² Nama yo ali numulume,yo apinyiwe nindaghilo kumulume wake akabalilo kosi ko umulume aliko kubumi loli linga afwile po akusatuka kundaghilo syo syapinyiwe nu mulume. ³ Po loli linga akwilimila uyungi,po umulume akali aliko kubumi po akuyighiwa ukuba we malaya, loli linga umulume akufwa po akuya musatuke bubu kundaghilo atakuya we malaya napo akweghiwa nuyungi. ⁴ Bubu loli mwe banyitu, numwe mufwile kundaghilo mo mubili wa kilisiti, mwipelite ukuya wa yungi bubu,muli ba yo asyukite mubufwe, ukuti twebosi tumupe iseke uChala. ⁵ Nama po tukaba kumubili po ifinyenywa fya butulanongwa fikanyamusiwa nindaghilo,ukubomba mutumbakasya twa mumibili yitu ukupa iseke syo sitakupa ubufwe. ⁷ Kali tutingiki ulu,kali tuti indaghilo bobutulanongwa? hagha tungasulwa! loli linga ngabumanya ubutulanongwa po kope nukutomela ngali ngakumanya, linga sikumbusyagha indaghilo ukuti utakatotomele. ⁸ Loli ubutulanongwa buyaghite isila mulukomelesyo, bukanyamusya ifinyonywa fyosi mukati mu mwangu: nama Po sitakabapo indaghilo ubutulanongwa bo bufwe bubu. ⁹ Lumo une nali mumi bubu bo indaghilo sitaliko,loli bo ingomelesyo sisile, ubutulanongwa busyukite sona. ¹⁰ Po ngenda nukufya: po ngagha ukuti ingomelesyo isi syo syakumba ubumi sikipela sya kumba ubufwe syosisyo. ¹¹ Nama ubutulanongwa buyaghile isila mungomelesyo,busimbwile une nukungogha mo mungomelesyo. ¹² Po indaghilo syoswepu: syope ningomelesyo syoswepu,syongoloke sona nyisa bubu. ¹³ Loli imba ipano akandu aka kali kiss,po kambelile une ukufwa? hagha temosili! loli ubutulanongwa bobo bubombite sisisi po bwa bombela mukandu akisa, ubutulanongwa bukanyisila nubufwe ukuti buboneke butulanongwa bukabonekela mungomelesyo ukubukilila ukuba butulanongwa naloli. ¹⁴ Po tumenye ukuti indaghilo syo sya mbepo,loli une newa mubili: ngulisiwe ngati mutumwa ukuti imbe mubutulanongwa. ¹⁵ Nama syongubomba ndakwibona, papo ndakubomba syo sibengite loli ngubomba syo sibengite. ¹⁶ Apene loli linga ngubomba syo ndighanite ukubomba,po ngusitika indaghilo ukuba nyisa. ¹⁷ Popo tunene nengubomba sisisi loli bo butulanongwa bo busingite mumwangu. ¹⁸ Nama menye ukuti mukati mumwangu kokuti mumubili wangu,batalimo nabumo ubwisa po napo ngulonda ukubomba inyisa,loli ukubomba ko singumbota. ¹⁹ Nama ndakubomba iyisa syo ngulonda,loli imbibi syo ndakulonda syo ngubomba. ²⁰ Loli linga ngubomba syo ndakulonda,Po tenene nengubomba loli bo butulanongwa bo busingite mu mwangu. ²¹ Lelo po ngusyagha indaghilo isyakuti po linga ngulonda ukubomba inyisa Po ngwagha ukuti ububibi bukuboneka mumwangu. ²² Nama umundu wangu uwa mukati yo simuhowosisye indaghilo sya Chala. ²³ Loli mutumbakasya twa mumubili wangu, mo ngwagha lulimo ululaghilo lolukulwana nululaghi lwa mahala ghangu: lukumbela wakukoliwa mululaghilo lwa butulanongwa,loluli mutumbakasya twa mumubili wangu. ²⁴ Ne mundu umupotwe une,kali weni yo amboke kumubili wa bufwe ughu? ²⁵ Nguwa ulupi kwa Chala mwa Yesu kilisiti Umalafyale witu po lelo nemwene namahala ghangu ngubombela ululaghilo lwa Chala,loli umubili ngumubombela ululaghilo lwa butulanongwa.