¹ Isiku limo uPeteli nu Yohqni bakakwelagha ukuya ku nyumba ya Chala pakwiputa pakabalilo ka butatu. ² Abandu bamu bakisa numundu yuyo akalemala kufuma mulufukwe lwa ng'ina, isiku lyosi baamubikagah pamulyangu wa Tempeli ghugho bakitishanga ukuti mulyango umwisa ukuti asumilaghepo ifyabupe kubabo bakingilagha mwa Tempeli. ³ Umundu yula mwo akubona uPeteli nu Yohani bakwingila, akabasuma ukuti bamupeko ifyabupe. ⁴ Bosi babili uPeteli nu Yohani bakamuketelesya umundu yula, bakamubusya bakati, "Tesya kuno". ⁵ Mundu yula akabaketelesya nulusubilo ukuti tibamupeko fimo. ⁶ UPeteli akamubula akati, "Inda nindalama syakuti ingupe, chicho indanacho tingupe chakuti mungamu iya Yesu kilisitu waku Nazaleti, ngukubusya ukuti endagha." ⁷ UPeteli akamukola pakakono kamwisa akamunyamusya. Utulundi twake nutupungunu tukakala papo na papo. ⁸ Akimilila nukwanda kwenda, akingila mu Tempeli pamupene nabo uku akunyelanyela ukumutufya uChala. ⁹ Abandu bosi bakamubona akwenda nukumupalisya uChala. ¹⁰ Bakamumanya ukuti weyo ali mulumale asumagha ifindu pamulyango wa Tempeli.nBakaswigha ngani nachicho chamubonekela. ¹¹ Akamukongesyanga uPeteli nu Yohani pakwingila, abandu bosi bakaswigha nukukindilila kumukukulu wo bakatingi wa Solomoni. ¹² UPeteli akabusya bandu akati, "Mwe balisya ba Isilayeli, chifukwa chiki cho mukuswigha? mukuswigha ngati po amaka ghitu nu bwanaloli bwitu twe twemwendesya uyu? ¹³ Wi Chala wa Abulahamu, Yisake nu Yakobe yo wiChala babo sekulu weyo amughindika umubombi wake wa Yesu, yuyo umwe mukamukana nukumubika munyobe sya Pilato. ¹⁴ Po umwene akalamula ukuti mumusatule, u we mukakana ukuti bamusatule umundu wa naloli. Mukasuma ukuti umughoghi yula weyo asatuliwe. ¹⁵ Loli uChala akamusyusya kubufwe, twe bakamboni bake. ¹⁶ Maka gha Yesu gho ghamwendesya umundu uyu umulemale. Chicho mukutesya chabombiwa mungamu ya Yesu bwapangisya ukuti abe isamwo mukubonela. ¹⁷ Loli apa ingumanya ukuti mukafibomba ifi kusita kumanya, isamwo abqlongosi binyu bakupangila. ¹⁸ Musila iyi momwo uChala apangila ukukwanilisya amasyu gho ghakayughiwa nabanchimi kale, ukuti ukilisitu wake akwenelela akutamiwa. ¹⁹ Ng'anamukani indumbula syinyu munyokele kwa Chala ukuti asimye imbibi syinyu. ²⁰ Ukuti uMalafyale abape amaka ghagho ghqnyokele papo, sona amutume uYesu yuyo akimikiwa kale. ²¹ Yuyo ikile tasi kumwanya mupaka akabalilo kakwane kako uChala akayugha kale kubasololi. ²² Mozesi akati, 'UChala to akababikile abasololi ukufuma ku bakamu binyu, isamwo akimilila une. Tise mukapulikile fyosi fyo takayughe. ²³ Yuyo atakapulikila inchimi iyo, tise tukamufumyepo mubandu ba Chala nukughogha. ²⁴ Sona inchimi syosi ukufuma pa Samuyeli nabangi, bakayughila ngani ifya kabalilo aka. ²⁵ Umwe muli bana ba nchimi. Sona mwemwe timwingile mwilaghano lya Chala liyo bakapangana na banyenya pakuyugha kwa Abulahamu ukuti, 'Mumbapo yako bosi pachisu ichapasi tibakabe basayiwa'. ²⁶ Chifukwa ichi uChala akasusya abambombo bake kubufwe, akamutuma tasi kukwinyu ukuti musayiwe sona muleke imbibi."