¹ Une nguyugha isya naloli mwa Yesu kilisiti,ndakuyugha isya bamyasi: aminong'ono ghangu ghakusimikisya mwa mbepo uwisa. ² Ukuti ndakubasimbula po nguti indi nubusumanie ngani,sona nichitima cho chingi mundumbula yangu ichisita kuleka. ³ Po nati abe mughaniwa bubu yo ali pabutali nu kilisiti, pa chifukwa cha banyitu naba chikolo nabalibanda lyangu. ⁴ Abene loli abanya isilayeli: bo benecho ubwana,ubukulu, ukwitikana, babapile indaghilo,umubombeli bwa kubombela uChala nifingo. ⁵ Bo abene bali bo Tata: Sona mubaba momo afumitemo kilisiti ulwa mubili, Uchala yo ali pamwanya pa fyosi imikiweghe bwile bwile Ameni. ⁶ Ndikuyugha ukuti ulufingo lwa chala lwapositwe, nama tebo banya isilayeli; ⁷ Sona bosi batakaba bana ba Abrahamu bo bafumite muluko lwake,hagha,loli umwene akuti "Imbeyu yako tise yiyughiwe mwa Isaki." ⁸ Ko kuti tebana ba mubili bo bakipela bana ba Chala: loli bo bana balufingo bo bakuyughiwa ukuba ba luko. ⁹ Nama isyu lya lufingo lya yughite ukuti " Pa tayimu ngati yiyi tise nise Sona,mpo Usara tise abe numwana umunyamata." ¹⁰ Tesyo sisi syene, loli we nu Rabeka,bo apokelite ichifuba ku mundu weka, yo we Isaki utata witu. ¹¹ Nama bo abana bakali nu kupapiwa bo bakali nukubomba simo,inyisa pamo imbibi, uChala akamubusya u Rabeka ukuti,usongo yo tise amubombele umunandi, ¹² Popo ukulekiwa kwa yumo yula kutafumila mumbombo isi abombite hagha,loli kwafumite pa kwitisya ko uChala inong'onitenganila, ¹³ Samo amasimbo ghakuyughila ukuti "Uyakobu yo mughanite loli u Esawu yo mubengite." ¹⁴ Kali po tutingiki ipano? Kali tuti uChala atagholokite? hagha,sitangaba bubu! ¹⁵ Popo uChala akamubusya u Mose ukuti, "ngusukumupakisya,sona ngusukumupelela ichisa yo linga akupelela ichisa." ¹⁶ Po loli sitakukonga mubwighane bwa mundu pamo mukwiyula kwake, hagha, loli sikukonga mulupakisyomlya Chala. ¹⁷ Nama amasimbo gha kumubusya u Farao ghakuti "syosyo ngwimikile uwe, ukuti mumwako momo nibonekesya amaka ghangu, ukuti ilita lyangu lifumukwe mu chisu chosi" ¹⁸ Popo uyu linga uChala ighanite pa pakumupasya,yo akumupasya,Sona yo linga uChala ighanite ukumupa indumbula ingafu,yo akumupa ¹⁹ Loli yumo mumwinu tikayughe kukwangu ukuti, " linga sili bubu po choni cho uChala akali ikuyughanukusoba? ²⁰ Weni yo abaghile ukulwa nubwane bwake? we mundu weniweni we nuwe wati wamulanaghe nu Chala? " ²¹ Imba akandu ko kamatiwe umundu ku kayugha kumundu yo akukamata kati choni cho umatite bubu?" Imba yo akumata ate namaka ukumata imbulunga yoka lya lilongwi lyake,isonda yimo iya mbombo iyapamwanya,pamo yitabaghile? ²² Mo wepe nu Chala akubombela akulonda ukulangisya ubukalale bwake, nukulangisya amaka ghake,afifite ngani ilyoyo kufibombe fyo babaghile ukupokela ubukalale,fyo fyabatikiliwe ukubuka kubumangike? ²³ Sona alondagha ukwibonesya ubwingi bwa bukulu bwake,pa utwe twefibombelo twe twapokelite ulupakisyo,twe atubarikile nganila ukubuka kubukulu? ²⁴ Twetwe twe atubikite,mubayuda mwene hagha,loli mope na mubapanja. ²⁵ Momo liyughiwe mwa Hoseya ukuti " Tisembayughe bobataba bandu bangu ukuba bandu bangu,Sona tisembayughe yonatakaba mughaniwa wangu ukuba mughaniwa wangu. ²⁶ Mosi muno bayughiwa ukuti,twe mwe bandu bangu,momo tise bayughe ukuba bana ba Chala umumi. ²⁷ Umwene loli u Yesaya po akabakolela nisya isarayeli ukuti, "Napo linga abanya isilayeli bali ngati musesenga wa kunja ubwingi,bene bobasyete bobo tise bapokiweghe. ²⁸ Nama Umalafyale tise asimalisye nakalinga syo inong'onite ukubomba pachisu. ²⁹ Sona samo u Yesaya ayughile ukuti "Linga Umalafyale wa filundilo atakatulekela uluseke,po ngali tuli ngati kokaya ka sodomu, ngali tuyanite na kaya ka Gomola. ³⁰ Imba potutingi ipano? Tuti abapanja bo batakabulonda ubugholoke ipano ba bwaghite, bobugholoke bo bwafulile mulwitiko. ³¹ Abanya isilayeli bobabulondagha ubugholoke ubu bwafumilile mundaghilo bapositwe ukubwaghania momundaghilo sisisi. ³² Po choni? batakiyula ukubulonda musila ya lwitiko, loli musila ya mbombo bakakalala pibwe ilya kukalalilapo. ³³ Ngani samo lisimbiwe ilyakuti, "Tesya ngubika mukaya ka Ziyoni ibwe lya kukalalilapo, yo linga akumwitika yo tese akabe nubutolwe."