¹ Ba munyinane, nga cakweba ati umo asanganwa mukuluba, mwebo mwe bali no Mupashi muligile ukumwalululla mu nshila iya bune. Mu lekuisakamana bene, epa kweba ati na mwe bene tamuponene mukutunkwa. ² Mu lekupitishanya ifipito, elo epa kufikilisha amafunde yakwa Kristu. ³ Pantu nga cakweba ati uuli onse akotontonkanya ukweba ati alibapo fimo uluntu tabapo ne fimo, ako ibepa umwine. ⁴ Cila muntu aleku cenceta imilimo yakwe umwine, elo eluntu no mulandu uwa kuitakishishapo ukaba fye muli ye eka elo tali muli umbi iyo. ⁵ Pantu cila muntu akapitia icisendo cakwe umwine. ⁶ Uyo uo ba kosambilisha icebo ali no kwabanyako ifintu fyonse ifya bune akakwata ku uko musambilisha. ⁷ Bela kumibepa. Lesa tali waku punika, pantu icintu sonse ico umuntu uubyala, ico cine eco akasombola. ⁸ Pantu ye uulimba inseke ku bu ntunse bwakwe, ni kubuntunse bwakwe eko akasombola uko naulwa. Uyo uubyala inseke ku Mupashi, ukutula ku Mupashi eko akesa kusombola umweo wa muyayaya. ⁹ Twila kutendwa muku cita ifya bune, pantu pa nshita iya bune tukesa kulongana mu kusombola, nga cakweba ati tatutendelwe. ¹⁰ Eico kanshi, ulo tukwete akashita, katu lekucita ifya bune ku bantu bonse, makamaka kuli bo aba mulupwa lwa cicetekelo. ¹¹ Boneni amakalata ubutali ayo milembela no kuboko kwandi. ¹² Abo aba kofwaya ukucita ifya kusekesha umubili bo bakoesha mwebo ukweba ati musembululwe. Bakocita ifi nipa kweba ati bepakaswa pa mulandu wa lupanda lwakwa Yesu. ¹³ Pantu nangu ni abo bene abasembululwa bene balasunga amafunde, lelo bakofwaya ukweba ati mwebo musembululwe pa kweba ati balekuyumfwila pa mibili yenu. ¹⁴ Lelo nebo ni lakuitakisha kano fye mu lupanda lwakwa Shikulu Yesu Kristu, uyo uo icalo catanikilwamo kuli nebo, elo nandibo ku calo. ¹⁵ Pantu takuli kusembululwa kwingalenga icintu nangu cimo atemwa ukana sembululwa, icili icintu kuli nebo kubumbwa ukupya. ¹⁶ Kuli bo bonse abendela mukukonka iyi imbela, umutende elo no luse fibe pali bo, elo napali Israeli wakwa Lesa. ¹⁷ Ukutula lelo no kulola ku ntanshi mwileka umuntu nangu umo ukumicusha, pantu na lipiita pa mubili wandi mikofu iya kupuminwa pa mulandu wakwa Yesu. ¹⁸ Ukusenamina kwakwa ShikuluYesu Kristu kube no mupashi wenu, mweba munyinane. Amen.