¹ Ka abayuda bapambanite buli nabandu abangi? ukwene ukwelusiwa kuli nubwisa buki? ² Aba Yuda benditemo musila syosi bubu ichakwanda abayuda ukughalindilila amasyu gho uChala akabapa. ³ Buli linga bamu batitikite imba ukusita kwitika kwabo kubaghile ukubwisya umusubiliwa bwa Chala? ⁴ Hagha kutabaghile? Umwene uChala yo wa naloli, loli abandu bo bamyasi bubu, ngati isamwo lisimbiliwe ilya kuti ukuti ayughiwe ubugholoke musyo akuyugha nukuti apisania po linga ukulonda. ⁵ Buli linga ubunyongane bwitu bukubwimika ubugholoke bwa chala, po tutiki uswe? imba uChala anyonganite po akwisa nubukalale? ( nguyugha samo bakuyughila abandu ). ⁶ Hagha temunyongane! Linga mosili Po Chala abaghile ukuchilonga buli ichisu? ⁷ Loli linga pa chifukwa cha bumyasi bwangu, ubwanaloli bwa Chala bukubukilila ukumupa ubwa pamwanya, po choni cho une ngali ngulongiwa ukuba mutulanongwa? ⁸ Imba tuyughe samo bakuyughila bamo ukuti uswe tubombe syombibi ukuti momo sifume inyisa? Po tise balongiwe ngati samo sibabaghile. ⁹ Imba uswe tweba Yuda tubapotite abangi? hagha tutabapotite po tukulonga ukuti abayuda naba Griki bosi bubu bali pasi pabutula nongwa. ¹⁰ Ngati samo lisimbiliwe ilya kuti ¹¹ Ataliko nayumo uwakusyaghania nayumo yo akumulonga uchala. ¹² Bosi bapatukite kwa Chala, bosi banangite nayumo yumo yo akabombagha inyisa, ataliko bubu nayumo. ¹³ Abene imimilo yabo yili ngati lipumba lyo lili bu bwelu indimi syabo imyasi syene, amati gha njoka amakali gha mumilomo yabo. ¹⁴ M'milomo mwabo mwisule ifighuni nubukali. ¹⁵ Abene balubilo pakufumisya ibanda. ¹⁶ Mosi mo bakwenda bakunangania bubu sona ndamyo shene. ¹⁷ Iyene isila ya mutende yo batayimenye. ¹⁸ M'mwabo batenubogha nabumo ubwakumoghopa uChala, mundasi mumwabo ¹⁹ Tumenye ukuti syosi isi sikuyugha ndaghilo, sikubayugha bo bali pasi pa ndaghilo ukuti ukwihowokela kwa mundu wesi kumalaghe, nukuti ichisu chosi chiye pabulongi bwa Chala. ²⁰ Nama ataliko yumo uwa mubili yo tise ayughiwe ubugholoke mundasi mumwake pa chifukwa cha mbombo sya ndaghilo: papo mundaghilo momo sikufuma isya kubumanya ubutula nongwa. ²¹ Loli ipano kwambula ndaghilo, ubugholoke bwa Chala bubonekite bubu, bo busisimikisisye mundaghilo na mubalaghisi. ²² Nguyugha ubugholoke bwa Chala bobukwendela mu lwitiko ulwa kumwitika Yesu kilisiti, kubosi bobakumwitika. ²³ Nama kutaliko ukupambana po bosi batulite inongwa, bapositwe ukufika pabukulu bwa chala. ²⁴ Bakwiyugha bubu ukuba bagholoke mu chisa, chochendile mubupoka bobuli mwa Yesu. ²⁵ Yo uChala akamubika ukuba kandu Kaku sayanilanamo mulwitiko lwa mwibanda lyake,ukulangisya ubugholoke bwake po uChala afifite ilyoyo asilekite bubu imbibi syabo,syo bakubomba kunyuma bo akuti nabahowokela. ²⁶ Akulangisya ukuti akabalilo kalakala ababonesisye ubugholoke bwake ukuti yuyo mwene weyo mugholoke, nukuti ukumuyugha ubugholoke yo ali mwa Yesu. ²⁷ Bulinga loli ukwitufya kuli kwighi? kwighaliliwe panja bubu indaghilo silikwighi? isya mbombo? hagha loli mundaghilo isya lwitiko. ²⁸ Popo loli tusyaghite ukuti umundu akayughiwa ubugholoke mulwitiko kisita mbombo sya ndaghilo. ²⁹ Pamo imba uChala we Chala wa baYuda bene? tewabo bope naba panja? Inga, umwe wabo bope abapanja: ³⁰ Nama uChala ali weka bubu: yo tiakabayughe ubugholoke abelusiwa musila ya lwitiko nabambula kwelusiwa tise akabayugha ubugholoke pa chifukwa cha lwitiko.