¹ Mwe banyitu,ngubasumila muchibabilisi cha Chala, ukuti mwibike imibili yinu ukuba chabupi ichimi,lyolite nakakunanga nakamo,ilyakumuchela kwa Chala bo bobuye bubembeli bwinu ubwa mahala. ² Mutakifwanikisye nichisu Chichi,loli mwanduke bubu nubupya bwa nyinong'ono syinu: ukuti musimanye syo uChala ighanite inyisa isyakumuhowosya isyakufikapo. ³ Popo lelo muchisa ichi ambile,momo ngubabulila mwe bosi mufilundilo fyinu, ukuti nayumo angapululisya ukwiyinong'onela ukukinda napo abaghile ukwiyinong'onela: loli ukwinong'onela mubutenga moyo,weka na weka ayane nichipimilo cha lwitiko lo uChala amupile. ⁴ Nama ngati samo mubili ghoka tuli nato utumbakasya to twingi,loli utumbakasya tosi tutakubomba imbombo yake. ⁵ Popo nutwe twe bingi, twipelite ukuba mubili ghoka mwa Yesu kilisiti,yo kambakasya kamunine uyu kambakasya ka munine. ⁶ Loli ngati samo tuli nafyo ifikungilwa fyo fipambanite,ukuyana ni chisa ichi atupile linga bobulaghusi buye samo luyilile ulwitiko. ⁷ Linga momubombeli,twibike ko kokububombeli bwitu,yo akumanyisya wepe ibike kokubumanyisi bwake. ⁸ Yo akubakasya abandu yo abakasye,yo akupa abukilile nukupa nindumbula inyisa.Umulongosi yo abike ngani umoyo pakulongosya,myo akupa ifya bupi yo apele mubusangalale. ⁹ Ulughano lo manye lube nabusyobi,mubusyokele ububibi bosi mubumilile bo bwisa. ¹⁰ Ulwene ulughano lwa mubupoka lo mughanane mwe bubu ulwimiko lo mubukilile ukwimikana. ¹¹ Ukwiyula komenye mufokelele isyene imbepo syamuka syasipeghe bubu,mumubombele yo Malafyale nindumbula yosi. ¹² Mulusubilo momusekele bubu,mubutolwe mo mube bafinda ng'oma, mulwiputo mo mumilisye bubu. ¹³ Fyo linga muli nafyo fyo mulile poka nabakilisiti abanyinu,mwiyuleghe ukubambilila abalendo. ¹⁴ Mubasumile ulusayo bo ba kubafwima,inga, mumusumeghe uChala ukuti abasayaghe,koma ukubaghuna. ¹⁵ Musekele nabo bobakusekela,mulileghe nabo bo bakulila. ¹⁶ Mube indumbula yoka mwe bosi momubelile mutakinong' one sya kwighindika loli mwikale poka na bapina,koma ukwiyugha amahala mwe bene. ¹⁷ Manye munyokesya yumo imbibi pa mbibi, mwinong'oneghe syo nyisa pandasi pa bandu bosi. ¹⁸ Linga mwaghite ukuti sikubitikisya umwe,Po mube nulutengano nabandu bosi ¹⁹ Mwe banyitu, mutakanyosyesye ifayiti ,loli ubukalale bo mumulekele yo Chala po lisimbiwe ili likuti "ukunyokesya kokwangu,ngunyosyekesya nene,momo akuyughila Umalafyale." ²⁰ Loli po lisimbiwe ilya kuti,"linga mumwaghite umulughu wako ali nisala po umupe ifyakulya: linga ali ninyota po umupe amisi: Nama linga ubombite ngati ulu Po ukumulundikila ingalasibwe sya mulilo pa mutu wake." ²¹ Koma ukulamba kunmbibi loli imbibi usilambikeghe nubwisa.