¹ Imba ulu tukutiki isya Abrahamu, umwisukulu witu ulwa mubili? imba akasyagha isya kutiki? ² Po linga u Abrahamu ayughiwa mugholoke pa chifukwa cha mbombo, po ngali ali nasyo isya kwiyughilamo loli awe, mundasi mwachala. ³ Aghene amasimbo ghaku? Ghakuti Abrahamu akamwitika uChala syosyo sikamupelela ukuba mugholoke. ⁴ Umwene uyu akubomba imbombo yo umufwalo wake ghutakubelengiwa ukuya wa muchisa, hagha loli ghukubelengiwa ukuya pamaka ghake. ⁵ Umwene yo atakubomba loli akasubila yo akumuyugha ubugholoke nu mutula nongwa wepe ulwitiko lwake tise lubelengiwe ukuya bugholoke. ⁶ Bo lyolyo wepe u Davidi akayughiwa nu bugholoke umundu yo uChala akumubelengela ubugholoke bo atakabombamo imbombo Po ukuti: ⁷ Balusako bo bahowokeliwe ukukilania kwabo nabo imbibi syabo sikupikiliwe ⁸ Walusako umundu yo umalafyale atakumubelengela imbibi. ⁹ Ubwene loli ubuhowoke bububu kali bukumuyugha yo elusiwa mwene? pamo wepe nayo atelusiwe? Nama tukuti ulwitiko lukamupelela u Abrahamu ukubelengiwa nubugholoke. ¹⁰ Kali umwene abelengikwa bulibuli? bo elusiwe pamo bo akali ukwelusiwako, hagha loli bo akali ukwelusiwako. ¹¹ Umwene akapokela ukwelusiwa akuba chimanyisyo bubu, nukuya lusimikisyo leave bugholoke lya lwitiko, ulu ali nalo bo akali nukwelusiwako: ukuti aye we wise kubosi bo bakwitika bobakwelusiwako ko kuti wooe babelengiwe ukuya bagholoke. ¹² Sona aye we wise wa belusiwa awa wakelusiwa ukwelusiwa kwene, loli bakukonga munyayo sya lwitiko ulu ali nalo u Tata u Abrahamu bo akali nukwelusiwako. ¹³ Nama ulufingo lulu ulwakuchaghilapo ichisu choshi lo akumupa u Abrahamu nimbeyu syake syosi, lutakendela mundaghilo loli likendela nubugholoke ubu bukufuma mulwitiko. ¹⁴ Linga bakuya bene chilingo bobakusikonga indaghilo,po imba ulwitiko lwipelite lwa bubu lope nulufingo lomoliwe. ¹⁵ Nama mundaghilo sikupela ubukalale, loli pala Po pate indaghilo Po kope nukunanga ngali kutakabapo. ¹⁶ Popo nguti kokuti ulufingo Lula luye lwa naloli ku mbeyu yosi hagha loli kuba mundaghilo loli kope nukuba lwitiko lwa Abrahamu yo we Tata wa twebosi. ¹⁷ Bo lyo lisimbiwe lyo likuti: ¹⁸ Umwene napo lutakabako ulusubilo akitika mulusubilo ukuti akuyagha we wise wafikolo ifingi. Sona likuyugha ilya kuti momo tiyikaye bubu imbeyu yako. ¹⁹ Umwene akapotwa nukunyokela mulwitiko bo akwitesya mumubili wake umufwe, bo ali ngati Ali nifinja (100) Sona bo akutesya ukumila kwa mbapo kwa Sara. ²⁰ Napo ukusita kwitika uku kwamwagha ukumupelela ukukuyikila mu lufingo lwa chala, pope akikola momu lwitiko akamupa uChala ubukulu. ²¹ Sikamufikapo syo akafinga. ²² Sisisi syosyo sikamupelela ukubelengiwa ukuya mugholoke. ²³ Loli sitakasimbiwa pa chifukwa chake hagha. ²⁴ Loli nutwe twe tise tubelengiweaghe linga tukumwitika yo akumususya uYesu Umalafyale witu kubufwe. ²⁵ Umwene uYesu akabikiwa kubufwe pa chifukwa ncha kusowa kwitu, sona uChala akumususya kubufwe ukuti tuyughiwe ubugholoke.