¹ Akawako yumo umundu ingamu yake Hananiya, umukashi wake akawa wi safira. Hananiya akaghulishapo ukatundu wake. ² Akatishapo indalama shimo poshisho akaghulishapo, umukashi wake wepe akamanya, Indalama shimo wakawuka nasho ku watumiwa. ³ Petros akamuwusya u Hananiya akati, ka chifukwa chifukwa chiki wiswile nusatana pakwisa nindalama shimo shishowaghulishapo ukatundu wako kulonda umughele umbepo mwikemo? ⁴ Mwo ukali ukughulisya asi shikawa ndalama shako nulwako? Ka kwinong'onaki ngani? utamusimbula umundu lore uchala. ⁵ U Hananiya mwo apulika amashu agha, akawa pase nukufwa. Ubwogha uwukulu wukawakola awandu awingi. ⁶ Awalumiana wakisa nukufungilisha mumwenda nukunyamula nukuya pakusunga. ⁷ Pakati pendapo ma hours matatu, umukashi wake akisa kushita kumanya chicho chawosi. ⁸ Petros akamuwusha umukolo akati, umbule umughunda ghula mukaghulisha mwakuti? Inga, tukaghulisha pamtengu ghugho. ⁹ U Petros akamwamula umukolo yula akati, chifukwa chiki mwitikisania ukughela umbepo wakyala? umbulike awanyamata wali pamuryango wafuma pakusunga u mulume wako, tiwakunyamulire kuse nuwe wuwu. ¹⁰ Mwaluwilo umukolo yula akawapase pandashi pa Petros akafwa. Awanyamata wakwingila wakagha afwile kale, wakamunyamulira kuse nukuya pakusunga pamupene nu mulume wake. ¹¹ Ubwogha uwukulu ngani wukawakola awa Chalichi nabangi bobakapulika ifi. ¹² Ifilangisho ifyingi fikanda pakuoneka nawatumiwa. Woshi wakawungana pamukululu wa Solomoni. ¹³ Patakawapo nayumo uwakukangana nawo lore woshi wakawa tufyanga. ¹⁴ Inambala yawalisha nawakolo wowakanda ukwitikisha yikakuliraghashe ngani. ¹⁵ Awawine wakanyamuliwa mutusila twamutawuni nukuwaghoneka pafitara ukuti para u Petrosi akupululira umusheshi wake ise awe pauyu nuyu. ¹⁶ Awandu awingi wakusa ufuma mumbali mwa Yerusalemu, wakawanyamula awawine nawambepo imbiwi lore woshi wakapola. ¹⁷ Umuputi usongo nawawo akawa nawo awa chalichi cha wasaduki wakanda ukuwa nu jelasi. ¹⁸ Wakanyamuka nukuwakola awatumiwa nukuwawika mu Jera. ¹⁹ Lore nuwushiku uwandumi wakyala akisa, akighula imiryango yawapinyiwa nukuwafumia kuse awatumiwa akawawula akati, ²⁰ Wukagha, muye muwawule awandu isha mwoyo umupya ughu kuwandu woshi munyumba yakhalla. ²¹ Mwo wapulika wakawuka munyumba yakyala mo kwachashe, wakanda ukumanyana. Umuputi usongo akisa nawawo akawa nawo akawawungania pamupene nawo single wa Israel, wakatuma amashu kuwakupingiwa ukuti wise nawo awatumiwa. ²² Awashikari wakaya wafika wakagha awatumiwa Mwaakikondilleke, wakanyokera kunyumba yandaghilo wakati, ²³ Inyumba yawapinyiwa yighaliliwe akisa kene, awakulindilira wope twawagha wimilileshe pamuryango, Lore potwighula ifyighi twaghamo nomupinyiwa. ²⁴ Murongoshi wa Nyumba yakyala pamupene nawaputi awasongo mwowapulika wakaswigha chicho chikawawonekela awatumiwa. ²⁵ Pakawaliro kako pakisa umundu yumo akati,awandu wo mwawawikite mu Jere walimunyumba yakyala wakumanyisha awandu. ²⁶ Papapo umurongoshi yumo akanyamuka nawandu wake ukuya pakuwegha kwambula kulimbana nawo chifukwa akoghopagha ukuti awandu wangawalasa namabwe. ²⁷ Wakisa nawo nukubimika munyumba yandaghilo. ²⁸ Muputi usongo akati tukuwasokesha ngani ukuti manye mumanyishange mungamu iyi, chifukwa mwisusha u Yerusalemu nukumanyisha kwinyu. Sona mukulonda ukutupa inongwa yaliwanda iya mundu uyu. ²⁹ u Petrosi nawanine wakamula wakati,Tuwaghile tupulikile uchala ukulusha umundu. ³⁰ U Chala wawosekuru yuyo akamususha u Yesu, yuyo umwe mukamupachika pa chipingika. ³¹ Weyo u Chala amuwikite pamwanya nakakono kake akaryelo ukuti awe murongoshi sona mupoki ukuti awapoke wina Israel nukuwahokela kumbiwi. ³² Utwe twewokamboni wa ichi, pamupene numbepo yuyo ukyala awapile akwakhwaniha. ³³ Mwowapulika ulu awafarisi wakapwata wakalonda ukushagania. ³⁴ Lore umufarisi yumuywene ingamu yake Gamaliyele umumanyishi wa ndaghilo, yuyo awandu awingi wakamupalagha akimilira akati wafumie pase awatumiwa akabaliro kapimbashe. ³⁵ Gamaliyele akawawula awanyumba yandaghilo akati mwe muchewe nacho mukulonda ukuwawombela awandu awa umwe mwewosongo wa Israel. ³⁶ Kale kukawa umundu ingamu yake Teyuda, akiyughagha mwene ukuti mundu wapamwanya, awandu 400 wakanyokera lore akaghoghiwa, woshi wawo wakamukongagha wakasatana chope ichalichi chikamalira papo. ³⁷ Panyuma pake u Yuda waku Galileya akimilira po awandu wakalembeshanga, wepe akaghoghiwa woshi wawo wakamukongagha wakasatana. ³⁸ Pakabaliro aka nguwawula ukuti manye mupange nachimo ichibibi awandu awa. Linga chinoshiwe nawandu tichimale cheneshe. ³⁹ Lore linga chifumile kwa Chala mutangawapota, timwaghe ukuti mukangana nu chala. Inyumba ya ndaghilo yikitikisha ifundo ya Gamaliyele. ⁴⁰ Po wakawingisha awatumiwa munyumba yandaghilo wakachapula nukuwawusha ukuti manye wiputishange mungamu ya Yesu, wakabaleka ukuti wawukaghe. ⁴¹ Awatumiwa wala wakafuma mula mulusekelo ulukuru ngani chifukwa wakawegha ukuti wakoshiwe isoni pangamu ya Yesu. ⁴² Ishiku lyoshi munyumba ya chala namunyumba shawandu, awatumiwa wakawukilira ukumanyisha nukwiputisha ifundo inyisa isha Yesu ukuti weyo wi Mesiya.