¹ Po lelo ngulalasya une nguti Kali uChala abayaghite bubu abandu bake? hagha,atabataghite napanandi po nune ne nyaisirayeli fumile mu luko lwa Abrahamu,mu chilolo Cha Benjamini. ² UChala atabataghite abandu bake,bo akabamanyila nganila kunyuma,pamo utasimenye syo amasimbo ghakuyugha is Eliya? po akubapyelekesya abanya isilayeli kwa Chala akuti, ³ "We Malafyale babaghoghile abasololi bako,ifiyemo fyako ifyakwikemekesya po bapangwile: syete nemwene bubu,sona bakubufwima ubumi bwangu. ⁴ Umwene loli uChala akumwamula isya kuti? akuti "une sakisyise abandu aba samusandi fiyivi na babili (7000) bo batafughamite umo ku chifwani cha Chala Bala," ⁵ Popo sili bububu nipano balipo bobasyete bo ba saliwe mu chisa. ⁹ Wepe nu Davidi ikutu, Ifyakulya fyabo ifya paluseke lo fipelite chipingo, Sona fipelite chikwitegha fipelite ko kandu ka kakwifulasyamo indumbula,Sona luye love lubukisyo kukwabo. ¹⁰ Amaso ghabo ghighalile ukuti ghaleke ukutetesya: Imyongolo yabo yinamebwile." ¹¹ Ngulalusya lelo une nguti, Imba bafulalite indumbula ukuti bafwe bosi? hagha, manye sibe bubu,ipano pa chifukwa kusoba kwabo ubupoki bwisile kuba panja,ukubapelela akabini abanya isirayeli. ¹² Apena linga ukusoba kwa kukwipela ukuba bukabi bwa chisu,sona ukupotwa kwabo kukipela ukuba bukabi bwa bapanja,Kali po bati bafike pighi linga batalipo bosi? ¹³ Loli syo nguyugha kukwinyu umwe bapanja: bo samo nipelite ukuba muputi wa kubapanja,momo ngubutufikisya ububombeli bwangu. ¹⁴ Ukuti linga sibaghile mbapeleleghe akabini abanyitu abalibanda lyangu,ko kuti mbafyule bamo. ¹⁵ Nama linga utaghiwa kwabo kukwipela ukuba lusayano lwakali po ukupokeleliwa kwabo kusite nukwipela ukuba bumi ubwakufuma kubufwe? ¹⁶ Linga akamenye akatasi aka bakamupa uChala Kaka kaswepu, bo yope nindumbula yosi yonswepu: Sona linga umusisi wa likomo mwisa syope nisambo siya nyisa. ¹⁷ Apene linga isambo simo sipyokite,loli uwe we mani gha mumatengele ubikiwe,Sona akulya poka nagho ubwisa bwa musisi wa nsyunguti, ¹⁸ Utakitufye kusamba sila, loli linga ukwitufya,Po ukumbukeghe ukuti tewe ukunyamula umusisi loli umusisi ghoghukukunyamula uwe. ¹⁹ Uwe ipano tise uti isambo syo pyolite ukuti une pikiwe papo. ²⁰ Kwisa! Isyene syapyoliwa pa chifukwa cha kwambula kwitika,uwe Loli wimilile pa chifukwa cha lwitiko,ipano Utakitufye wemwene,loli ghoghopeghe. ²¹ Nama linga uChala atakapakisya isamba sya pa chikolo po nuwe ngali teakupakisya. ²² Utesye ipano ubulolo ba Chala nu bukali bwake,Kubo bawile bumile loli kukwabo uChala mololo bubu linga ukulunda mu mwako ukuti nuwe ungapyoliwa. ²³ Bope nabalabala bope linga ba kulindamo,mubusita kwitika kwabo,tise babikiwengepo sona nama uChala ali namaka aghakubalingisya sona. ²⁴ Nama linga uwe waputuliwe ukuduma mumusunguti gho wali mumatengele ukupeliwa: linga walungisiwe musyunguti uwa mukaya mo akapeliwamo,Po batakukindilila bubu ukughulungisya mumusyunguti wabo,bo ukupeliwa bafumilemulamula. ²⁵ Mwe banyitu,nama ndakulonda ukuti mube basitakumanya isya kubufifa mu isi ( kokuti mungisimbilagha ukuti mwa bamahala) ukuti ubukafu indumbula bo kisile ubulubafu limo lwa isirayeli mupaka ukufika ukuti abapanja bosi bakwingilila. ²⁶ Po lelo u isirayeli wesi tise aponaghe,bo lyo lisimbiwe ilya kuti, "umpoki tise ise ukufuma mukaya ka Ziyoni we tise abulisya ubunyongane bwa Yakobu. ²⁷ Ulu lo lwitikano,lo tise nitikane nabo,bo ngubatetela ububibi bwabo. ²⁸ Ukusisyokela amasyu amisa aba yuda bakipela balufu ba chala pa chifukwa chinu,Loli ukuba bandu abasaliwa,popo bakipela ukuba baghuliwa pa chifukwa cha bachikolo chabo. ²⁹ Po uChala atakusenja aminong'ono ghake,pa yo amusalile. ³⁰ Nama bo momu kale pala mukaba panja mutakamwifwila uchala, ipano lelo Po mulwaghite ulupakiso kwa baYuda. ³¹ Po bope akipela basita kupulika,ukuti po numwe mulwaghite ulupakisyo po bope ipano balwaghite ulupakisyo. ³² Nama uChala abighalile bosi mubusita kwitika,ukuti abapakisye bosi. ³³ Mwe bo butali buki ubukabi bwa Chala,namahala,nubumanyi bwake! weni yo angasimanya syo umwene atumwile? Weni yo angayaghania isile syake.? ³⁴ Nama kali weni yo asyaghanisya inyinong'ono sya Malafyale? pamo weni yo abaghile ukumulingania? ³⁵ Weni yo amupelilelumo fimo ukuti wepe ise amunyosyekesye sona. ³⁶ Po fyosi bubu fikufuma mumwake,sona fikutesya kukwako,fikwendela mumwake yo ulwimiko luye kukwake bwile na bwile Ameni.