1 Nomba mu lukuta lwa mu Antioki, mwalipo ba kasesema elo naba ka sambilisha, Barnabasi, Simon(Uukutwa Nigere), Lusiya umwina Sileni, Maneni(Uwalikusungwa pamo na Herodi kateka), elo na Saulo. 2 Ulo bali bakopepa kuli Shikulu elo nokufunga ukulya, Umupashi wa Mushilo walandile ati, ''Mfumishenipo Barnabasi elo na Saulo, no kweba ati babombe umulimo uo na bakutiile.'' 3 Panuma bapwilisha ukufunga ukulya, elo ba batambalikilepo amaboko, bali batumine. 4 Eico Barnabasi elo na Saulo bali neco batumine ku Mupashi wa Mushilo elo baile naku Selusiya; ukutula kulya baile ne combo ukuya ku Cyprus. 5 Ulo bali mu musumba wa Salamisi, bali kubiila icebo cakwa Lesa muma Sinagogi yaba Yuda. Kabili bali kwete na Yoani ukuba kafwa wabo' 6 Uluntu baile no kupitana pa cishi conse ica Pafosi, balisangeneko umuntu umo uwali kubomfya amanga, ali ni kasesema uwa bufi uwa ba Yuda, uwe shina lya ku Ba¬Yesu. 7 Uyu camanga ali ikuminishe ku mulashi, Segi Paulusi, uwali umuntu uwa kusalapuka. Uyu muntu ali kutiile Barnabasi elo na Saulo, pa mulandu alikufwaya uku kutika ku cebo cakwa Lesa. 8 Lelo Elimasi ''camanga'' (efyo ishina lyakwe lyali ku pilibulwa) ali ku batalikisha; alyeseshe ukufunya umulashi ku cisumino. 9 Lelo Saulo uyo uukutwa na kabili ati Paulo, ali wilemo no Mupashi wa Mushilo, ali mulolekeshe. 10 elo aliladile kuli ye atl, ''Webo we mwana wa ciwa, uli wilemo ubufi ubwa misango yonse elo na bu ncitatubi. Webo uli mulwani wa bololoke. Webo bushe tawakatale ukuleka ukupondamika inshila ishakololoka, bushe ukaleka ai? 11 Nomba bona, ukuboko kwakwa Shikulu kuli pali webo, elo wa aluka impofu. Webo tawabone akasuba pa kashita akanono.'' Ulo lwine fye palya ali ali wlilile pali Elimasi na fubefube elo ne mfinshi; ali tampile ukuya ako shinguluka ali kwipusha na bantu aba kweba ati ba mwikateko pa kuboko no ku mutungululako. 12 Panuma umulashi abwene ifya citikile, alisumine, pa mulandu ali papukile pama sambililo yakwa Shikulu. 13 Nomba Paulo pamo na banakwe bali pateme ubwange ukutula ku Pafosi elo baishile ku Pega mu Pafiliya. Lelo Yoani ali bashile elo abwelelemo ku Yelusalemu. 14 Paulo elo pamo naba nakwe balifumine ku Pega elo baishile ku Pega elo balifikile ku Antioki waku Pisidia. Kulya eko baile mwi Sinagogi pa bushiku bwapa Chibelushi elo no kwikalako. 15 Panuma ya kubelenga amafunde elo naba kasesema, ba muma sinagogi bali batumiine amashiwi no kulanda ati, ''Mweba bwanayina nga cakweba ati muli na mashiwi ya kukoselesha abantu kuno, yalandeni.'' 16 Eico Paulo ali talamene elo no kucebusha no kuboko kwakwe; alandile ati, ''Mwe baume bamu Israeli elo na mwebo mwe batina Lesa, kutikeni. 17 Lesa wa kwaba bantu abena Israeli alisalile ba shifwe elo alilengele abantu ukusanduluka uluntu balikwikala mu Egipito, elo nokuboko ukwa kusumbulwa ali bafumishe muli cilya icalo. 18 Ukushinta fye napa myaka amakumi yane ali kwikala nabo mu mu mawanga 19 Panuma iya konaula imitundu cinelubali mu calo camu Kenani, alipele abantu besu icalo cabo noku cipyana. 20 Ifi fintu fyonse fyacitikile ukucila napa myaka imyanda ine na makumi yasano. Panuma ya ifi fintu fyonse, Lesa alibapele abaku bapingula ukushinta na pali kasesema Samwelo. 21 Eluntu abantu baipwishe uweba ati babapele imfumu, elo Lesa ali bapele Saulo umwana mwaume wakwa Kishi, umwaume uwa kutulaa mu mukowa wa bena Benjamini, ukuba imfumu pa myaka amakumi yane. 22 Panuma Lesa amufumishepo pa bufumu, alimishe Dabidi ukuba imfumu. Ni munshita yakwa Dabidi emo Lesa alandile ati, 'Nebo nasangana Dabidi mwana Yesse ukuba umuntu uwakuba pa mutima wandi, uyo uukocita conse ico nkofwaya ukweba ati acite. 23 Ukutula mu mfyalo iya uyu wine muntu Lesa aletele ku bena Israeli umulubushi, Yesu, ukubati ni filya fine alaile ukucita. 24 Ninshi Yesu talafika, Yoani ali kubiila pa lubatisho ulwakulapila ku bantu bonse abena Israeli. 