¹ Mwe banyitu syo nanyenywa ni nimbumbula yangu yosi sona nywiputa kwa Chala ukuti aba chikolo changu bapokiweghe. ² Nama ngubasimikisya une nguti,bakwiyula kisya Chala loli ba kusimanya akisa. ³ Po abene batasimenye isya bugholoke bwa Chala,sona bo bakulonda ukusimika sya syabo bubu,batakulonda nu kulamba ku bugholoke bwa Chala. ⁴ Nama ukilisiti we yo bobalilo bwa ndaghilo ,ukuti momo bayughiwe ubugholoke bosi bo bakumwitika. Ubupoki bo bwa bandu bosi. ⁵ Po u Mose asimbilile isya bugholoke bo bukufuma mundaghilo atili, " Umundu yo akukonga yo tise abweghe ubumi mulamula." ⁶ Loli pakubuyugha ubugholoke ubu bukufuma mulwitiko, bo amasimbo ghakuti, "Utakayughe mundumbula yako ukuti imba weni yo akwelite kumwanya?" ( uku ko kumwisya kilisiti pasi ). ⁷ Pamo ukuti weni yo tise aghulumuke ku dhibwina ichitali,icha bufwe? ⁸ Loli amasimbo ghakutiki? "ghakuti ili lisyu lili papipi numwe ,Lili mumulomo wako,sona lili mundumbula yako"_lyo lisyu lya lwitiko lyo tukulifumusya. ⁹ Po linga ukuyugha pabwelu mumulomo wako, ukuti u Yesu we malafyale sona ukwitika mundumbula yako ukuti uChala akumususya mubafwe tise upokiwe. ¹⁰ Nama lo lwitiko lo lukutupelela ukuba bagholoke,ko kukuyugha pabwelu ko kukutupelela ukupokiwa. ¹¹ Nama amasimbo ghakuti, "wesi yo akwitika yo tese akosiwe isoni." ¹² Papo kutaliko ukulekana umuyuda nuwa panja,nama umwene yo we malafyale wa bosi, umwene yo akubapa ubukabi nukubasaya bo bakukolelesha kumwake. ¹³ Ngati samo amasimbo ghakuyughila ukuti, " wesi yo akuyiyugha ilita lya Malafyale yo tise apokiwe. ¹⁴ Yo bati bakoleleghe bulibuli kukwake bo batamwitikite?mbangamwitika bulibuli bo batifyila amasyu ghake? bangifwa bulibuli bo umulumbilili nayumo? ¹⁵ Sona bangalumbilila bulibuli bo batatumiwe? bo lisimbiwe ilyakuti " bo bwisa bukuti ukwisa kwa bo bisile namasyu amisa. ¹⁶ Loli batitikite bosi amasyu amisa,nama u Yesaya akuyugha ukuti " we malafyale weni yo ayitike amasyu ghitu" ¹⁷ Po lelo ulwitiko lukufuma mukupulikisya sona syo sikupulikikwa sikufuma mwisyu lya kilisiti. ¹⁸ Loli ngulalusya nguti imba naloli batakiyifwa,nama amasimbo ghati, "Po akogho ka lisyu lyabo kasatanite mu chisu chosi, Sona amasyu ghabo ghayile ghafika ko ichisu chimalile. ¹⁹ Ngulalusya sona nguti,imba abene abanya isilayeli batakasyaghania? Mose yo akanda ukukwamula, ukuti "Ngubapelela abandu bangu akabini ku bandu bo bate chikolo chene,sona ngubapelela ubukalale kuchikolo nichisita mahala. ²⁰ Umwene u Yesaya yo akakiba bubu ukuyugha ukuti, "Banyaghite une bo batakandandagha,nilangisye kubo bakandonda ukuti ali kwighi," ²¹ Loli pa kubayugha abanya isilayeli po akuti. "Isuba lyosi ngolosisye bubu inyobe syangu ukubapokela abandu abambula kupulika.