¹ Panuma ya nshiku shisano, Ananiasi umukulu uwa kuba shi mapepo, bamo abakulu, elo nowa ishibisha amafunde uwe shina lya Tertullus balile kulya. Aba bantu batwele umulandu wakwa Paulo kuli cilolo. ² Uluntu Paulo atalamene ku ntanshi yakwa cilolo, Tertullus ukumupa imilandu elo no kulanda kuli cilolo ati, ''Pa mulandu obe twali kwata umutende uukulu, elo na mano yobe yali leta ukutunguluka mu calo; ³ eico kanshi mukutotela konse fwebo tukopokelela fyonse ifyo mukocita, mwe bafikapo ba Felix. ⁴ Eico pa kweba ati nitwalilila ukumikalika, nko mipapata ukweba ati mu tukutikeko mu kusupawila. ⁵ Pantu fwebo twasangana ukweba ati uyu muntu ni kalufyanya elo eulenga bonse aba Yuda mu calo conse ukuba ba cisanguka. E ntungulushi ya mpuka yabena Nasareti. ⁶ Ye alyeseshe no kukowesha itempele, eco fwebo twamwikatile. ⁷ Lelo umukulu wa bashilika Lusia aishile ku mupiita ku maka fye. ⁸ Uluntu muko mufwailikisha Paulo pa milandu yonse, muko sambililapopa fintu fyonse ifyo fwebo tuko mupelelapo imilandu.'' ⁹ Aba Yuda nabo bali ilundileko muku mupela imilandu, noku noku shininkisha ukweba ati iyi imilandu yonse yali ya cine. ¹⁰ Lelo uluntu umulashi acebwishe Paulo pa kweba ati alande, Paulo alyasukile ati, ''Nebo ndi kutikishe ukweba ati pa myaka iingi uli kapingula wa milandu muli cino calo, elo eco nebo natemwa ukweba ati njilondolwele kuli webo. ¹¹ Kwena na we mwine ulishibile ukweba ati ta silacila inshiku ikumi limo na shibili apo nailile mu kupepa ku Yelusalemu. ¹² Uluntu bansangene mwi tempele, Nta talikenepo no muntu nangu umo, elo nta fulungenyepocinkupiti, nangu fye nimu sinagogi, nangu ni mu musumba. ¹³ Tekuti banshinine pa milandu yonse iyo bakompela pali ino nshita. ¹⁴ Lelo nko sumina ifi kuli webo, ukweba ati ukulingana ne yi nshila iyo bako kuuta icikunka icikulu, Nebo mpepa Lesa uwa kuba shifwe. no kusumina ifintu fyonse ifyo ifya ukukonda na mafunde elo ifyo iyfa lembwa muli ba kasesema. ¹⁵ Nandibo nali kwata isubilo muli Lesa, ilyo naba bene bakwata, ilya kweba ati ku kaba uku tutubuka ukwa bonse abaloloke elo nababifi. ¹⁶ Eico Ndesha lyonse ukwenda no mutima uwa kaele pa cinso cakwa Lesa elo napa bantu. ¹⁷ Nomba panuma ya myaka iyingi naishile mukuleta ubwafwilisho ku calo candi elo ne fya malambo. ¹⁸ Uluntu na citile ifi, bamo aba Yuda abatulilele ku Asia ba sansangene mu kusefya ukusangululwa mwi tempele, ntali na cinkupiti wa bantu nangu uku sowesha. ¹⁹ Aba bantu bafwile ukuba pano nomba elo no ku mpela imilandu, nga cakweba ati balikete ifya kushinina. ²⁰ Nangu nga teifyo; aba bantu bamo bene balande ifintu ifya bubi ifyo basangene muli nebo uluntu natalamene kuntashi ya cilye ica ba Yuda, ²¹ kano fye nga cakweba ati ni pali ci cintu cimo cine ico nebo napundile ukulanda uluntu nebo natalamene pali bo, ''Ico cikumine ku kututubuka kwa bakufwa eco nebo nde pingwilwapo kuli mwebo lelo.''' ²² Eluntu Felix, uyou waishibile bwino bwino pa lwa bwina Kristu, aliminikile umulandu. Alandile ati, ''Uluntu Lisias umukulu waba shilika akesa ukutula ku Yelusalemu, elo nka pingula umulandu obe. ²³ Eluntu akonkomeshe malonda ukweba ati Paulo asungilwe mu kalyati, akwate akwate amayendele panono epa kweba ati pa fibusa fyakwe bekanyapo nangu umo e ukumwafwilisha ku fikofwaikwa. ²⁴ Panuma ya nshiku shimo, Felix ali bwelelemo pamo na Drusilla umukashi wakwe, uwali mu Yuda, elo aebele ukweba ati balete Paulo elo akutikikile kuli ye palwa cisumino muli Kristu Yesu. ²⁵ uluntu uluntu Paulo alanshanya naye palwa bulungami, no lwa kuteka umutima, elo napa lwa bupingushi ubukoisa, Felix alyumfwile umwenso elo no kulanda ati, ''Kabuye ngale pali ino nshita. Lelo uluntu nkakwata inshita ku ntanshi, nkatuma abakukuuta nokwisa kuli nebo.'' ²⁶ Pa nshita imo ine ali kucetekela ukweba ati Paulo akamupelako indalama, eico alikutuma aba kumukuta libili libili elo nokulanda naye. ²⁷ Lelo uluntu imyaka ibili yapitile, Porcius Festus ewaishile kuba umulashi panuma yakwa Felix,lelo ico Felix alikufwaya ukusekesha aba Yuda, eico kanshi ashile Paulo ninshi alikakilwe mu cifungo.