¹ Po wakayughagha kuwandu, awaputi nawalongosi wa Tempile,nawasaduki wakisapo wali. ² Wakakalala chifukwa chakumanyisya awandu ifya kususya kwa Uyesu. ³ Wakawakola nukuwawika mu njele mupaka pangelo pakuti likawa lyawelawela. ⁴ Wosi wawo wakapulikisya amasyu wakikala pasi wakakwana 5,000. ⁵ Isiku limo awalongoshi wayuda nawa lembi wakawungana mu Yerusalemu. ⁶ Pamupene nu Anasi nu kayala awaputi awosongo, yohani, alekesendala nawosi awa munyumba ya muputi usongo. ⁷ Wakawimika pandasi nukuwalalusya wakati kakokuti muli namaka ghaki sona mungamu yawini yiyo mukuwombela ifi. ⁸ Petrosi pakwisula nu mbepo mwikemo akawamula akati, Umwe warongosi wawandu namwe wosongo. ⁹ Linga mukutulalusya umusughu nimbombo inyisa iyi yawombiwa pa mulemale ukuti apola wulele. ¹⁰ Umwe mwewosi nawandu waku Israeli, mwamuona akwimilira pandasi pinyu mwisase, maka gha Yesu Kristu uwaku Nazareti yuyo umwe mukamupayika lole uChala akamususya kuwufwe. ¹¹ Wi Yesu yuyo libwe lilyo mukalikana mwewakusenga, lyachenja ukuwa pa kona. ¹² Mumwake mwomwo muli uwopoki, kutaliko sona uyunji yuyo uchala akamutuma pachisu ichapasi yuyo utwe tungapokiwako. ¹³ Waisting wamutesya u Petros nuwukifu bwake nu Yohani, wakawatesya ukuti wanduwo watamanyile nisukulu, wakusa wamanya ukuti awandu awawikalagha nu Yesu. ¹⁴ Wakapotwa ukuwakanisya chifukwa mwowaketa umundu apola imlire pandasi pawo. ¹⁵ Wakawaneya ukuti wafumemo munyumba yakulongelamo, sona wakanda ukulalusania wene. ¹⁶ Ka tuwombeki nawandu aww? chiri pabwelu nawandu wosi wowakwikala mu yelusalem, ulumbiri lwenda kale ukuti fyawombiwa nawawo, apo tutangakana ghagha. ¹⁷ Tuwoghofye nukubawusya ukuti manye wayughaghe kumundu aliwesi mungamu iyi. ¹⁸ Wakawitisya ukuti wingile, wakawakanisya ukuti wamanyisyange mungamu ya Yesu. ¹⁹ U Petros nu Yohani wakamula ukuti, mulongi mwiwene linga chingawa chisa ukuti tupulikire umwe pamu u chala. ²⁰ Utwe tutangaleka pakuyugha pafifyo tukafiwona nukupulika ²¹ Awa nyumba yandaghilo wakati patalipo machimo chifukwa ichakuyughila, wakoghopagha awandu awingi wawo wakamupalisya uchala pachicho chikaombiwa ku mulemale yula. ²² Umundu yula yuyo ichilangisyo ichi chikaombiwa akawa wafyinja 40. ²³ U Petrosi nu Yohani wakawuka kuwanine pakuwawusya fyosi fifyo awaputi nawosongo wawayuda wayughisania nawo. ²⁴ Awanine mwowapulika wosi wakiputila pamupene nukuti, uwe Chala wewe upelite kumwanya napase ni nyanja nafyosi fifyo filimo. ²⁵ Wewe numbepo mwikemo ukamuwula u sekulu witu Davide ukuti, chifukwa chiki chicho awapanja wakupwata? sona awandu wakwinong'oneraki ifya beaks? ²⁶ Awa songo nawalongi wachisu witendekesisye pamupene ukulimbana nu malafyale nu Yesu kristu wake. ²⁷ Kabwanaloli ukuti Herode pontiyo nu pilato wakawungana mu tawuni pamupene nawapanja ukulimbana nu Yesu, umuwombi winyu yuyo mukamwimika. ²⁸ Wawunganite ukuti wawombe chicho umwe namaka ghinyu nubwighane bwinyu mukatumula ukuti chikwanilishiwe. ²⁹ Tesya ulufingo lwawo, utupe ubukifu ukuti tuyughe amasyu ghako. ³⁰ Isagha mulangisye amaka ghinyu pakuposya awawine nifyakuswighisya mungamu ya muobi wako u Yesu. ³¹ Wakati wiputa, ubuyo wula wakawapo pakisula u mbepo mwikemo powakendelera mwukifu ukuyugha amasyu ghachala. ³² Ichalichi chawosi awitiki wakawa numtima ghumuwene ninyinong'ono simusyene, ifindu fyosi fikawa fyakukomana pamupene. ³³ Awatumiwa wala wakawukilira namaka pakufumusya Isha kusyuka kwa Yesu, sona awandu oowakhwaranya ngani. ³⁴ Patakawapo nayumo uwakulita wosi wowakawe ninyumba namawuyo wakaghulisya, Indalama syake wakisa nasyo kuwatumiwa. ³⁵ Wakayewana ukufwana mumo umundu awelire nuwupina bwake. ³⁶ Akawapo yumo yuyo ingamu yake akawa wi Yosefe lore awatumiwa aalamula ingamu ya Barnabas,chikung'anamula umwana wakuhowosya. Akawa munyalevi muchisu cha kipro. ³⁷ Akawa nichisu chikulu chicho mwo aghulisya, indalama syosi akisa nasyo kuwatumiwa.