¹ Ubwite bo bwamala, Paulosi akitisya abamanyili nukubachisya. Po ati alaghana nabo, wakabuka ku Makedoniya. ² Po akakinda mufigabo fila nukuyugha amasyu mingi, akisa ku ku chisu cha Akaya. ³ Kuko akikala imyesi mitatu. AbaYuda bakamubukila papo ali papipi kubuka ku Siliya mu ngalaba. Popo akenda mu Makedoniya pakunyokela. ⁴ Bo akalosyana nabo ali yo Sopatele umwana wa Pilo, uwa kuBeleya, Alisitaliko, nu Sekundu uwa ku Tesalonika, uGayo waku Delebe, nu Timoti sona nu Tikiko, nu Tulofimo waku Asiya. ⁵ Abandu aba batangile, po bakalindiligha pa doboko ilya Tulowa. ⁶ Lole tukambuka ukufuma ku Filipi, bo ghakindile amashiku gha lusekelo lwa chibama icha msita-ichimela. Pala ghakakindapo amashiku ghangonde, takumanite nabo pa doboko la Tarowa, koko tukalindako amashiku ghangonde na ghabili. ⁷ Pashiku lyakwanda lya mu Sabatatukongana pamupene ukuti tulye ichibama. Paulosi akamanyisyibwa ukuvika ubushiku pakasi. Pakuti akalondagha ukubuka lya ningelo lyake. ⁸ Muchighaba icha mumwanya mwali inyale syingi. ⁹ Umulisha yumo ingamu yake Yutiko akikala pibwindo. Yo akanda pasipula nu tulo twingi, po uPaulosi akaba achili kukindilila kumanyisha abandu. Pakuti Yutiko aghonile utulo to twali ngati umundu afwile, po abwile pasi ukufuma muchipinda cha butatu po anyamuliwe ukubufwe. ¹⁰ UPaulosi akikila pasi po akamubwila uYutiko sona akamufughatila, po atile, "Mutakoghope ali bumi." ¹¹ Paulosi akabuka kuchipinda chakumwanya nukutema ichibama nukulya, akayugha akabalilo katali ukufika pangelo akabuka. ¹² Umunyamata yula bakamwegha wabumi, po ahobwike naloli. ¹³ Uswe twatangile ukukwela ingalaba, twabolokile uku Aso, koko tukaya pakumwegha uPaulosi. Pakuti momo ayughile pakuti yuyo mwene anosyile ukwenda pamutunda. ¹⁴ UPaulosi patwaghanile nabwe pa Aso, tukamweghela mungalaba tukafika nawe pa Mitilene. ¹⁵ Po twafuma pala ningalaba, po pangelo pake tukisa nugholokela kufwana ku Kiyo, pangelo pake tukafika ku Samo, pangelo sona tukafika pa Mileto. ¹⁶ UPaulosi adumwile ukwenda syamumishi syene ukukinda Efeso, mwakuti manye bakataghe akabalilo mu Asiya. Bali mulubilo pakuti bakindililagha ukuti akafike ku Yelusalemu pishiku lya Pentekositi pala chikabombibwa. ¹⁷ Ukufuma ku Mileto, uPaulosi atumite amasyu ukuti aghane na basongo ba muchipanga cha mu Efeso. ¹⁸ Po bafika kwake, atile ku ku babo, "Mumenye mo mo ngikalila numwe kabalilo koshi ukufuma pisuba lyakwanda lyo ngafika mu Asiya. ¹⁹ Ngamubombela Malafyale mukwikisya kosi, mumashoshi numukughelibwa ko kwangwile pachifukwa icha bwite bo ubwaba Yuda. ²⁰ Mumenye ukuti ndakanyokako pakubomba choshi cho chingabatula. Ngamanyisha pabwelu namunyumba syinyu. ²¹ Ngabapanikisya abaYuda, naba Giliki bope, ukuti bise kwa Chala, nu kupulikana mumalafyale bwitu uYesu Kilisiti. ²² Papo sona, pakushungulibwa numbepo, ngubuka ku Yelusalemu, po ndakumanya chicho tichikangwile kulakula. ²³ Cho nchimenye cho chakuti, uMpepo mwikemo ambanikisye mumusumba wosi ukuti kupinyiwa ni ndamyo fikundindilila. ²⁴ Po uli, umoyo wane te te ngabughe uwakughindikiwa kukwangu pala ndingafwanisya isila yangu ni mbombo syangu syo Malafyale Yesu ambile, ambanikisya ubutumiwa wisa nubuchizi wa Chala. ²⁵ Sona menye ukuti mwesa mwe ngubendela, ukubatumikila unyafyale wa Chala, te mukambone ichisyo changu. ²⁶ Sona ngubapanikisya isuba lya lilino ukuti, nda nunongwa yibanda ilya mwe boshi. ²⁷ Pakuti ndakaketako pakubabula ukulondiwa koshi kwa Chala. ²⁸ Po muchebaghe mwebene pamupene numusyambo mubububo, imbepo mwikemo boshi momo imbepo ababikite ukuba batimi bachipanga cha Malafyale, wuwuwo umwene aghulite nibanda ilya Mwana wake. ²⁹ Menye ukuti pala ngubuka impupi shikalale sikuya pakwingila mukasi mwinyu, manye tisikabuleke umusyambo. ³⁰ Po pakasi pinyu tipakauke abandu bo bakuya pakupalanya ubwanaloli nukupalania aba Kilisiti ukuti bakongaghe babo. ³¹ Po mukosyeke, mukumbuke ukuti pa filimika fitatu, ubushiku nu musanya, te ngaleke payughisya we yoshi wa umwe namashoshi. ³² Po ngubapa kwa Chala nu kumasyu gha ghisa, ghagho ghakamanye ukuyenga nukubapa chikalo mukasi mwinyu nukubelusya. ³³ Ndakulondapo usiliva iyamundu pamu golidi pamu mwenda wake. ³⁴ Umwe mumenye ukuti inyobe sisisi syabombagha mbombo ukuti tube nafyo fyo twasobagha. ³⁵ Mufyoshi nabanangisya ukuti pakubomba imbombo lululu, umundu abaghile pakumutula yo ata namaka, pakukumbuka amasyu yo uMalafyale Yesu akayugha ukuti, "Ulughindiko kwa yo akupa kukukinda nukupokela." ³⁶ UPaulosi akamala kuyugha sisisi, afugheme pasi, nukwiputa pamupene na wosi. ³⁷ Po bosi bakakuta nukumufughatila nu kumufyofyona. ³⁸ Bali ni kitima ngani, pachifukwa cha masyu gha akayugha ghakuti, te bakamukete sona, po bakamubikisya ku ngalaba.