¹ Nomba uluntu bapitile mu misumba ya Amfipolisi elo na Apolonia, baishile mu musumba wa Tessalonika, uko ukwali Isinagogi lyaba Yuda. ² Paulo umwabelele umubela wakwe, aile kuli bo elo pa nshiku shitatu isha chibelushi alikusambilishanya nabo ifyali mu malembo. ³ Ali kupenengula amalembo elo noku balondolwela ukweba ati calilingile Yesu ukucula elo no kututubuka na kabili ku kubafwa. Alandile ati, ''Uyu Yesu uo nko myebapo e Kristu. ⁴ Bambi paba Yuda balisumine elo noku ilunda kuli Paulo na Silasi, ukubikapo fye ne mpendwa iikuli iya ba Griki abasumine, elo ta bali abanono abanakashi abali kutungulula. ⁵ Lelo aba Yuda abo aba tasumine, pa kwiulamo umufimbila, babulile imbifi sha baume ukutula ku cisankano, balongenye cinkupiti pamo, elo no kulenga mu musumba ukubamo icimfulunganya. Basansa ing'anda yakwa Yasoni, balikufwaya ukuleta Paulo elo na Sailasi ukubafumisha kunse ya bantu. ⁶ Lelo uluntu taba basangene, batantenye Yasoni elo nabamo ba munyina noku batwala ku bakalamba ba musumba, ninshi bakolila, ''Aba bantu ebaleta ici mfulunganya konse fye nomba baisa nakuno. ⁷ Aba bantu abo Yasoni apokelele bakobomba no kutalikisha amafunde yakwa Kaisale; bakolanda ati kuli naimbi imfumu-Yesu.'' ⁸ Bali shupile cinkupiti elo naba kapigula ba musumba bali kutikile ifi fintu. ⁹ Lelo panuma bali funishepo ba malonda pali Yasoni elo na bashala, bali balekeleko baya. ¹⁰ Ubushiku bweka bulya aba bwanayina batumine Paulo elo na Sailasi ku Beliya. Uluntu bafikile kulya, baile mwi sinagogi lyaba Yuda. ¹¹ Nomba aba bantu bena bo bali ne cumfwila ukucila abena Tessalonika, pantu bena bali sompokele, no kupokelela amashiwi yakwa Lesa bali kupituluka mu malembo cila bushiku. ¹² Kanshi na bengi balisumine, ukubikako fye na bamo abanakashi aba Griki elo na baume abengi. ¹³ Lelo uluntu aba Yuda abamu Tessalonika baishibile ukweba ati Paulo alikubila icebo cakwa Lesa naku Beliya, balile kulya elo no kupasanganya elo no kucusha cinkupiti. ¹⁴ Eluntu ulo lwine fye ba munyina balitumine Paulo ukuya ku calo caku lulamba lwaku cibemba, lelo Silasi elo na Timoti balikele kulya kwine. ¹⁵ Abo abali kushindika Paulo bamutwele ukushinta naku musumba wa Ateni. Ulo bashile Paulo kulya, bapokelele ifipope ukufuma kuli Paulo ifya kweba ati Sailas ielo na Timoti bafwile ukuya uko ali kangu kangu. ¹⁶ Nomba ulo Paulo ali kubapembela mu Atenisi, umweo wakwe wali kalipile pa kubona ukweba ati mu musumba mwaiwile fye utulubi. ¹⁷ Eico alanshenye naba Yuda mu sinagogi elo na bambi abali kupepa Lesa, pamo pene naba mu cisankano pamo pene nabo abalipo. ¹⁸ Lelo kabili na bamo abamu bena Ipikuliya elo naba Sitoki abamano bali mukumenye. Bambi balandile ati, ''Bushe cindo ico uyu cilande lande akosabaila?'' Bamo nabo batile ati, ''Akoboneka kwati ni umo pali balya abakuuta abantu ku milungu imbi,'' pa mulandu alikubila imbila ya bune iya pali Yesu elo no kututubuka kwakwe. ¹⁹ Balipitile Paulo elo no kumuleta ku Aleopagusi, no kulanda ati, ''Bushe nafwebo kuti twaishiba ili isambilisho ilipya ilyo wali kusambilisha? ²⁰ Pantu uliletele ifintu fimo ifya kuibelako mu matwi yesu. Eico kanshi, nafwebene tukofwaya ifyo ifi fintu fikopilibula. ²¹ (Nomba abena Atenyasi elo bonse elo na beni abali kwikala kulya tabaposele inshita yabo ku fintu fimbi kano ku kwebwa nangu ku kumfwa ku fintu ifipya.) ²² Eico Paulo atalamene pakati ka bena Aleopagusi elo no kulanda ati, ''Mwebo mwe bantu ba mu Atena, Nibwene ukweba ati mwebo muli ba bulesa nganshi mu nshila fye iili yonse. ²³ Pantu ulo nali kupita elo no kulolesha, nalisangene ubulambo apalembwa ukuti, ''Kuli Lesa uutaishibikwa bwino.''Eico kanshi ico ico mupepela mukuteshiba, eici nkolanda kuli mwebo. ²⁴ Lesa uwabumbile icalo na fyonse ifya bamo, apo eShikulu uwa mulu elo ne sonde, tekala muma tempele aya kukulwa ne minwe. ²⁵ Nangula uku tumikwa ne minwe ya bantu, ukubati nalimo alafwaya icili conse, pantu ni ye eupela abantu ubumi elo no mweo elo ne fintu fyonse ifyashala. ²⁶ Ukutula ku muntu umo alipangile abantu ba muli cila calo abekala pe sonde lyonse, pa kukwata utushita utwakupimwa ne mipaka ya fyalo bekalamo, ²⁷ epa kweba ati benga fwaya Lesa elo kabili limbi kuti bafwaya ukulola kuli ye elo noku musangana. Elo kabili taba ukutali kuli cila umo fwebo. ²⁸ Pantu ni muli ye emo twikala elo no kuba efyo twaba, ukuba ati nifilya ifyo umo mushika wa nyimbo wenu alandile ati, 'Pantu nafwe bene tuli bamu bufyashi bwakwe.' ²⁹ Eico, kanshi apo tuli bamu bufyashi bwakwa Lesa, tatufwile twatontonkanya no kupalanya bu Lesa bwakwe kuli golide, nangu silifa, nangu ilibwe-icipasho icapangwa ne minwe elo no kwelenganya kwa muntu. ³⁰ Eico kanshi Lesa ali sulileko inshita sha mukuteshiba, lelo nomba ako konkomesha abantu ukuli konse ukulapila. ³¹ Neci ni pa mulandu wakweba ati ye ali paka nya pambali ubushiku uluntu akapingula icalo mu bololoke ukupitila mu muntu uo asala. Lesa alipela icishininkisho ica uyu muntu no kumututubusha ku bakufwa. ³² Nomba uluntu abantu ba mu Atenisi bakutikile palwa ku tutubuka ku bakufwa, bambi bali kupunika Paulo; lelo bambi balandile ati, '' Tukakukutika na kabili pali uyu mulandu.'' ³³ Panuma ya ifi, Paulo ali bashile. ³⁴ Lelo bambi abantu bali ilundile kuli ye elo no kusumina, ukubikapo fye na Dianosi uwali umwina Aleopagiti, no mwanakashi uweshina lya Damari, elo na bambi abo bali nabo pamo.