² Wala 12 wakitisha ichilundilo cha wafundiwa, wakati, chitakwenelera ukuti tuleke pakufumusha amashu amisa tutangwanikaghe nimbombo ya kuyewania ichakurya. ³ Wakamu wangu musalane mwibene awandu 7 wawo wali nu mbepo sona wa mahara. ⁴ Lore utwe pakabaliro aka tukwenera pakwipereka ukwiputa, nukufumusha amashu amisa. ⁵ Ichilundilo choshi chikahowoka ni fundo iyi,powakasala u Stephano,umwitiki yuyo iswile nu mbepo wapalubafu, Filipo, porokoro,Nikanoro, Timoni, Paramena na Nikola yuyo akafuma kulubafu lwa Antiyoke, yuyo wakamwingisha mu chiyuda. ⁶ Awandu awa wakisa nawo kuwatumiwa, wawo wakawiputila nukuwika utukono pawo pakuwasaya. ⁷ Popapo amashu gha chala ghakawukilila nukufumushiwa. Igulu lya wafundiwa mu Yerusalemu likanda pakukula po awaputi awingi wakapulikana. ⁸ Popapo u Stephano pakwisula nubwanaloli namaka, akanda ukupanga ifyili fyakoghofya kuwandu. ⁹ Kukawa awandu wandu awa munyumba yakwiputilamwo (sinagoge) wakiyitisha bene ukuti wakwiputa pawuwushe, kirene, Alexandria wakafuma ku lwafu lwa kilikiya nu Asiya wakanda ukumususha u Stephano. ¹⁰ watakawa namaka pakulimbana nu mbepo mumahara ghagho u Stephano akwiyughila. ¹¹ Popapo wakanda ukuwashimbula awandu wangi ukuti, muye muyughaghe ukuti, twapulikite akuyuyura indaghilo sha Moses nisha Chala. ¹² Popapo wakawshimbula awandu awosongo wamanyandaghilo, wakawuka kwa stephano, wakamukora mupaka wakawuka nawe kunyumba ya ndaghilo. ¹³ Popapo wakamweghela awokamboni awamiashi wowakayugha ukuti, umundu uyu akawaliro koshi mukayughile kake akususha ubuyo bwakupatuliwa nindaghilo sha Moses. ¹⁴ Twamupulika akuyugha akuti, u Yesu uyu uwaku Nazarete akwisa pakupangulania inyumba ya chala nukuchenja ama Sitayelo ghoshi ghagho u Moses akatulekera! ¹⁵ Woshi wawo wakawa munyumba ya ndaghilo wakamuketa u Stephano, wakamuketa ukuti pa cheni pake pali ngati wandumi wa Chala.