¹ Nebo nkolanda ati, impyani , inshita iili fye yonse iyo ali fye umwaice, tapusana no musha, nangu line e ngaba umwine wa fyonse. ² Lelo aba fye panshi ya bafyashi elo naba mwangalila ukushinta fye na pa bushiku ubo wishi apekanya. ³ Eico na fwebo bene, uluntu twali abaice twali mu busha ubwa kwalululwa fye ne fintu ifya bubi ifya pano calo. Ifyo fintu fyali kutwalulula fye ukubati ni filya ifyo shikulu alulula abashs bakwe. ⁴ Lelo uluntu inshita ine yafikile, Lesa alitumine umwana wakwe, uwafyelwe ku mwanakashi , uwa fyalwa ukulinga ne funde. ⁵ e pa kweba ati enga kabula abo abali kutekwa ne funde pa kweba ati twingapokelela ukuba nga abana. ⁶ Elo pa mulandu wakweba ati muli bana, Lesa ali tumuna umwana wakwe mu mitima yesu, uyo uukobilikisha ati ''Abba, Tata'' ⁷ Eico tamuli basha na nomba lelo umwana, elo nga cakweba ati uli mwana, eluntu wali kubu bupyaniukupitila muli Lesa. ⁸ Lelo pali ilya nshita ,uluntu tamwaishibile Lesa, mwali lengelwe ukuba abasha kuli abo, ababa namaka ya cifyalilwa, tayali ayaku tu lesa iyo. ⁹ Lelo nomba mulishibile Lesa, nangu ukweba ati muli shibilwe na Lesa, bushe nindo ico mu kobwekelela ku ba nakuka elo no kulekukonka imisango iya bubi iya muno mu calo? Bushe mwebo mukokofwaya ukunonkwa ubusha nakabili. ¹⁰ Mukonka inshita elo ne myeshi iipya elo ne nshita elo me myaka! ¹¹ Ndi mikwatile umwenso pa kweba ati limbi uku bomba kwandi nenu kuti kwaba kwafye fye. ¹² Nko mipapata mweba munyina, mube ukuba ati ni nebo, pantu nandibo ndi ukuba ati ni mwebo. Tali mwebo mwa ndufyenye. ¹³ Lelo muli shibile ukweba ati ni pa mulandu wa bulwele bwa mubili ecalengele ndekubila imbila ya bune kuli mwebo inshita iya ku tampilapo. ¹⁴ elo nangu nalo lwine umubuli wandi wali kuboneka uwakulwala ta mwa ntamfishe nangu uku nkana mututwele mu iwe shiwa, imwe tamwasulile nangula ukukana. Lelo mwali pokelele ukuba ati ni malaika wa kwa Lesa, ukuba ati nali ni nebo Kristu Yesu umwine. ¹⁵ Bushe yali kwisa amapalo yenu nomba? Pantu nebo nkopela bu kambone kuli mwebo ati, nga ca kweba ati cinga nguka, nga muli funishe amenso yenu elo no ku yapa kuli nebo. ¹⁶ Eico kanshi, ndya lukile umulwani wenu pa mulandu wa kweba ati nko myeba ica cine. ¹⁷ Ba koboneka aba kokonka ifyo mukobeba pa kweba ati mule kubakonka, lelo ico tacili cakumiwamina. Bakofwaya ukumufunya kuli nebo pa kweba ati mule kukonka fye ifyo ba ko myeba. ¹⁸ Caliba ica lyonse ica bune uku lekukonka pa kulola ku bune, elo te ulo fye uluntu nebo ndi nenu. ¹⁹ Mwe bana bandi abanono, na kabili nkocula kubuli ubwa bufyashi pali mwebo pa uku shinta fye nolo Yesu aka pangwa muli mwebo. ²⁰ Nko fwaya ukweba ati kuti nasanganwa nenu nomba elo no kwalula umutendo wandi, pa mulandu wakweba ati ndi pelelwe amano pali mwebo. ²¹ Njebeni, mwebo mwe bakofwaya ukuba mwi funde, bushe tamu kutikaa ukuba ku mafunde? ²² Pantu cali ukweba ati, ablamu alikwete abana baume babili, umo ali wamu mwanakashi umusha elo umbi naye ali wamu mwanakashi umuntungwa. ²³ Umo afyelwe ku mwanakashi umusha uku lingana na bu mubili, lelo umbi afyelwe ku mwanakashi umuntungwa ukulingana no cilayo. ²⁴ Ifi fintu kuti fya pilibulwa ukuba ati ka shimi, pantu abo abanakashi be mininako ifi pangano fibili. Umo pali bo atulile ku lupili lwa Sinai elo apapiile abana mubusha. Uyu ni Haga. ²⁵ Nomba Haga akoimininako ulupili lwa Sinai, ku Aribia, elo akaimininako Yerusalemu lelo, pantu ali mu busha na bana bakwe. ²⁶ Lelo Yerusalemu uwaba mu mulu muntungwa, elo e nyinefwe. ²⁷ Pantu cali lembwa ati, '' Sangalala webo we ng'umba iyo iitafyala; no kupundisha elo upunde ne nsansa, webo we uta culako ku bukali bwapa kupapaapa ; pa mulandu wakweba ati abana ba ulya umwakashi uwali fye umushimbe ba cilamo ukufula ukucila pali ulya umwanakshi uwali no mulume.'' ²⁸ Lelo mwebo, ba munyina, ukubati ni Isaki, muli bana ba bulayo. ²⁹ Pali ilya inshita ulya uwa fyelwe ukulingana no buntunse ako pakasa uyo uwafyelwe ukulingana no Mupashi. Cili fye cimo cine nomba. ³⁰ Lelo bushe findo ifyo amalembo yalanda? ''Mutamfye umwanakashi umusha elo no mwana wakwe umwaume. Pantu umwana mwaume wa mu mwanakashi umusha tekuti akwateko ica kaniko mu fikwatwa ifya mwana mwaume wamu mwanakashi umuntungwa. ³¹ Eico kanshi, mweba munyinane, tatuli bana aba mu mwanakashi umusha, lelo tuli ba mu mwanakashi umuntungwa.