yahweh alisokolwele ubulungami bwesu. Iseni, tulondolole mu Sioni imilimo yakwa Yahweh Lesa wesu.' ¹¹ Noneni imifwi elo fwaleni ifyakucingilila. Yahweh alimishe imitima ya shamfumu shaku Madai mu mapange ayakonaula Babiloni. Ici ecilandushi cakwa Yahweh, icilandushi pakonaula itempele lyakwe. ¹² Imyeni icishibilo pa malinga ya Babiloni; koselesheni ubulinde; imyeni abalinshi; teyanyeni abakulalilila; pantu Shikulu akacita ico alandile pa bekashi ba mu Babiloni. ¹³ Mwe bantu mwe baikala pa mesnhi ayengi, mwe bantu mwe banonko ifya tutilwa ifingi, impela yenu ilifikile. Inshita ya mweo obe iliputwilwe. ¹⁴ Yahweh wa milalo alilapile umweo wakwe umwine, 'Nebo nkakwisusha abantu, nga makanta, elo bena bakawelesha pali webo.' ¹⁵ Ena apangile imyulu ku maka yakwe; ena ayanshile isonde ku mano. ¹⁶ Uluntu ena abulukuta, palaba ukubulukuta kwa menshi mu mulu, pantu ena emya fubefube ukufuma ku mpela ye sonde. Ena alenga inkuba ukubyatila imfula elo afumya no mwela mubutala bakwe. ¹⁷ Umuntu onse asanguka ubuwelwele, ukwabula ukwishiba. Kafula wa cela onse akomfwa insoni kucabaswa cakwe. Pantu icakubaswa cakwe cabufi, no mweo tamuli muli fyena. ¹⁸ Fyena fyafye, umulimo wa kutumpika; fikaloba mu nshita ya kukandwa kwa fiko. ¹⁹ Lelo Lesa, icakaniko cakwa Yakobo, taba ngefi, pantu ena ni kabumba wa fintu fyonse. Israeli emutundu wa bupyani bwakwe; Yahweh wa milalo eshina lyakwe. ²⁰ Uli nondo ya bulwi bwandi, icilwilo candi icakulwilako. Kuli webo nkotobawilako inko no konauwilako amabufumu. ²¹ Kuli webo nkatobawilako kabalwe no waninapo; kuli webo nebo nkatobawilako amaceleta nowaninapo. ²² Kuli webo nkatobawilako umwaume no mwanakashi; kuli webo nebo eko nkatobawila umukote no mwaice. Kuli webo nebo eko nkatobawila abalumendo na nacisungu. ²³ Kuli webo nebo eko nkatobawila kacema ne mpanga; kuli webo nebo nkatobawilako umulimi ne nama shakwe. Kuli webo nebo eko nkatobawula abalashi ne nkokani shabo. ²⁴ Pantu ku cinso cenu nebo nkalandilako Babiloni na bekashi bamu Kaludi bonse pa bubi bonse ubo bacitile mu Sioni-uku ekulanda kwakwa Yahweh. ²⁵ Bona, nebo ndikwalukile webo, we lupili lwa bonaushi-uku ekulanda kwakwa Yahweh-we lonaula icalo conse. Nebo nkatambalika ukuboko kwandi pali webo, elo nkakukunkulusha webo ukufuma kufimabwe ifyasumbuka, no kukucita webo ulupili ulwa kupya. ²⁶ Eico abantu tabakabule muli webo ilibwe lya kukulila icifutu nganula ilya kubika mu mufula; pantu webo ukaba icibolya umuyayaya-uku ekulanda kwakwa Yahweh. ²⁷ Sumbuleni icishibilo mu calo. Lisheni intandala mu nko. Kuteni inko ku kumulwisha ena. Ararati, Mini, elo na Ashikenasi. Sonteni mushika mukalamba ukuya mulwisha ena; leteni bakafwalo nga makanta ulusenya. ²⁸ Teyanyeni inko shakuya mulwisha ena: Isha mfumu shaku Madai na bakateka bashiko, na balashi bashiko bonsen elo na bamufyalo