¹ Abaume bamo balishile ukutentemuka ukutula ku Yudea ukuya ku Antioki no kusambilisha ba munina no kulanda ati, ''Kono fye nga cakweba ati mwebo mwasembululwa ukulingana naku lutambi lwa kwa Mose, mwebo tekuti mupusuke, iyo'' ² Ici calitele Paulo na Banabasi mu ukupusana ukwinenene elo balitalikene nabo, ukubikapofye na bantu bambi aba mukati kabo, bali basontelwe kuya ku Yelusalemu nokuya ku kumana pamo na batumwa elo na bakulu palwa ili ilipusho. ³ Bo eico kanshi, pakutumwa no lukuta balipitile monse mubili mu Fenisia na Samalia elo no kubilisha pa kwaluluka kwa bena fyalo. Baliletele insana ishikulu kuli bamunina. ⁴ Uluntu baishile mu Yelusalemu, balibabokelele kuba cilonganino elo na ku basole elo na kubakulu kabili balishimikile ifyo Lesa abacitile. ⁵ Lelo bamo abaume abasumine, abali aba mwi bumba ilya ba Falisi, balitalamene elo no kulanda ati, ''Cililingile ukubasembulula no kubakonkomesha ukusunga ifunde lyakwa Mose,'' ⁶ Eico abasose elo na bakulu balilongene pamo mu kupituluka muli uyu mulandu. ⁷ Panuma ya kutalikana ukucila mucipimo, Petelo alitalamene elo kulanda kuli bo ati, ''Ba munyinane, mulishibile ukweba ati mushita isuma iinono iyafumako Lesa ali bikile ukusala ukutula pa kati kenu, ukweba ati na kanwa kandi abena fyalo bali no kukutika ishiwi lya mbila ya bune no kusumina. ⁸ Lesa uwishibile imitima, alipela bunte kuli bo mu kupela bo Umupashi wa Mushilo, ukubati ni filya fine ifyo acitile kuli fwebo. ⁹ Tacitilepo mucishacinani pakati kesu na bo, pa kuwamya imitima yabo mu cisumino. ¹⁰ Nomba eico kanshi findo ifyo mu koesesha Lesa, ica kwebati mukofwaya mubike ikoli pa mukoshi wa basole ico nangu fye ifikolwe fyesu nangu na fwebo twalifililwe ukusenda? ¹¹ Lelo twalisumina ukweba ati tuli no kupusuka ukupitila mu luse lwakwa Shikulu Yesu, ukuba atini filya fine bo bali. ¹² Yonse cinkupiti yali kutumene ulo bali ku kutika kuli Barnabasi elo na Paulo uko bakoshimika pa fishibilo elo ne fipapusho Lesa ali kubomba pakati ka bena fyalo uku pitila muli bo. ¹³ Panuma balekele ukulanda, Yakobo alyasukile, no kulanda ati, "Ba munyina , kutikeni kuli nebo. ¹⁴ Simoni alilandile ifyo Lesa pakutampa mu luse fye alyafwile abena fyalo pa kweba ati bapoke ukutula kuli bo abantu pe shina lyakwe. ¹⁵ Amashiwi yakuba kasesema yala suminisha pali ci, ukubati ni filya ifyo calembwa ati, ¹⁶ Panuma ya ifi fintu nkabwela, kabili nkakula na kabili I ema lyakwa Dabidi, ilyo iliwile panshi; Nkalimya elo noku tutubusha ifyo ifya onaikile na kabili, ¹⁷ pa kweba ati abaume abanono kuti bafwaya Shikulu , ukubikakona bonse abane fyalo abakutwa mwishina lyandi. ¹⁸ Ifi efyo Shikulu akolanda ati, uyo uwacita ifi fintu ifya ishibikwa ukutula ku nshita ya kale. ¹⁹ Eico kanshi, ndisangene ukwebati fwebo tatufwile ukulekucusha abo abena fyalo abo abakoalukila kuli Lesa. ²⁰ Lelo tukalemba kuli bo ukweba ati bafwile ukutaluka ku konaulwa ku