¹ Po ulwitiko lutupelite akuyughiwa ubugholoke Po tuli mubufwese nu Chala mu Malafyale witu Yesu kilisiti. ² Muyuyu momo ulwitiko tubwaghite ubwingililobmu chisa ichi twimililemo: Sona tukuhowoka mulusubilo lwa bukulu bwa Chala. ³ Techochichi chene loli tukuhowoka namu butolwe bo tukumanya ukuti ubutolwe bukupela ubufindang'oma. ⁴ Ubufindang'oma bukupela ubwanalume indumbula, ubwene ubwanalume bukupela ulusubilo. ⁵ Ulwene ulusubilo lutakumususya nayumo nama uChala akusisye bubu mundumbula syitu mwa mbepo umuswepu yo atupile. ⁶ Po naloli u kilisiti akatufwila twe batulanongwa pakabalilo akisa,botukali tuli bonywa. ⁷ Nama kupala ukuti umundu yumo amufwile umugholoke, napo pamo yumo abaghile ukukiba ukumufwila umundu umugholoke, ⁸ Naloli uChala akalangisya ulughano lwake kukwitu po ukilisiti atufwilile bo tukali tuli batulanongwa. ⁹ Po ipano tukuyughiwa ubugholoke mwibanda lyake Po tukubukilila ukupokiwa kubukalale mu mwake yuyo. ¹⁰ Nama linga bwatusayanisye nu Chala bo bufwe bwa mwana bo tukali tuli balughu bubu mu bumi bwake, po tusayanite ulu. ¹¹ Tekokaka kene loli tukuhowoka mwa Chala Umalafyale witu Yesu kilisiti yo tupokelite ulusayo ulu. ¹² Momo ubutulanongwa bukandila mu mundu weka ukwisa mu chisu muno, momo bope nubufwe bwendile mubutulanongwa,popo ubufwe busatanite mu bandu bosi papo bosi batulite inongwa. ¹³ Nama bo sikali indaghilo, ubutulanongwa bwalimo muchisu: loli ubutulanongwa buta kabelengiwa ukuya butulanongwa linga indaghilo sitaliko. ¹⁴ Loli ukufuma pa Adamu kufika pa Mose ubufwe bwali bu nyafwale bubu,bwa bapota bosi,nubutulanongwa bwabo bukayana nu bwa adamu,yo we chifwani cha yo akuya pakwisa. ¹⁵ Loli ichabupe cha Chala ichi chite ngati bo bumyasi bula nama linga abingi bafwile pa chifukwa cha bumyasi bwa mundu weka,pochikubukila bubu ukubaghogha bingi ichisa cha Chala nifyabupi fya mu chisa cha mu week yula,yo Yesu kilisiti. ¹⁶ Sona ifyabupi fila,butakaba butulanongwa bwa mundu yumo yula,nama ukulongiwa kwa mundu weka kwisile akuyughiwa ububibi,loli ichabupi ichi chisile mubumyasi bo bwingi,cho chikwisa nukuyughiwa nu bugholoke. ¹⁷ Syanaloli ukuti mukunanga kwa weka ubufye bwipelite bunyafyale pa chifukwa cha mundu weka yulayula,loli boba kupokela ubugholoke bobakubukilila bubu ukuba banyafyale loli mu bumi bwa mundu weka yo we Yesu kilisiti. ¹⁸ Popo linga ububibi bwa mundu weka bwa pelite ukuyugha ububibi abandu bosi,popo bope ubugholoke bwa mundu weka bukupela ubugholoke bwa bandu bosi nukubapa ubumi. ¹⁹ Nama ukufuya kwa mundu weka kubapelite abingi ukuba batulanongwa popo nukwitika kwa mundu weka tise kubapelele abingi ubugholoke. ²⁰ Isyene indaghilo sisile bubu kunyuma ukuti sikubalisye ukusoba posi po ubutulanongwa bubalite. ²¹ Po chope nichisa chikabukilila bubu nukubala, pakuti ubutulanongwa bwipelite bunyafyale mu bufwe,po chope nichisa chipelite ukuba chinyafyale mugholoke,ukutubika kubumi bwa bwile na bwile mwa Yesu Umalafyale witu.