fyonse fya bufumu bwashiko. ²⁹ Pantu icalo cikatenta no kushikitika, pantu amapange yakwa Yahweh yalitwalilile ukwimina Babiloni, ku kucita icalo ca Babiloni icapomoka umutaba mwikashi. ³⁰ Impalume shaku Babiloni shililekele ukulwa; shikele umwakufisama mwashiko. Amaka yashiko yalipwile; bena bali nga banakashi-mekalo yakwe yakopya, imipindo yakwe ilifunike. ³¹ Inkombe yabutuka ku kulanda ku nkombe inankwe, no wa lubilo aeba uwalubilo mu nankwe ku kweba imfumu ya Babiloni ati umusumba waiko onse ulipokelwe ukufuma kumpela ukufika kumpela. ³² Ne fyabu filipokelwe; aballwani na boca na mato ya mucinda na baume ba bulwi mu Babiloni balisakamikwe. ³³ Pantu Yahweh wa milalo, Lesa wakwa Israeli, alanda ati: Umwana mwanakashi waku Babiloni aba ngecipulilo. Ni nshita yakucinyantaula panshi. Munshitafye iinono inshita ya kuolobolola ikesa kuli ena. ³⁴ Nebukatinesari imfumu yaku Babiloni nandya nebo, ena alitwele nebo mu cimfulumfulu elo ancita nge cipe ca bulamo akantu. Amina nga cishimweshimwe, aisusha munda yakwe amalila yandi, elo ampoosa ne mwine.' ³⁵ Umwikashi wa mu Sioni akalanda ati, ;Ubunkalwe ubwacitwa pali nebo na pamubili wandi na bube pa Babiloni.' Yerusalemu akalanda ati, 'Umulopa wandi ube pabekashi ba mu Kaludi.' ³⁶ Eico Yahweh alanda ati: Bona, nebo nkakubulwilako umulanda no ku kulandwila icilandushi. Pantu nebo nkakamya amenshi ya mu Babiloni elo nkomya utumfukumfuku twakwe. ³⁷ Babiloni akaba imiina ya mabwe, imiba yaba mumbwe, icakupapa, icipe icakuitomona, umutakabe umwikashi. ³⁸ Abena Babiloni bonse bakabuluma nge misepela ya nkalamo. ³⁹ Uluntu bena bakabilima, nebo nkabapekanishisha imitebeto; nebo nkabalenga uku kolwa pakuti bena bakasansamuke, elo bakalala utulo twa muyayaya no kubuka tabakubuke-uku ekulanda kwakwa Yahweh- ⁴⁰ Nebo nkabatwala ku kwipaiwa ngo twana twa mpanga, kwati ni basukusuku pamo na basawe. ⁴¹ Yangu ifyo Babiloni bamucimfya! Kabili ifyo ululumbi lwa pa calo balupwisha. Yangu ifyo Babiloni asanguka icakupapa mu nko. ⁴² Bemba alipitile pali Baboloni! Ena alifimbilwe ku mabimbi yakwe aya pooma. ⁴³ Imisumba yakwe ilisangukile icak=pomoka, icalo cacilala elo iciswebebe, impanga umo nangu umo atekala, elo tamwakapite umuntu nangula umo. ⁴⁴ Eico nebo nkakanda Bele mu Babiloni; nebo nkafumya mukanwa kakwek ifyo ena aminine, ne nko tashakatale ashikonka kuli ena ne mitulo ya shiko. Ilinga lya Babiloni likawa. ⁴⁵ Fuemeni mukati kakwe, mwe bantu bandi. Lekeni cila muntu apusushe umweo wakwe ku bukali bwandi. ⁴⁶ Mwileka imitima yenu itompoke nangula ukutina imbila iyo iikoumfwika mu calo, apo imbila ikesa umuku umo mu mwaka. Panuma yaici mu mwaka umbi pakwisa imbila, no bunkalwe bukaba mu calo. Kateka akemina kateka. ⁴⁷ Eico, bonen, inshiku shikoisa uluntu nebo na kukanda ifimpashanya fya baswa ifya mu Babiloni. Ne calo