¹ Fi zaman dak, Kaesar Augastas rasulu juwab fugu talimat beino kede edu kulu nas al kan be geni fi alamm. ² De kan awel barnamij ta edu nas wa kan hasil fi zaman Kereniyos hakim ta Suriya. ³ Kan kulu zol rua le medena tuo ashan be sejilu. ⁴ Joseh kaman kan rua min Jalil, min medina ta Nasir , le Yahudiya, le medina ta Dawod isim tuo Betlehem, leano huwo kan min beat wa osura ta Dawod. ⁵ Huwo kan rua ashan be sejilo ma mara ta tuo Mariyam, al kan huwo khatibu wa heya kan hamilan. ⁶ Wakit huwmon kan hinak, zaman kan timu ashan heya be weledo jena. ⁷ Heya kan weledo weled, awel jena le heya, wa heya lifu jena de ma gumash wa kutu huwo fi Mizuwad, ashan mahal kan maliyan wa mafi ouda le huwmon. ⁸ Kan fi ruwaa fi mahal dakhuwmon kan be geni fi gaba, be harisu haywanat ta tumon belel. ⁹ Malaik ta Rabana zahir le huwmon, wa mejid ta Rabana wala hawl huwmoan, wa huwmon kan kafu sheded. ¹⁰ Malaik kan kelimo le huwomon, "Matakum kafu, leano ana jebu le itakum kabara al kuwes al be jebu farah keber le kulu nas. ¹¹ Alela mukalis weledu le itakum fi medina ta Dawod! Huwo al Massih al Raab! ¹² De yao alama le itakum: Itakum be ligo jena lifu ma gumash wa gi num fi mizuwad ¹³ Tawali jash ta malikat kan zahir, huwomon kan be mejedo Allah wa be kelimo, ¹⁴ " Mejid le Allah al fok, wa kede salam kun fi arid fi nus ta nas al huwo murta be huwomon.'' ¹⁵ Zaman malikat futu min huwomun le sama, ruwaa del kan wonosu le badun tuwomon, " kede anina ruwa le Beatlehem, wa ayino hajat deal al hasil, al Rabana weri le nina." ¹⁶ Huwomon jere hinak wa ligu Maryam wa yosif, wa ligo jena de num fi mizuwad. ¹⁷ Baad huwomon ayino huwo, huwomon kan weri kalam al kan kelimo le huwomon ann jena de. ¹⁸ Del al kan asuma kan istagarab be kalam al kan wonusu be ruwaa. ¹⁹ Laken Maryam kan geni fekeri ann hajat al wonusu, wa hafizu fi gelib ta heya. ²⁰ Ruwaa del kan rija, mejidu wa abidu Allah ashan kulu hajat al huwomon asuma wa ayino, ze ma kan wonusu le huwomon. ²¹ Fi nihaya ta yom nemra temeniya, zaman tahiru huwo, kutu le huwo isim Yesua, isim al kan wede be malika gubal ma hamelo be huwo. ²² Zaman adad ta ayam al be hasibu Maryam nedif futu, hasab ganun ta Musa, Yosif wa Maryam jebo huwo le haikel fi Orshalim ashan be gedemu huwo la Rabana. ²³ Ze ma ktibu fi ganunta Rabana," kulu raji bekir al yao fata rihim be khasisu le Rabana." ²⁴ ashan keda huwomon kan gedemo zabeha ze ma ka kelimo fi ganun ta Rabana," 2 ²⁵ Kan fi zol fi Orshalim, isim tuo Saimon, wa huwo kan nedef wa be kafu Rabana. Huwo kan gi isteno.. intezer tazeya ta Israel, wa Ruhu al Kudus kan fuggo huwo. ²⁶ Kan wori le huwo bewasat ta Ruhu al Kudus gali huwo ma be ayino mutu gabel ma huwo be ayino Massih al Rab. ²⁷ Huwo kan jaa fi haikel, bewasat