Capítulo 13
1
Ja̧u̧nu̧ mo̧ro̧mä̧ aje rȩjȩ jacuättö räopa'a bahuecuächäcua'a David ahuaruhuärumä ja̧'hua̧ta̧'a̧nö̧ Jerusalénnä ka̧cuä̧tö̧rö̧'inä surojö jȩttö̧ töcö icua pä'ömä.
2
Ja̧u̧nu̧ mo̧ro̧mä̧, pa̧'a̧nö̧ pä'ötó TÖ̧Ä̧NÄ̧JHUA̧ o'cajuiyönä ju̧ru̧hua̧mä̧, Ttömä koro ttö̧ä̧huo̧tö̧ tätähuä o'camä ja̧huä̧jä̧ rȩjȩttö̧mä̧ si'epö chi̧cuä̧cua̧sä̧ jahuätö tta̧mö̧cuädö juiyäcua'anö. Ja̧'hua̧ta̧'a̧nö̧ Ttömä yapare profetarö pporädö chi̧cuä̧cua̧sä̧ tta̧'cua̧ru̧hua̧tö̧ suropätö ja̧huä̧jä̧ rȩjȩttö̧ döttecuächäcua'anö.
3
Ya̧tȩ ttö̧ja̧sa̧ yabonö Dios jiäu jiäuttömä, jä'o'inä ja̧ju̧'inä ja̧u̧rö̧ cä̧'ȩpä̧ri̧nä̧tö̧mä̧ ja̧u̧rö̧mä̧ pättäcuotö: "¡Ucumä ko̧cö̧ cuä̧cua̧jä̧, juhua'amä TÖ̧Ä̧NÄ̧HUA̧ iminä yapare cucuocua'attö̧!" Ja̧u̧nu̧ o'ca'a jä'o'inä, ja̧ju̧'i̧nä̧ ja̧u̧rö̧ cä̧'ȩpä̧ri̧nä̧tö̧mä̧ ja̧u̧ Dios päö jiähuomenämä ta'ötä tti̧cuä̧cua̧.
4
Ja̧u̧nu̧ mo̧ro̧ profetatö ya̧cu̧nä̧mä̧ i̧jȩcuä̧chä̧ji̧nä̧mä̧ dä'ä ttu'utä ttö̧jä̧cuo̧tö̧ Ja̧u̧ Dios ucuocuäji jiähua pä'ötä tö'cöhuächia'amä. Pitö yapare Dios päö ji'huätömä yabonömä i̧sa̧ uho'chettö a̧di̧cuä̧ta̧mä̧ 'ca̧tä̧huo̧co̧tö̧ ttäcuotö ttö̧ja̧rö̧ yapare jittähuä'cha pä'ömä.
5
Ja̧'hua̧nö̧ ja̧'a̧ yotucunämä pättäcuotö: "Ttömä Dios päömä jiäcuähuä ttö̧ja̧sa̧mȩcö̧sä̧! ¡Ttömä rȩjȩtä̧ adicuä ttö̧ja̧sa̧sä̧, isopäi'önä rȩjȩmä̧ cha̧di̧tä̧jä̧ jö̧nä̧tä̧ juoächina'a ji̧nä̧ mö̧ä̧ya̧ chö̧jä̧i̧ttö̧ kä̧mä̧dö̧!"
6
Ja̧'hua̧nö̧ ja̧'a̧nä̧ ya̧tȩ ja̧u̧ru̧ pä̧cua̧: ¿Däjettö cutta cuamöcanä cu̧tä̧rö̧ ottamä?" Ja̧u̧mä̧ ä̧dä̧tä̧cua̧: Ja̧u̧ ottamä cha̧hua̧ru̧hua̧ ojusodettö 'cuidocuächinö otta ja̧'a̧.
7
"¡Curä'chu! Porächi'ö chu̧ru̧hua̧ ovejatö̧rö̧ tta̧'a̧rö̧rö̧ cuä'ö icui, ttö chippeyä tö'cönänö kö̧rö̧, pa̧'a̧nö̧ pä'ötó TÖ̧Ä̧NÄ̧HUA̧ o'cajuiyönä ju̧ru̧hua̧mä̧. ¡Ovejatö̧rö̧ tta̧'a̧rö̧rö̧ 'ta'i ja̧'hua̧ta̧'a̧nö̧ ji̧nä̧ yo̧mȩtȩ ka̧cuä̧tö̧mä̧ ttipperecuächäcuotö! Ja̧'hua̧nö̧ ja̧'a̧ Ttömä ppa̧'a̧chi̧'ö̧ ucuo te'ähuocotörö be'ecu chi̧cuä̧cua̧sä̧.