cakwe conse cikekatwa inosni, na baipaiwa bakwe bonse bakuwila mukati kakwe. ⁴⁸ Eluntu imyulu ne calo, na fyonse ifya bamo muli fyena fikasekelela pali Babiloni. Pantu abakonaula bakesa pali ye ukufuma ku kapinda kakuso. ⁴⁹ Ifyo Babilon alengele abaipawa bakwa Israeli ukuwa, eico Babiloni alengele na baipaiwa pa calo ukuwa. ⁵⁰ Mwe pusuka ku lupanga, kabiyeni! Mwiminina. Ibukishe Yahweh mwe bali ukutali; kabili ibukisheni Yersalemu mu mitima yenu. ⁵¹ Fwebo tuli ne nsoni, pantu tulyumfwile umusebanya; ukusebana kulitufimbile pa menso, pantu abantu babubi baingila apashila pa ng'anda yakwa Yahweh. ⁵² Eico, boneni, inshiku shikoisa-uku ekulanda kwakwa Yahweh-uluntu nebo nkakanda ifimpashanya fyakubaswa fyakwe, na bantu bacenekwa bakateta mu calo cakwe conse. ⁵³ Pantu nangula Babiloni enganina ku mulu, nangula ukulenga icifulo cakwe icakusansuka, abakumonaula bakafuma kuli nebo ukuya kuli ena-uku ekulanda kwakwa Yahweh. ⁵⁴ Ukulila kwa bulanda kwafuma mu Babiloni, no kubongoloka kukulu ku calo ca bena Kaludi. ⁵⁵ Pantu Yahweh akonaula Babiloni. Ena akalenga ishiwi lyakwe ilikulu ukonaula. Abalwani babo bapooma nga mabimbi mu menshi ayengi; icongo cabo casansuka. ⁵⁶ Pantu abakonaula bakesa pali ye-pali Babiloni-elo mpalume shakwe shikekattwa. Amata yabo yakufunaulwa, pantu Yahweh ni Lesa wa cilandushi; ena icinefye ukulandula akalandula. ⁵⁷ Pantu nebo nkalenga abana baume bakwe, abalshi bakwe, bacilolo bakwe, elo na bashilika bakwe ukukolwa, elo bena bakalala utulo twamuyayaya no kushikubuka tabakashibuke- uku ekulanda kwa mfumu: Ishina lyakwe ni Yahweh wa milalo. ⁵⁸ Yahweh wa milalo alanda ifi: Ilinga lya mukati ka Babiloni likawishiwa umupwilapo, ne mpongolo shakwe ishitali shikocewa. Eluntu abantu abakoisa kuli ye bacucutikilafye ulwisha; fyonse ifyo inko shalikufwaya ukumucitila fikocewa.'' ⁵⁹ Aya emashiwi ayo Yeremia kasesema aishile kweba Seraya umwana mwaume wakwa Neria umwana mwaume wakwa Maaseya uluntu ena sihile kuya n sedekia imfumu yakwa Yuda ku Babiloni mu mwaka wakulenga ine mukuteka kwakwe. Nomba Seraya ali mukalamba wabulendo. ⁶⁰ Pantu Yeremia alilembele mwi buku limo ubucushi bonse ubukesa pali Baboloni-amashiwi yonse aya yalembelwa Babiloni. ⁶¹ Yeremia aishile kulanda kuli Seraya ati, ''Uluntu webo ukaya ku Babiloni, eluntu webo ukabona elo webo akabelenge amashiwi aya mwishiwi ilikalamba. ⁶² Eluntu webo ukalande ati, 'Mwe Yahweh mwebo ni mwe mwalandile ukuti muli no konaula ino ncende, elo tamwakekale umwikashi umuntu nangula icitekwa, elo cena cikaba cibolya umuyayaya.' ⁶³ Kabili uluntu webo wapwisha ukubelenga ilibuuku, ukalukake kwi libwe elo ukalipose mukati ka mumana wa Yufrate. ⁶⁴ Ukalande ati, 'Babiloni akashika ngefi. Takabuke pa mulandu wa bucushi ubo nebo nkoleta pa ena, elo bena bakawa.''' Epapela amshiwi yakwa Yeremia panopene.