tulubi, ukufuma ku bulalelale elo no kufuma ku nama isha kupotwa imikoshi, elo no kufuma ku mulopa. ²¹ Pantu Mose ali kubila muli cila musumba ukutula fye ku nkulo ishakale elo alabilwa muma sinagogi cila Chibelushi. ²² Eluntu cabonekele ica bune ku basole elo abakulu, kumo fye no lukuta lonse, ku kusala Yuda uukutwa ati Basabasi, elo na Silasi, abo abali ni ba katungulula bakuba munyina, elo ba batuma ku Antioki pamo na Paulo elo na Barnabasi. ²³ Balilembele ifi na maboko yabo , '' Ukutula ku basole elo na kubakulu, kuli ba munyinenwe, ku bena fyalo mu Antioki, Silya, elo na Mu Cilisia:Tukomiposha! ²⁴ Pa mulandu tulyumfwile ukweba ati bamo abaume bambi balifumineko kuli fwebo, ukwakubula ukutumwa ukutula kuli fwebo, elo bali mifulungenya na mashiwi ayo aya kokalifya imipashi yenu, ²⁵ cali kuboneka ica bune kuli fwebo, fwe baishile kukwata itontonkayo limo line, ukusala abaume elo no kubatuma kuli mwebo pamo na batemwikwa besuBarnabasi elo na Paulo, ²⁶ abaume abo ababika imyeo yabo mu kayofi pe shina lyakwa Shikulu Yesu Kristu. ²⁷ Eico kanshi fwebo twatuma Yuda elo na Sailasi, abo abakoisa mu kulanda kuli webo ifintu fimo fine mu amashiwi yabo. ²⁸ Pantu cali kuboneka ica bune kuli Mupashi wa Mushilo elo na kuli fwebo, ukubika icisendo icikulu ukucila pali ifi fintu ifikofwaikwa: ²⁹ ukweba ati mukotaluka ukufuma ku fintu ifyo bepaila utulubi, umulopa , ifintu banyongomona imikoshi, elo no kufuma ku bulalelale . Nga cakweba ati mukotaluka kuli ifi fintu, Ninshi mwa cita ica bune. . Shalenipo.'' ³⁰ Eico bo, uluntu fye ba basalanganya, baishile kutentemukila ku Antioki; panuma iya kulonganya cinkupiti wa bantu pamo, balitwele inkalata. ³¹ Eluntu babelengele, balisansamukile pa mulandu wa cikoseleshi. ³² Yuda elo na Sailasi, pamo pene fye na ba kasesema, bali koseleshe ba munyina na mashiwi ayengi elo yali bapele inkosho. ³³ Panuma ya kwikalamo inshita iinono mulya, bali balekeleko ukuya mu mutende ukufuma kuli ba kuli ba munyina no ukuya kuli abo aba batumine. ³⁴ Lelo cali bonekele ica bune kuli Sailasi ukwikala kulya. ³⁵ Lelo Paulo na Barnabasi balikele mu Antiokia, bakofunda elo no kubila (pamo na bambi abengi )ishiwi lya kwa Shikulu. ³⁶ Panuma ya nshiku shimo Paulo alandile kuli Barnabasi ati, ''Katubwelelemo nomba elo nokuya kupempula ba muninefwe muli yonse imisumba umo twalikubila ishiwi lya ka Shikulu, no kuba bona ifyo bali.'' ³⁷ Barnabas alikufwaya ukwebati bapiite Yoani, uyo uwalikwitwa maliko. ³⁸ Lelo Paulo alikutontonkanya ukwebati tacili ica bune ukupiita Maliko, uyo uwabashile mu Pamfilia elo takonkenyepo pantanshi nabo mu mulimo. ³⁹ Eluntu kwaishile kwima ubulaki ubukulu, icakweba ati balishile kupatukanamo, elo Barnabasi apitile Maliko no koba ukulola ku Saipulasi. ⁴⁰ Lelo Paulo asobwele Sailasi, panuma yakumubika mu maboko yakwa Lesa ku ba bwa nanyina. ⁴¹ Eluntu alilekupita Syria elo Cilicia, alikukosha ne nkuta.