¹ Ca citikile ukweba ati mu Ikoniamu umo Paulo elo na Barnabasi baile kwingila bonse mwi sunagogi lya ba Yuda elo balandile mu nshila iya kweba ati bonse ba cinkupiti aba ba Yuda elo pamo naba Griki alisumiine. ² Lelo aba Yuda abatakwete icumfwila balengele imitima ya bena fyalo ukufulilwa ba munyinabo. ³ Eico balikele kulya pa nshita iitali, bal ikulanda mu kupama na maka ya kwa Shikulu, ulo ninshi ukopela ne cishininkisho ica ku senamina kwakwe. . Ali kucita ifi mu filangililo elo nefi papusho ifyali ku citika kumaboko aya kwa Paulo elo na Barnabasi. ⁴ Lelo abantu abamu musumba balya kanikenemo; bambi bali ku lubali lwa kwa Yuda, elo bambi nabo ku basole. ⁵ Bonse fye abena fyalo elo naba Yuda (pamo pene fye naba katungulula babo) Balyeseshe ukule kubacusha elo noku batobaula amabwe, ⁶ lelo ulo fye baishibile ifi, ba fulumukile ku misumba ya ku Lukonia uwa Lisitala elo na Debe elo ne citungu ica shingulukako, ⁷ uko baile kukonkanyapo ukubile imbila ya bune. ⁸ Pa Lusitala umuntu umo alikele,uyo uutakwete maka mu molu yakwe, uwali fye ubulebe ukutula fye mwifumo muli nyina, tabalile ukwendapo iyo. ⁹ Uyu muntu ali kutikile Paulo uko akolanda. Paulo atontele amenso yakwe pali ye elo abona ukweba ati alikwete icisumino ica kupola. ¹⁰ Eico alandile kuli ye mwi shiwi ilikulu ati,'' Talamana ku molu yobe.'' Eliuntu ulya muntu atolokele mu mulu elo no kwenda uka. ¹¹ Uluntu cinkupiti wa bantu abwene ifyo Paulo acitile, babilikishe amashiwi yabo no kulanda muci Lukaonia ati, ''Tu lesa twasanguka ukubati bantu elo twaisakwikala muli fwebo.'' ¹² Bainikile Barnabasi ati, ''Seusi'' elo Paulo naye ati '' Emesi'' Pa mulandu wakweba ati ewali kalanda mukulu. ¹³ Shimapepo wabena Seusi, uyo uo itempele lyakwe lyali kunse ya musumba , aliletele ing'ombe elo maluba pa mpongolongo; ye na cikupiti balikufwaya ukupela ilambo. ¹⁴ Lelo uluntu abasole , Barnabasi na Paulo bakutikile palwa ifi, balepawile ifi fwalo fyabo elo baile mwibumba kangu kangu ninshi bakopunda ati, ¹⁵ '' Mwe bantu mwebo, bushe findo mukocitila ifi fintu? Nafwebene tuli bantufye ukubati ni mwebo, necifyalilwa ukubati ni mwebo. Tulekomyeba imbila yabune ukweba ati mufumeko kulifi fintu fya bubi no kulola kuli Lesa uwamweo , uwa pangile umulu, icalo, babemba elo na fyonse ifyabamo. ¹⁶ Mumyaka ya kukale, alisuminshe ifyalo fyonse ukulekwendela munshila shabo. ¹⁷ Lelo nangu cali ifi,taikelelefye ukwakubula kambone, na mulifyo alikucita ifyabune elo alimipele ne mfula ukutula mumulu ne fitwalo minshita yafiko, ukwiusha imitima yenu ne filyo elo ne nsansa.'' ¹⁸ Nangufye balandile aya mashiwi, Paulo na Barnabasi calibakosele ukukanya cikupiti ukubapangila ilambo. ¹⁹ Lelo aba Yuda abatulile ku Antioki naku Ikoniamu balishile no kunakilisha amabumba. Balipolele Paulo amabwe elo balimukulile na kunse iya musumba, pantu balikutontonkanya ukuti alifwile. ²⁰ Umo abasambi bali abatalamene ninshi bali mushingulukile, alyalamukile nokuya kwingila mu musumba. Ubushiku bwakonkelepo alile ku Derbi pamo na Barnabasi. ²¹ Panuma yakubila imbila iya bunemuli ulya musumba elo no kupanga abasambi abengi balibwelelemo ku Lustra Ikoniamu elo naku Antioki. ²² Balitwalilile ukukosha imipashi ya basambi elo no kulekubakoselesha no kulanda ati, '' Tufwile ukwingila mu bufumu bwakwa Lesa mukuculuka ukwingi. ²³ Uluntu baisontele abene abakulu muli cila lukuta, elo ba pepele ukwakubula ukulya, bali ipeleshe kuli shikulu, muli ye uo basuminemo. ²⁴ Eluntu balipitile mu Pisidia nokuya kufika ku Pamfulia. ²⁵ Uluntu balandilemo ishiwi mu Perga, baishile kutentemukile naku Atalia. ²⁶ Ukufuma kulya balyobele no kuya ku Antiaki, uko baipeleshe kukusenamina kwa kwa Lesa pamulimo uo bakwete ukupwisha. ²⁷ Uluntu bafikile mu Antiaki elo balongenye ulukuta pamo, bafishishe fyo ifyo Lesa acitile nabo, nefyo aiswilile abena fyalo umwinshi wa citetekelo. ²⁸ Balikele na basambi panshita itali