¹ Fi senet kamistashar min hukum ta tibarius keisar kan Pilatus al Bunti wali ta yahudia, wa heroduus kan rais ta Jeileil, aku Philipos kan rais ta Ituraea wa Trachonitis, wa Lysanias kan rais ta Abalia, ² fi ayam ta kahana Hanan wa giyafa - kalam ta Allah ja le Yuhana jena ta Zechariah fi gaba. ³ Huwo rowa fi kulu baled al gariib ma urodon, ge bashiro ma mamudia ta tuoba le afi kataya. ⁴ Ze ma huo maktub fi ketab ta kelimaat ta Ishaya al nebi, '' sout ta wahid al bi kore fi gaba, 'jahizu terik ta Rabuna, sala sika tuo adeel. ⁵ Kulu mahal al nazila kede maloua, wa kulu jebel wa mahalaat al fok kede nezilo tihit, wa sikaat al ma adeel kede salawo adeel, wa mahalaat al sawsaw kede abinu sikaat, ⁶ wa kulu nefsa bi ayenu kulasa ta Allah.'' ⁷ Ashan keda Yuhana kelim le jumhuur al ja ashan bi amiduu ma huwo, '' Intum iyal ta dabayib! munu kelim itakum bi jeri bara min zalan al jayii ⁸ Ashan keda tala simaar ta tuoba, wa ma taku bada kelim fi nefsa takum, gali 'anina indu Abaham abu tanina,' ana bi kelm le intum Allah bi agder guwumu iyal le Abraham m hujar deel. ⁹ Hasa al fas kutu ded fi iirik ta ashjaar. kulu shjara al ma bi tala samar al kwes bi gatawo wa bi jadawo fi nar.'' ¹⁰ Bad dak al jumhuur geni asalu huwo, gaal, ''sunu yau bad dak anian bi amulo?'' ¹¹ huwo juwabu wa kelimu le humon, '' iza fi zol indu itnin gumash kede wodii le zol al ma indo, wa al indo akil kede amulo ze de.' ¹² Nas al ta limu gurush kaman ja ashan bi amidu, wa humon kelimu le huwo, '' mualim, sunu anina bi amulo?'' ¹³ huwo kelimu le humon, ''Matakum shilu gurush ketiir min al kelimu le itakum.'' ¹⁴ Juzo min asakir kaman asalo huwo, kelimu, '' sunu ann anina? Sunu al anian bi amulo?'' huwo kelimu le humon, ''' Matakum shilo gurush min aye zol be guwa, wa matakum ishteke aye zol be galaat. mahia takum kefaya. ¹⁵ Hasa ze ma kan nas bi intezir ja ta al Massiah, kulu wahid kan mustagarab fi gulu tuomon ann Yuhana, hal huwo yua al Massiah. ¹⁶ Yuhana juwabu kelimu le humon kulu, ''Ze le ana, ana bi amidu itakum ma moyo, lakin wahid tani huwo jayii huwo guwi ketiir min Ana, wa ana ma bi agder hata bi robutu habil ta gezma tuo. huwo bi amidu itakum ma Roho al kuduus wa ma nar. ¹⁷ Al huwo indo mangel fi edentuo bi nedefu wasaka bara min hasad wa bi limu geme fi magzan. Lakin huwo bi haragu al wasaka ma nar al ma biagder bi batulu.'' ¹⁸ Ma hajat tanin ketir Yuhana, kaman bashiru kabar al kwes le nas. ¹⁹ Zama Herodus rais ta robu al kore kore mahuwo bi sabab ta zawaj tuo min mara ta Philipos akutuo, wa le kulu dad min hajat al shirir Herodus amulu, ²⁰ huwo zedu de le humon kulu, inu huwo gufulu Yuhana fi sigen. ²¹ Hasa ja wokit, nas kulu kan amidu, Yesua kaman kan amidu, wa zaman huwo kan bi seli, samawat fatah, ²² wa Roho al Kudus nezil tihit le huwo fi shikil ta hamum, wa suot ja min samawat, ''Inta jena tai, al ana bi hibu. Ana moksuut ma inta.'' ²³ Wokit Yesua bada kidmma, ummur tuo kan teletiin senna. huwo kan jena(ze ma kan fekiru) ma Yousif, jena ta Heli, ²⁴ jena ta Matthat, jena ta Lawi, jena ta Melichi, jena ta yena, jena ta Yousif. ²⁵ Yousif kan jena ta Mattathias, jena ta Amos, jena ta Nahum, jena ta Hesli, jena ta Naggai, ²⁶ jena ta Maath, jena ta Mattathias, jena ta Semein, jena ta Yousif, jena ta Yahuza. ²⁷ Yahuza kan jena ta Yuhana, jena taRhesa, jena ta Zerubbabel, jena ta Salathiel, jena ta Neri, ²⁸ jena Melchi, jena ta Addi, jena ta Cosam, jena ta Elmadam, jena ta Er, ²⁹ jena ta Yeshu, jena ta Eliezer, jena Yorim, jena Matthat, jena ta Lawi. ³⁰ Lawi kan jena Shomuun, jena ta Yahuza, jena ta Yousif, jena ta Yonan, jena ta Eliakim, jena ta Melea, ³¹ jena Mennan, jena ta Mattaha, jena Nathan, jena Daud, ³² jena Yese jena ta Obeid jena Boaz, jena ta jena ta Salmon, jena Nahshon. ³³ Nahshon kan jena ta Amminadab, jena ta Aram, jena ta Arni, jena ta Hezron, jena ta Fareze, jena ta Yahuza, ³⁴ jena ta Yakub, jena ta Ishaak, jena ta Abraham, jena ta Terah, jena ta Nahor, ³⁵ jena ta Serug, jena ta Reu, jena ta Faleh, jena ta Eber, jena ta Shelah. ³⁶ Shelah kan jena ta Cainan, jena ta Arphaxad, jena ta Sam, jena Noah, jena Lamech, ³⁷ jena ta Methuselah, jena ta Aknuuk, jena ta Yared, jena ta Mahalaleel, jena Cainan, . ³⁸ jena ta Enos, jena ra Seth,jena ra Adam, jena ta Allah