1 Paulo ali lolekeshe mukulolenkana naba mu chilye elo abebele ati, ''Mwe bamunyina, nebo nalikala pa cinso cakwa Lesa mu matontonkanyo yonse aya bune ukushinta fye no bushiku bwakelo." 2 Umukulu wa kuba shi mapepo Anania ali konkomeshe abo abatalamene mupepi naye uku mushengula ulupi lwapa kanwa. 3 Elo Paulo alandile kuli ye ati, ''Lasa nobe ako kushengula, we cibumba icakupwa. Bushe ulikele pa kumpingula pa kukonka amafunde, elo wabeba no kunshengula, icitaba mwifunde?'' 4 Abo abatalamene mupepi naye baishile kulanda ati, '' Bushe ifyo fine fye efo winga lekutuka umukulu waku bashi mapepo?" 5 Paulo e kulanda ati, ''Ntacishiba, mwe bamunyina, ukweba ati mukulu waku bashi mapepo. Pantu chalilembwa ati, Taufwile ukulanda ifibi pakateka wa bantu" 6 Uluntu Paulo abwene ukweba ati icipande cimo icaku bashi cilye bali ba Saduki elo bambi ba Falisi, ali kubilikisha pa kulanda mu cilye ati, ''Mwe bamunyinane, Nandibo ndi mu Falisi, umwana mwaume waba Falisi. Nipa mulandu wakweba ati nalikwata isubilo ilya kututubuka kuba kufwa ecalenga ukweba ati mpingulwe. 7 ''Uluntu alandile ifi, ifitala fya libukile pakati kaba Falise elo naba Saduki, elo na cinkupti alyakanikilemo pakati. 8 Pantu aba Saduki basumina mukweba ati takwaba ukututubuka kuba kufwa, nagu fye ba malaika, elo takwaba ne mipashi, lelo aba Falise bo balisumina muli ifi fyonse. 9 Eico pali icongo icikulu, elo bamo pali bakalemba abali ba Falisi balimine elo no kutalika,no kulanda ati, Tatusangene ububi muli uyu muntu. Bushe nga limbi cakweba ati umupashi nangu ni malaika eulandile kuli ye?" 10 Uluntu paimine ifitala ifikulu, Umukulu waku bakalonda alitinine ati limbi Paulo kuti ba musantaula kuli bo, eico ali konkomeshe abashilika ukuyapo elo noku mufunyapo kumaka pakati kaku bashi cilye, elo no kumuleta mukati kabo. 11 Ubushiku bwaishile kukonkapo, Imfumu yali talamene pa mbali yakwe elo no kulanda ati, ''Ukose fye, ukubati nifi fine ifyo wa londolola kuli nebo mu Yelusalemu, Yelusalemu, ifyo fine efyo ufwile ukuya ku londolola na mu Roma. 12 Uluntu bwacile, bambi aba Yuda bali pangene, nokulapa umulapo no kulanda abati tabalye nangu ukunwa kano fye Paulo epaiwe. 13 Bali cilile pa baume amakumi yane abo aba umene akapi aka kwipaya Paulo. 14 Baile ku bakulu baku bashi mapepo elo naku bakulu elo nokuya kulanda ati, ''Tulilapile umulapo uukulu uwakukana ukulyapo akakulya nangu kamo mpaka fye twipaye Paulo. 15 Nomba, eico kanshi, lekeni icilye ukukonka umutande cipushe umukulu wakuba kapito ukumuleta kuli webo, pakweba ati upingule umulandu wakwe bwino.Fwebo pa lwesu tuli ipeleshe uku mwipaya ulo talaisa kuli kuno." 16 Lelo umwana mwume wakwa nkashi yakwe ali kutikile ukweba ati bali mwikalile, eico alile, elo apitile pakati kabo nokuya kweba Paulo. 