¹ Nomba cali fye ni muli ilya inshita iyo Herodi imfumu yali kwi kwikata bamo abasumine mu lukuta pa kweba ati enga lekubacusha. ² Alipeye Yakobo wabo wakwa Yoani ku lupanga. ³ Pa numa ya kubona ukweba ati ici casekesha aba Yuda, ali konkenyepo no kwikata Petelo naye. Nolu cali ni mu nshiku sha mikate iya kubula ukututumuka. ⁴ Pa numa yaku mwikata, alimubikile mu cifungo, noku mupela ku bashilika abali ku mulonda ukucila pali bane bane; ali kutontonkanya uku muleta ku bantu pa numa ye pasaka. ⁵ Eico Petelo bali mutekele mu cifungo, lelo amapepo aya cishinka yali kucitika kuli Lesa aya ku mupepelako ukufuma ku lukuta yali twalilile. ⁶ Pa bushiku ubo Herodi ali noku mufunya no kuya muku mu lubulwisha. Petelo ali sendeme pakati kaba shilika babili, ninshi bali mukakile ne minyololo ibili, ulo ninshi abashilika abali ku mulonda pa ntanshi abali kulonda icifungo. ⁷ Boneni, malaika wakwa Shikulu apo pene abonekele kuli ye, elo no lubuto lwalyakile mu muputule wa cifungo. Aumine Petelo mu lubafu elo noku mwalamusha elo noku mweba ati, ''Alamuka bwangu,'' elo ne minyololo bamukakile yali kakulukile. ⁸ Malaika alandile kuli ye ati, ''Fwala ifyakufwala elo nsapato.'' Petelo acitile ifyo fine. Malaika alandile kuli ye ati, ''Fwala no mwingila wakunse elo noku nkonka.'' ⁹ Eico Petelo ali konkele malaika elo no kufuma panse.Tashininkishe ukweba ati ifyo malaika ali kucita fyali fya cine. Atontonkenye ati ali kubona fye icimonwa. ¹⁰ Panuma yakupita pali ba malonda ba kutampilapo elo naba bubili, bafikile ku mpongolo yacela iyo iya loseshe ku musumba, calisukile fye icine. Balifumine elo nokukonka umusebo, elo malaika ali mushile apo pene. ¹¹ Uluntu Petelo amano ya bwelelemo, elo ailabishe ati, ''Nomba na ishiba icine ukweba ati ni Shikulu eutumine malaika wakwe elo noku mpususha kuboko kwakwa Herodi, elo naku fintu fyonse ifyo aba Yuda bali kutontonkanya. ¹² Uluntu aibukishe ifi aile ku ng'anda yakwa Maria nyina wakwa Yoani, kabili uo bali kukuta ati Maliko, uko abantu abangi balongene elo no kupepa. ¹³ Uluntu akonkonseshe pa ciseko ca mpongolo, umubomfi umwanakashi uwe shina lya Rhoda alishile mukwasuka. ¹⁴ Uluntu aumfwile ishiwi lyakwa Petelo, pa mulandu wa nsansa alifililwe ukwisulako icibi; lelo abwelelemo ulubilo mu muputule, nokuya kulanda ati ni Petelo eutalamene pa mwenshi. ¹⁵ Eico balandile kuli ye ati, ''Ulishilu webo bai.'' Lelo ali twalililepo fye ukulanda ati nifyo fine. Balandile ati, ''Ni malaika wakwe.'' ¹⁶ Lelo Petelo akonkeyepo fye ukukonkosha, elo uluntu baiswileko iciseko, bali mubwena elo balipapile. ¹⁷ Petelo ali bakapishe kukuboko nokweba ati bekale shilili, elo aba londolwelele ifyo malaika wakwa Shikulu amufunishe mu cifungo. Abebele ati, ''Muye mwebe fyonse ifi Yokobo elo naba bwananyina.'' Eluntu afumine elo nokuya ku ncende kumbi. ¹⁸ Nomba uluntu bwacile, takwali ici mfulunganya icinono kuba shilika pa fintu ifya citikile kuli Petelo. ¹⁹ Panuma Herodi ali kumu fwaya elo alifililwe ukumusangana, aipwishe bamalonda elo nokukonkomesha ukwba ati ba bepaye. Eluntu atentemukile ukutula ku Yudeya ukuya ku Kesaria nokwikala kulya kwine. ²⁰ Nomba Herodi alifulilwe nganshi abantu abaku Taya elo naku Sidoni. Balile kuli ye ne pange limo, elo no kumfwana na Blastus, inkonkani ya mfumu, ukweba ati abafwilisheko, balipwishe ukuti pabe umutende icalo cabo cali kupokelela ifilyo ukutula ku calo ca mfumu. ²¹ Pa bushiku ubwasontelwe Herodi alifwele ilaya lya bufumu elo nokwikala pa cipuna; no kutampa ukulanda kuli bo. ²² Abantu batampile uku paata ati, ''Ili lishiwi lyaku ka lesa, telya muntu iyo!'' ²³ Apopone malaika wakwa Shikulu ali mukupwile, pantu tapele Lesa umucinshi; bali mulile ku myambo elo nokufwa. ²⁴ Lelo ishiwi lyakwa Lesa lyali kukulilako elo noku lunduluka. ²⁵ Eico uluntu Barnabasi elo na Saulo bapwile umulimo wabo, balibwelulukile ukufuma ku Yelusalemu, baletele pamo nabo Yoani, uo balikukuta ati Maliko.