¹ Pantu ubuntungwa Kristu fwebo ali tulubula. Talamameni ndi, eico kanshi, na kabili mwi bwelelela mwikoli lya busha. ² Boneni, Nebo, Paulo, nkolanda kuli mwebo ukweba ati mwebo mwasumina ukweba ati ba misembulule, Kristu taka myafwe mu nshila iilil yonse. ³ Nkoba bukambone na kabili ku muntu uuli onse uyo uukosumina ukusembululwa pa kweba ati akonke amafunde yonse. ⁴ Muli putwilweko kuli Kristu, mwebo abo abakofwaya ukulungamikilwa mwi funde; mwebo tamwakabale amupokelelako uku senamina kwakwa Lesa. ⁵ Pantu fwebo ukupitila muli Mupashi, mu cisumino, fwebo mukukabila tuko pembela mwisubilo lya bulungami. ⁶ Muli Kristu Yesu fwebo ukusembululwa nangu ukukana sembululwa takubomba nangu cimo, icikulu cisumino icibomba ukupitila mu mulimo ya citemwiko. ⁷ Mwalikwenda fye bwino. Bushe ninani uumifulungenye nokufuma mukukonka ifya cine? ⁸ Ico cena tacafuma kuli Lesa uwamikuta! ⁹ Intutumushi iinono ilalenga umufuba onse ukututumuka. ¹⁰ Nebo nalikwata icicetekelo muli Shikulu ica kweba ati tamwa kale kutontonkanya ifintu ifya ku pusanako. Uyo wine uuko mifulunganya akakandwa ububupingushi, nangu abe wa musango ndo. ¹¹ Mwe bamunyinane, nga ca kweba ati Nebo ncili nkobilikisha pa kusembululwa, bushe cindo ico na nomba Nebo bako mpakashila? Muli uyo musango iciti ica lupanda bali cinyapo. ¹² Kuli abo aba komifulunganya, kuti natemwa ukweba ati baiputulako abene abene! ¹³ Pantu mwebo mwalikutwa ukuba abantungwa, mwe bamunyinane. Lelo mwileka ubuntungwa bwenu mu mubela wa masambi; lelo, ukupitila mu citemwiko mule kubombela abanenu. ¹⁴ Pantu amafunde yonse yafikilishiwa mwi shiwi limo: ''Mule kutemwa abanenu ukubati ni filya fine mwaitemwa mwe bene.'' ¹⁵ Lelo nga cakweba ati mukosuma elo nokucena abanenu, mulekucenjela e pakweba ati limbi muka yonaula bonse. ¹⁶ Lelo nebo nkolanda ati, mulekwenda aba kotungululwa no Mupashi elo lyena tamwa lekukonkelelela ifya bu mubili bwenu bukofwaya. ¹⁷ Pantu ififwaya bu mubili bwenu fyali pusana nefyo Mupashi ufwaya. Pantu ifi filalwishanya ifine fyeka, epa kweba ati tekuti ucite ifintu ifyo ukofwaya. ¹⁸ Lelo nga cakweba ati ukotungululwa no Mupashi, ninshi ta uko alululwa na mafunde. ¹⁹ Nomba imilimo iya ku mubili ili shibikilwe fye bwino bwino: Ubulalelale, Umutendeka, imisango iya bubi, ²⁰ ukupepa utulubi, ubuloshi, ubulaki no kulapatana, ubufuba, icifukushi, ²¹ ulunkumbwa, bucakolwa, iciwowo, na fimbi ifya uyu musango. Nkomisoka, ukubati ni filya fine ifyo na misokele na kabili, ukweba ati abantu abacita ifi fintu tabakapyane ubufumu bwakwa Lesa. ²² Lelo ifitwalo fya Mupashi nifi, ukutemwa, insansa, umutende, umuteka tima, icikuku, ubune, icisumino, ²³ umutembo elo noku ibweshamo we mwine; takwaba ifunde nangu limo ilikanya ifya musango uyu. ²⁴ Abantu ababa abakwa Kristu Yesu bena balitanika imibela iya bu mubili kumo elo no lu nkumbwa ulwa bubi. ²⁵ Nga cakweba ati fwebo twikala na Mupashi, lekeni ifyo fine katulekwenda ku Mupashi. ²⁶ Katuleke ukuyumfwaa, nangu uku lekusonsomba abanesu, nangu uku lekukumbwa abanesu.