¹ Paulo naye aile ku Debe elo ku Lisitala, umusambi uwali kukutwa Timoti ali kulya, ali umwana wa mwanakashi umu Yuda kabili uwasumina, lelo wishi ye ali mu Griki. ² Aba bwananyina bonse aba mu Lusitala elo na Ikoniumu bali kubalanda ifya bune. ³ Paulo ali kufwaya ukwweba ati akaye naye, eico ali mupitiile elo noku musembulula pa mulandu naba Yuda abo abali muli shilya incende, pantu bonse bali shibile ukweba ati wishi ali mu Griki. ⁴ Ulo ba likuya ukupita mu mu misumba, bali kushimikila ku nkuta amafunde ayo bali no kulekukonka, amafunde ayo ayalembelwe na basole elo na bakulu mu Yelusalemu. ⁵ Eico inkuta shalikosele mu cisumino elo shali kulunduluka mu mpendwa cila bushiku. ⁶ Paulo elo nabanakwe bali kupita mu fitungu Ifya Piligya elo na Galatiya, apo fye bali bakenye kuli Mupashi wa Mushilo ukubila Imbila iya bune mu ciputulwa ca Asia. ⁷ Uluntu baishile mupepi naku Misia, balikufwaya ukweba ati balekuya mu Bitinia, lelo Umupashi wakwa Yesu wali bakenye. ⁸ Eico ulo bapitile mu calo ca Misia, baishile kufika ku musumba wa Toloasi. ⁹ Icimonwa cali bonekele kuli Paulo mu nshita ya bushiku: Umuntu uwaku Mesodonia ali talamene palya, ako mupapata elo no kulekumweba ati, ''Mwise kuno ku Mesodonia mwise mutwafweko.'' ¹⁰ Uluntu Paulo abwene ici icimonwa, ulo lwine fye twalimine nokuya ku Mesodonia, twali shininkishe ukweba ati Lesa alitukutile ukuya kubila Imbila ya bune kuli bo. ¹¹ Twali pateme mu bwange elo no kooba ukutula ku Talaosi, Twalungeme fye ku Samotulake, elo ubushiku bwakonkelepo twaile ku Napolisi. ¹² Ukufuma kulya twaile ku Filipi, umusumba uwali mu Mesadonia, uwali umusumba uwalumbuka nganshi mu ciputulwa elo na mu calo ica Roma, elo twalikelemo inshiku ishingi. ¹³ Pa bushiku bwapa Chibelushi twaile kunse ya musumba ukubomfya umumana uko twali kutontonkanya ati ekwa kupepela. Twaikele kulya no kulanda ku banakashi aba bungene pamo. ¹⁴ Umo umwanakashi uwe shina lya Lidya, uwali kushitisha insalu isha kukashikila afumine ku musumba wa Tiyatila, uwali kulumbanya Lesa, akutikile kuli fwebo. Shikulu aiswile umutima wakwe no ku kutikisha kufyo Paulo alikulanda. ¹⁵ Uluntu ye elo naba mu ng'anda yakwe ba batishiwilwe, ali tupatikishe no kutweba ati, ''Nga icine mu kotontonkanya ukweba ati nandibo ndisumine icine cine muli Shikulu, twendeni elo no kuya kwikala mu ng'anda mwandi.'' Elo ali tupatikishe epakuya kwakwe. ¹⁶ Ica citikile cakweba ati, umo twali tukoya ku ncende iya mapepo, umukashana umo umusha uwali no mupashi uwa kulongola ifya ku ntanshi ali tukumenye. Ali sambeshe ba shikulu bakwe ku mulandu nolubuko lwakwe. ¹⁷ Uyu mukashana alikukonka Paulo elo nafwe bene elo abilikishe, akolanda ati, ''Aba bantu babomfi bakwa Lesa Uwapulamo.'' Bakobila kuli mwebo inshila iya kupusukilamo. ¹⁸ Ali kucita ifi fine pa nshiku ishingi. Lelo Paulo,ico ali fulilwe nganshi kuli ye, alyalukile elo no kulanda ku mupashi ati, ''Nko ku konkomesha mwishina ilya kwa Yesu Kristu ukufuma muli ye.'' Elo cali mufuminemo pali iyo ine inshita. ¹⁹ Uluntu bashikulu bakwe babwene ukweba ati isubilo lyabo ilya bukumu nomba lyapwa, balikete Paulo elo na Sailasi elo noku batantanya ukubatwala mu cisankano pa cinso icaabo abali ne nsambu . ²⁰ Uluntu babatwele kuli bakapingula ba milandu, balandile abati, ''Aba bantu bakoleta icimfulunganya mu musumba wesu. Ba Yuda. ²¹ Ba kosambilisha intambi isho ishitali ma mku bena Roma uku shi sumina nangu uku shi cita. ²² Eluntu cinkupiti aimine pamo no kwimina Paulo elo na Sailasi; ba kapingula ba milandu bali lepawile amalaya ayo bafwele elo nokweba abantu ukweba ati ba bapumaule ukubomfya amembya. ²³ Uluntu bapwile uku balopaula, babaposele mu cifungo elo noku konkomesha malonda wa cifungo uku lekubabaka bwino. ²⁴ Panuma yakupokelela ici cipope malonda wa cifungo abaposele mu kandelu kapakati elo nokukakila amolu yabo mu makoli. ²⁵ Kuma pakati ka bushiku Paulo elo na Sailasi bali kupepa elo no kwimba inyimbo kuli Lesa, elo abafungwa bambi bali kukutikako fye kuli bo. ²⁶ Mu kukapa fye kwe linso icinkukuma icikulu calipitile, ica kweba ati ne mifola ya cifungo yali sunkene; elo ulo lwine fye ne fibi fyonse fyalisukile, elo ne minyololo ya bonse yakakulukile. ²⁷ Malonda wa cifungo alisantamukile mutulo elo no kubona ifibi fya mu cifungo fili ifyakwisuka; abulile ulupanga lwakwe elo nokufwaya ukuipaya pantu ali kutontonkanya ukweba ati abafungwa bonse balibutukile. ²⁸ Lelo Paulo abilikishe ne shiwi ilikulu, no kulanda ati, ''Wi icita icintu nangu cimo, pa mulandu fwebo bonse emo tuli muno. ²⁹ Malonda wa cifungo epa kukuta abakuleta imisaniko elo no kubutukila mukati elo, ninshi akokanka, awila mupepi pali Paulo elo na Sailasi, ³⁰ elo no kubafunya panse elo no kulanda ati, ''Mukwai, bushe nindo iyo ndigile ukucita pakupusuka?'' ³¹ Balandile kuli abati, ''Sumina muli Shikulu Yesu, elo ukapusuke, webo elo naba ng'anda yobe.'' ³² Balandile ishiwi lyakwa Shikulu kuli ye, pamo pene fye na bonse abali mu ng'anda. ³³ Eluntu malonda wa cifungo ilya ine inshita ya bushiku abapitiile, elo noku samfya ifilonda fyabo, elo ye elo na bonse abali mu ng'anda yakwe bali babatishe ulo lwine fye. ³⁴ Eluntu ulo aletele Paulo elo na Sailasi mu ng'anda elo no kubateyanishisha ifilyo, ali sansansamukile nganshi pamo na bonse abali mu ng'anda, ye pa kusumina muli Lesa. ³⁵ Nomba uluntu cali mu kasuba bakapingula wa milandu batumine amushiwi kuli ba malonda, nokulanda ati, ''Lekeniko balya bantu balekuya.'' ³⁶ Malonda wa cifungo alilandile aya amashiwi kuli Paulo, no kumweba ati, Bakapingula wa milandu batuma amashiwi kuli nebo aya ku milekako mulekuya. Nomba eico kanshi fumeni, elo mulekuya mu mutende.'' ³⁷ Lelo Paulo alandile kuli bo ati, ''Bali tupumine palwalala ukwakubula uku tulubulwisha, nangu line fye fwebo tuli bena Roma¬elo bali tuposele mu cifungo. Bushe nomba elo bakofwaya ukutufunya mu cifungo mu bumfisolo? Awe! Mubebe abene ba kalubulwisha ba milandu ebo bese batufunye.'' ³⁸ Ba malonda batwele aya amashiwi kuli bakapingula ba milandu, elo uluntu baumfwile ukweba ati Paulo elo na Silasi bali bena Roma, balitinine. ³⁹ Ba kapingula wa milandu balishile elo no kulomba ubwelelo kuli bo elo noku bafunya, noku ba konkomesha ukuya no kufuma mu musumba. ⁴⁰ Eico Paulo elo na Sailasi bafumine mu cifungo elo baile ku ng'anda iya kwa Lidia. Uluntu Paulo elo Sailasi babwenae ba munyina, bali bakoseleshe elo eluntu bafumine mu musumba.