⁶ Juo̧nö̧ moró̧, ttö jȩchä̧ cua̧sä̧ judá ttö̧ja̧ tturöhuotörä̧mä̧ ucurä coicunä ttä̧tö̧ tticuodä jö̧nä̧ ja̧'hua̧ta̧'a̧nö̧ u̧huä̧ju̧ ca̧ca̧tö̧ ttu̧tome 'cätȩ tejähuare duunä coaa jö̧nä̧, o'cato'inä ttippeyänä ttu̧huo̧jua̧'a̧nä̧ ja̧'hua̧ta̧'a̧nö̧ ttieruhuaanä kä̧tu̧rö̧'i̧nä̧ jahuätönätä̧ ro̧ȩpä̧cua̧. Ja̧'hua̧nö̧ ja̧'a̧nä̧ Jerusalenmä päaji ta'anö ttu̧ji̧nometä̧ tti̧jä̧cuo̧tö̧. ⁷ TÖ̧Ä̧NÄHUA̧ ä̧cuo̧mȩnä̧mä̧ ppä̧dä̧cua̧ judá ahuaruhuärötä, David minä ahuaruhuä 'cotö ja̧'a̧ttö̧ ja̧'hua̧ta̧'a̧nö̧ Jerusalén ötahuiyänä ucutönö kä̧tö̧rö̧mä̧ Judarötä ucuo tettähuaacu. ⁸ Juo̧nö̧ moró̧, TÖ̧Ä̧NÄHUA̧MÄ̧ Jerusalén ötahuiyänä kä̧tö̧rö̧ tta̧huä̧rä̧cua̧, Ja̧'hua̧ta̧'a̧nö̧ juo̧nö̧tä̧ moró̧ juiyu pätö'inä ttujurö huächäcuotö David minä ji̧nö̧ta̧'a̧nö̧ DIOSCU ö̧jo̧mȩnä̧, jahuätö ttä'canä TÖ̧Ä̧NÄHUA̧ huȩä̧hua̧ isoppahua̧ i̧'cha̧'a̧ttö̧. ⁹ Juo̧nö̧tä̧ moró̧ kä̧mä̧dö̧ ttö ro̧dȩpä̧cua̧sä̧ Jerusalén ötahuiyä suronä ucuocuä 'chätörö pi̧jä̧́ deiyunä ttö̧ja̧cuo̧mȩ o̧dö̧nä̧ ka̧cuä̧tö̧rö̧'i̧nä̧. ¹⁰ Chiyä̧cua̧sä̧ re a̧'cua̧ru̧hua̧rö̧ ja̧'hua̧ta̧'a̧nö̧ tta̧'cua̧ huȩnä̧rä̧tö̧rö̧ David ahuaröhuä o'cotörö'inä Jerusalén ttö̧ja̧rö̧'i̧nä̧. Jahuätörö 'cuäopä'chomenä ttörö ttu̧'ȩ pä̧rä̧chi̧ä̧ö̧, ja̧'hua̧nö̧ ja̧'a̧ttö̧ tti̧tti̧rö̧ re ttemähua̧a̧ jä̧i̧nö̧'a̧nö̧ tta̧'cua̧ tta̧ttȩcuä̧cuo̧tö̧; juo̧rö̧ jahuätö ri̧ȩnä̧ re ttemähuä̧cuo̧tö̧, jahuätö ä̧cuo̧mȩnä̧ tti̧tti̧ 'curöjoächaa ri̧ȩnä̧ ttajahuaa jä̧i̧nö̧'a̧nö̧. ¹¹ Juo̧nö̧ moró̧, re tti̧jä̧cuo̧tö̧ Jerusalén ötahuiyätö'inä Hadad Rimón 'curöjoächomenä Meguido pämäroppättö. ¹² Ji̧nä̧ yotöte huotö punä, jȩttä̧cuo̧tö̧ re jähuä juȩnȩ rȩjȩmä̧: David ahuaruhuärö̧'i̧nä̧ 'quȩȩpu̧ icuähuäcuaa ja̧'hua̧ta̧'a̧nö̧ tti̧rȩcua̧mu̧rö̧'i̧nä̧ u̧mä̧tö̧ttö̧ 'quȩȩpu̧ icuähuäcuaa. Natán ahuaruhuä tti̧rȩcua̧mu̧rö̧'i̧nä̧ 'quȩȩpu̧ icuähuäcuaa u̧mä̧tö̧ttö̧mä̧. ¹³ Leví ahuaruhuä tti̧rȩcua̧mu̧rö̧'i̧nä̧ 'quȩȩpu̧ icuähuäcuaa u̧mä̧tö̧ttö̧mä̧. Simeín ttö̧ja̧ttö̧'i̧nä̧ tti̧rȩcua̧mu̧rö̧mä̧ 'quȩȩpu̧ icuähuäcuaa u̧mä̧tö̧ttö̧mä̧. ¹⁴ Korotö ka̧cui̧pä̧tö̧mä̧ jahuätö'inä tti̧rȩcua̧mu̧rö̧ 'quȩȩpu̧ icuähuäcuotö umätö̧ttö̧mä̧.