17 Paulo alikutile umo pali ba malonda elo ailandile ati, ''Piteeni uyu umulumendo ku mukulu waku bashi mapepo, pantu alikwete ifya kutubulula kuli ye." 18 Eico umushilika alipitile umulumendo elo noku muleta ku mukulu waku ba malonda elo alandile ati, ''Paulo umufungwa aaci nkuuta kuli ye, elo alinjipwishe ukweba ati ndete uyu mulumendo kuli webo. Ali kwete ifya kulanda kuli webo." 19 Umukulu waku ba malonda ali mwikete pa kuboko noku mutwala ku ncende iya futete elo noku mwipusha ati, ''Bushe findo ifyo ukofwaya ukutubulula kuli nebo?" 20 Umulumendo aialandile ati, ''Aba Yuda bali suminishenye ukweba ati bakwipushe ukweba ati ukaleta Paulo mailo , uku bati bakofwaya ukwipushisha pa mulandu wakwe bwino bwino. 21 Lelo wimulekelako kuli bo, pa mulandu wakwweba ati balicilile pa baume amakumi yane aba mwikalile. Balyumene akapi no kulapa umulapo no kweba ati tabalye ica kulya nangu ukunwa amenshi mpaka fye ba mwipaye. Na pano pene fye balifye abakuipekanya, no kupembela ukweba ati usuminishe." 22 Eico umukulu waku bamalonda aishile kweba umulumendo ukuya, panuma yaku mukonkomesha ukweba ati, ''Wi ebako nangu umo ukweba ati uli tubulwileko ifi fintu kuli nebo." 23 Eluntu aishile kwita babili pali ba malonda elo no kwisa kubeba ati. ''Buleni abashilika imyanda ibili baipekanye ukuya kuli Kaesaliya, elo na baume ababomfya bakabalwe amakumi cine lubali elo, kabili na baume ba misumbo abali imyanda ibili. Mu kotampako kumaca ne nshita iya kulenga butatu." 24 Kabili ali bakonkomeshe ukupekanya inama isho Paulo ali no kuya kuninapo elo noku mutwala ukwabula ubwafya kuli Felix cilolo. 25 Eluntu alembele inkalata ngefi: 26 ''Claudias Lysias ku Mulashi wa mano aya pulishamo Felix, nko kuposha. 27 Uyu muntu aishile kwikatwa na ba Yuda elo ali mupepi no kwipaiwa kuli bo e uluntu naishile pali bo pamo na bashilika elo noku mupususha, epo nali nali shibilile ukweba ati mwina Roma. 28 Nalikufwaisha ukwishiba ico bamu pelele umulandu, eico naishile ku mupiita noku mutwala ku cilye cabo. 29 Naishile kwishiba ukweba ati pa mupelele umulandu pa lwa mepusho ukulingana na amafunde yabo, lelo nati tapali icaku mupelelapo umulandu ukweba ati alilingile ukufwa nangula ukukakwa. 30 Eluntu caishile kwishibikwa kuli nebo ukweba ati bali ku mupingila uku mwipaya uyu muntu, eico ulo lwine fye naishile kumutuma kuli mwebo, elo noku konkomesha bashi milandu bakwe ukweba ati balete imilandu yabo pali ye pa cniso cobe. Wikale bwibo.'' 31 Eico aaba shilika bali konkele ifipope fyabo. Bali pitiile Paulo elo no kwisa ku muleta ubushiku bweka kuli ku Antipatrisi. 32 Pa bushiku bwaishile kukonkapo, abashilika abengi baishile kusha baume ba pali bakabalwe no kuya naye elo abene baishile ku bwelulukila kubutusho. 33 Uluntu abaume bapali bakabalwe baishile kufika ku Kaisalya elo baishile kupela inkalata ku Mulashi, kabili baishile kupela na Paulo kuli ye. 34 Uluntu Umulashi aishile kubelenga inkalata, aishile kwipusha icitungu uko Paulo atulile. Uluntu aishibile ukweba ati atulile ku Cilicia, 35 aishile kulanda ati, ''Nala kukutikisha bwino uluntu aba kokupela imilandu ulo ba koisa kuno.'' Eluntu akonkomeshe ukweba ati ye ba musungile ku muputule mu buteko bwakwa Herod.