25 Ulo Yoani ali mukupwisha umulimo wakwe, alandile ati, 'Bushe mwebo mutontonkanya ati ninebo nani? Nebo ntali ne. Lelo kutikeni, uyo uukoisa panuma yandi, indyato sha kumaksa yakwe ntalingile ukukakula. 26 Ba munyina, mwe bana ba mulupwa lwakwa Ablamu, elo nabo abali muli mwebo abo abapepa Lesa, ni kuli fwebo ili ilyashi lilya pe pusukilo lya tuminwe. 27 Pantu kuli bo abekala mu Yelusalemu, elo ne ntungulushi shabo, taba mwishibile, elo balifikilishe na mashiwi yakuba kasesema ayo bali kubelenga cila Chibelushi paku mupela umulandu. 28 Nangu line tabasangene umulandu uwaku mu pingwilapo ukufwa, ba lipwishe Pilato ukweba ati ba mwipaye. 29 Uluntu bapwilishe ifintu fyonse ifyo ifya lembelwe pali ye, bali mufunishe pa musalaba elo noku mulalika mu kabuli. 30 Lelo Lesa ali mututubwishe ku kubafwa. 31 Bali mubwene napa nshiku ishingi kuli abo aba tulile naye ku Galileya ukuya ku Yelusalemu. Aba bantu nomba eba kambone ku bantu. 32 Eico tukomyeba imbila iya bune iya kweba ati ifyo Lesa alaile kuli ba shifwe 33 alifikilishe kuli fwebo, abana babo, pa kwimya Yesu. Ukuba ati ni filya fine calembwa mu Malumbo aya kulenga bubil atii: 'Niwebo Umwana wandi, buno bushiku naba ninebo Wiso.' 34 Ukulosha kulwa ku mututubusha kuba kufwa, no kweba ati e bwelela mu kubola, Lesa alilanda muli iyi inshila ati: 'Ndi nokumipela ifya mushilo elo namapalo aya cine ayo aya lailwe kuli Dabidi.' 35 Ici cine e calenga nakabili ukweba ati alande mwi Lumbo na limbi ati, 'Tamwa kasuminishe uwa mushilo wenu ukubona ukubola.' 36 Pantu ulo Dabidi abombele ukufwaya kwa kwa Lesa munkulo yakwe, aliponene mutulo; ala likilwe kuli ba wishi no mubili wakwe walibwene ukubola. 37 Lelo uyo Lesa aimishe tabwene ku bola iyo. 38 Eico lekeni cishibikwe kuli mwebo, baba munyina, ukweba ati ukupitila muli uyu wine muntu imbila iyaku belelwa uluse kwa masambi ibililwa kuli mwebo. Amafunde yakwa Mose taya milengele ukuba aba lungami. 39 . Lelo ukupitila muli uyu wine muntu Lesa emo alengela uuli onse uwa musumina ukuba umulungami. 40 Eico kanshi mule kucenjela epe kweba ati icintu ico bakasesema bali kulandapo cicitikila kuli mwebo. 41 Boneni, mwe bamisuula, elo papeni elo eluntu mulobe; Pantu nkoleta umulimo mu nshiku shenu, umulimo uo mutakasumine, nangu fye umuntu akaubiile shani kuli mwebo.''' 42 Ulo Paulo na Barnabasi bafumineko, abantu bali bapapatile pakweba ati bengalanda aya amashiwi yamo yene na kabili pa Chibelushi. 43 Uluntu ukukumana mwi Sinagogi kwa pwile, aba Yuda abengi elo balipilibukile no kukonka Paulo elo na Banabasi, abo abalandile kuli bo elo noku bakonkomesha ukutwalilila mu cikuku cakwa Lesa. 44 Napa Chibelushiicakonkelepo, nicikanga no musumba onse wali longene pamo mu kukutika pamo ishiwi ilyakwa Shikulu. 45 Uluntu aba Yuda ba bwene cinkupiti wa bantu, bali wilemo akalumwa; no kulanda ifya bubi pa fintu ifya likulanda Paulo elo no kulekumutuka. 46 Lelo Paulo elo na Barnabasi bali kulanda mu kupama ati,'' calilingile ukweba ati icalo cakwa Lesa nga catampilepo ukulandwa kuli mwebo. Pa kubon aifyo mwebo mwa cifunyapo ukufuma kuli mwebo bene elo elo mwebene ukulekuibika ati ta mulingile umweo wa muyayaya, boneni, tu kabwelela naku bena fyalo. 47 Pantu efyo Shikulu atukonkomesha, alandile ati, 'Ndikusalile webo ukubati lubuto ku bena fyalo, pa kweba ati ulete ipusukilo uku shinta kumpela ya calo. 48 Ulo abena fyalo bakutikile ifi, balisekelele no kucindika icebo cakwa Shikulu. Ukubati ni filya fine abengi basontelwe ku mweo wa muyayaya balisumiine. 49 Icebo cakwa Shikulu cali salanganine mu citungu conse. 50 Lelo aba Yuda ba songelekenye abanakashi abasumine elo noku talamana bwino elo na baume abali kutungulula mu musumba. Baimishe ukupakaswa pali Pauloelo na Bamabasi noku bafunya mu fitungu fyabo. 51 Lelo Paulo elo na Bamabasi baknutile ulukungu ukufuma ku makasa yabo. Elo baile ku musumba wa Ikonia. 52 Naba sambi baliwilemo no kusekelela elo no Mupashi wa Mushilo.