ta Ruhu al Kudus. Fi zaman Maryam wa Yusif jebu jena Yesua, ashan be gedemu ann jena de hasab ganun ta Musa, ²⁸ huwo kan shelo jena de fi iden tuo wa mejedu Allah wa kelimo, ²⁹ " Hassa sibu kadam taki kede rua be salam, Rabuna, ze ma ita kelimo. ³⁰ Ashan ena tai iyeno khalas, ³¹ al ita jahizu fi gedam ta kulu nas: ³² Nur le khalas le Ummam wa megid le iyal taki Israel". ³³ Abu wa umma ta jena de kan istagrab min hajat al kan wonuso ann huwo. ³⁴ Simon kan bareko huwomon wa kenlimo le Maryam umma tuo," Iyno, jena de kuto ashan nas keter be waga wa be gum fi Israel wa ze alama al abau - ³⁵ wa huzun taki be waja ze seaf al gi dakalo fi gelba taki- ashan asfkar ta nas keterin be arufu." ³⁶ Wa nebi isim tuo Hnna kan jaa kman henak, Heya kan jena ta Fanuel min gebela ta Asher. Heya kan keber shedid fi umur, heya kan geni ma rajel ta tuo saba sena baad ma kan heya azra..., ³⁷ wa kan armala le fatra ta tameniya wa abaen sena. Heya ma sibu haikel wa heya kan be seli wa sum, belel wa nahar. ³⁸ Fi zaman dak heya gum ja gereb min huwomon wa bada wede shukuran le Allah wa heya kan kelimu ann jena Yesua le del al kan gi istena khalas ta Orshalim. ³⁹ Zaman huwomon kalasu kulu hajat al asalu huwomon ashan be amulu ze ganun ta Rabana kelimu, huwomon reja le Jelel, le medina tuomon Nasira. ⁴⁰ Jena de kan raba wa bega gowi , maliya be hekma, wa neam ta Allah kan fugu huwo. ⁴¹ Abu ta tuo kan be rua le Orshalim kulu sena ashan haderu eid al Fus-h, ⁴² Weket hwuo bega itnasher sena , huwomon kan rua le Orshalim fi zaman ta eid. ⁴³ Bad ma huwomon geni wa timu ayamat at ihtefala ta eid , huwomon bada reja le bead. Laken Yesua kan akir wara fi Orshalim bedo marafa ta abu wa umma ta tuo. ⁴⁴ Huwomon fekir gali huwo ma dufaat ta tuo al kan be safir ma huwomon, huwomon kan daoru fatra ta yom wahed. Bad daak huwomon bada fetisu huwo fi nus ta ahal wa asdeka. ⁴⁵ Zaman hwomon ma ligo huwo, huwomon reja le Orshalim ashan be fetisu huwo henak. ⁴⁶ Bad talata yom, huwomon lego huwo fi haikel, ge geni fi nus ta mualimen, huwo kan ge asuma le huwomon wa ge asalu huwomon. ⁴⁷ Del al asuma le huwo kan istagarab min marafa wa juwab al huwo indo. ⁴⁸ Zaman huwomon ayno huwo, huwomon kan istagarb. Umma tuo kan kelimo le huwo, "Welede, malo ita amulu enna zede? Asuma, abu taki wa ana taban min fetesu ita." ⁴⁹ Huwo kelimo le huwomon , "Malu itakum be fetisu ana? Iatkum ma arefu gali ana lazem be kun fi baet ta Abu tai?" ⁵⁰ Laken huwomon kan ma fahim huwo gased shuno ma kelimat de. ⁵¹ Huwo kan reja beat sawa ma huwomon le Nasera wa kan huwo be asuma kalam ta tuomon. Umma ta tuo kan be hafizu gi hafizu hajat de fi geliba ta heya . ⁵² Laken Yesua kan ge raba fi hekma wa jesem, wa zeyade fi neam fi Allah wa nas