¹ Imba tukutikinipano? Imba tubukilile mubutulanongwa ukuti ichisa cha Chala chibalaghe? ² Hagha tutakambe, uswe twafwile bubu ku butulanongwa po tuye bulibuli mumo? ³ Mutakumanya ukuti twebosi twe tosiwe mwa Yesu kilisiti tosiwe bubu mubufwe bwa bwake? ⁴ Po tosiwe po tukusiliwa poka nawe ukwingila mu bufwe: ukuti ubukulu bwa wise bobo bukamususya u Yesu kubufwe, momo nutwe twendele mubumi ubupya. ⁵ Nama linga tulipoka nawe mubufwe bwake, potise tuyepoka nawe bububu napakusyuka. ⁶ Tusimenye ukuti umundu witu umukulu akomeliwe poka nawe pachipingika ukuti tube batumwa ba butulanongwa sona. ⁷ Nama yo afwile yo mwabuke bubu ku butulanongwa. ⁸ Apene loli linga tufwile poka nawe kilisiti,po tukwitika ukuti mope namo mubumi tise tuye nawe. ⁹ Nama tumenye ukuti,po ukilisiti asyukite mubufwe po tise andisye ukufwa,ubufwe tise bwipele bunyafyale sona kukwake. ¹⁰ Nama ubufwe ubu afwile,bo abufwilile bo butulanongwa lyaka, bubu kwambula ukwandisya: ubwene ubumibbo alinabo bo bumi mwa Chala. ¹¹ Po numwe mwimanye ukuti mwe bafwe kubutulanonongwa: loli mwe bumi kwa Chala mwa Yesu kilisiti. ¹² Po lelo ubutulanongwa bungipela ukuba bunyafyale mumibili yinu imifwe, ukuti mufitikisye ifinyonywa fyabo. ¹³ Tope nutumbakasya twa mibili yinu tomutakatupe ubutulanongwa ukuba fibombelo fya bunyongane mwipelele bubu kwa Chala mufwale bo bandu abumi bo bafumite mubufwe,tope nutumbakasya twa mibili yinu to mumupe yo Chala tuye fibombelo bugholoke. ¹⁴ Po butulanongwa tise buye bunyafyale papinu papo mute pasi pa ndaghilo loli muli pasi pa chisa. ¹⁵ Imba loli potutule inongwa po tuli pasi pa ndaghilo,loli tuli pasi pipyana? hagha,tutakaghesye! ¹⁶ Mukumanya ukuti linga mukwibika ukuba batumwa bake sona mukupulikisya kukwake, po mukuba batumwa ba yo mukumupulikisya, napo kokuba mubutumwa bwa butulanongwa bo bukulangisya kubufwe napo kokuba mutumwa bwa lwitiko bo bakulangisya kubugholoke. ¹⁷ Loli tube ulupi kwa Chala,papo umwe mwe batumwa ba butulanongwa,ipano mwipelite bakupulikila nindumbula yosi mulumanyisko lululu mwabikiwemo. ¹⁸ Po sona mwabuliwe kubutulanongwa Po mwipelite ukuba batumwa ba bugholoke. ¹⁹ Nguyughila ulwa bandu, pa chifukwa cha bonywa bwa mibili yinu: name ngati isamwo twatubikile utumbasya twa mibili yinu mubutumwa bwa bunyali nukukilania, ukuti tubombaghe syosite mundaghilo,Po loli mutubike utumbakasyantwa mibili yinu mubutumwa bwa bugholoke, ukuti mube baswepu. ²⁰ Nama po mwali batumwa babutulanongwa,po mwali babuke kubugholoke. ²¹ Kali po mwabagha iseke siki pakabalilo kala? nasimo,loli syene syosi kubakosya isoni ulu: nama isyeneubumalile bwake bo bufwe. ²² Loli ulu pomusatuliwe kubutulanongwa mwipelite ukuba batumwa ba Chala, mukupa iseke sinu syo sitesisye ku bwisa isyene loli kubumalilo bo bumi bwa bwile. ²³ Nama umufwalo ughu ubutulanongwa bukumukupikila umundu bo bufwe: ifyene loli ifyabupi fya Chala,bo bumi bwa bwile mwa Yesu kilisiti Umalafyale witu.