¹ Po lelo kutaliko ukulongiwa bo bali mwa kilisiti Yesu. ² Papo ululaghilo lwa mbepo yo akupela ubumi loluli kilisiti Yesu, lolwabwile kululaghilo lwa butulanongwa,nu lwa bufwe. ³ Nama syo indaghilo syo positwe pakubomba, pa chifukwa cha bonywa bwa mubili,syosyo uChala abombite akabupisania ubutulanongwa mumubili wa bundu po akumutuma umwana wake muchifwani cha mubili uwa butulanongwa ukuti abufumyepo ubutulanongwa. ⁴ Abombite sisisis ukuti syo sikomelesisye indaghilo simalikileghe mumwitu,twe tutakwendela ulwa mubili,loli tukwendela ulwa mwambepo. ⁵ Nama akayilo kabo kamubili bakwinong'ona sya mubili,loli bo akayilo kabo kambepo wakwinong'ona syosyo mbepo. ⁶ Popo ukwinong'ona sya mubili bobufye,loli ukwinong'ona isya mbepo bobo bumi nukufwasa. ⁷ Nama sya umubili ghukwinong'ona sila pa bulughu nu Chala,ka sitamenye ukwilamba. ⁸ Abene loli bo akayilo kabo ka mubili bobatamenye ukumuhowosya uChala. ⁹ Umwe loli temwe bakayilo ka mubili hagha,loli mwebakayilo ka mbepo,linga naloli umbepo wa Chala asengile mumwinyu. Loli yo atenawe umbepo wa kilisiti,bo temundu wake. ¹⁰ Pene loli linga ukilisiti ali mumwinyu,po umwene umubili ghukuba mufwe pa chifukwa cha butulanongwa,loli isyene imbepo sikuba nyumi pa chifukwa cha bugholoke. ¹¹ Loli linga umbepo yo akumususya u Yesu mubufwe akwikala mumwinu,po umwene yo akumususya kilisiti Yesu mubafwe tise ayipe ubumi yope nimibili yinu imifwe mo mwa mbepo wake,yo akwikala mumwinu. ¹² Po lelonga mwe banyitu,utwe twebakumeleliwa,tetwebakumeleliwa,ukuti tusikonge isya mubili. ¹³ Nama linga mukusikonga isa mubili po tise mufwe, loli mwambepo linga mukusikonga isya mubili pomtise muye nu bumi. ¹⁴ Po bosi bo umbepo wa Chala akubalongosya bo bana ba Chala bubu. ¹⁵ Nama umbepo yo uChala abapile umwe atakubapelela ukuba batumwa,loli akubapelela umwe ukuba bana,weyo tukukutilamo po tukwipula tukuti, Abba, kokuti Tata! ¹⁶ Weyo mbepo yo akusisimikisya poka nimbepo situ ukuti tuli bana ba chala. ¹⁷ Loli linga twe bana po twebene chilongo bo twebakwingilapo pa chilongo cha Chala,po twebakwingililana nu kilisiti linga naloli tukubilwa nawe, ukuti nutwe tise twimwikiweghe poka nawe. ¹⁸ Nama po ngwinong'ona une ponguti syosi syo tukukubilwa akabalilo kakaka syo tubaghile akughelekesya nubukulu bobukuya pa kuboneka. ¹⁹ Po fyope nifyakupeliwa fikususya ngani, fikulindilila ukuboneka kwa bana ba Chala. ²⁰ Nama ifyene ifipeliwa fyo filambile muyo afilambika,mulusubilo lwakuti, ²¹ Fyope nifipeliwa tise fyabuke ukufuma mubutumwa bwa kuboliwa,ukufika na kubusatuwe ubwa bukulu bwa bana ba Chala. ²² Nama tumenye ukuti ifipeliwa fyosi fikukema fili mubupotwe ukufika nipano apa. ²³ Tefyofifyo fyene,hagha loli nutwe twe tulubuke umbepo,nutwe tukukema mukati mu mwitu,tukulindilila nukususya ukupokela ubwana nukupokiwa kwitu. ²⁴ Nama twapokiwe mulusubilo lululu, loli ulusubilo lo lukuboneka telusubilonlwene,Kali weni yo akusubila syo akusibona na maso? ²⁵ Loli linga tukusubila syo tukusibona mumaso, Po tukulindilila bubu nubufifa lyoyo. ²⁶ Popo wepemnu mbepo akututula ubupotwe bwitu: nama kope nukwikuta tutamenye mofikulondiwa ukuti twiputile,loli yo mbepo akutupyelekesya ukwikema namasyu ghomapala nukughayugha. ²⁷ Umwene yo akusinyamula indumbula yo asimenye syo umbepo akwinong'ona,nama umbepo akubapyelekesya abaswepu ukuyana nubwighane bwa Chala. ²⁸ Loli utwe tumenye ukuti bo bamughanite uChala bo akubapelela utundu tosi ukutesya ku bwisa,nguyugha Kubo abitisisye mo inong'onile mwene. ²⁹ Papo umwene abamanyile ngani ku nyuma umwene,bope bo basunguliwe nganila ukuti bakolane nichifwani cha mwana wake:. ukuti aye wa kwanda mubanine abingi. ³⁰ Abene loli bo abasungulile nganila, bo akabitisye: bo akabitisya bo akabayugha ubugholoke bo akabapa ubwasongo. ³¹ Kali Po tutingi pa sisisi? apene linga uChala ali kulubafu lwitu,po weni yo angapambani nutwe? ³² Uchala yo numwana wake atakapakisya, loli akamubika mubufwe pa chifukwa chitu twebosi,yo atakasite nu kutupela poka nawe fyosi bubu? ³³ Pomweni yo ati abape inongwa abasungiliwa ba Chala? uChala weyo akubayusha ubugholoke. ³⁴ Weni yo angabayugha ububibi? yo Yesu kilisiti yo afwele, inga, pamwanya pasisi asyukite mubafwe, we yo ali kunyobe indilo iya chala, sona we yo akutupyelekesya. ³⁵ Weni yo abaghile ukutupala ku lughano lwa kilisiti? Kali butolwe kali kwichangania,kali kufwimiwa,kali kwambula ku nifyakufwala,Kali bobulughu,kali kokughoghiwa? ³⁶ Bo lyo lisimbiwe ilya kuti pa chifukwa choka tukughoghiwa isiku lyosi; tukubengikwa ukuba ngali syo ng'osi isya kuboliwa. ³⁷ Loli musisi syosi tukubukilila bubu ukusipotela muyo atughanite. ³⁸ Po singolite isya kuti napo bube bufwe pamo bumi, napo nandi pamo bulaghili utundu twa ipano pamo twa linga siku. ³⁹ Napo bamaka,napo bapamwanya pamo bagholoke, napo kokandu kamo akingi kokapeliwe,fyosi bubu fitabaghile ukupughulania kulughano lwa chala, ulu luli mwa kilisiti Yesu umalafyale witu.