⁴ Jahuätöttömä ttahuaruä o'cotö ruhuo ttucuo ku̧nä̧rä̧tö̧ttö̧'i̧nä̧ tichäcuotö; Jahuätöttömä tichäcuotö ruhuo kada'ca 'chu'ä̧rä̧tö̧'i̧nä̧; Jahuätöttömä tichäcuotö su̧ro̧do̧u̧ tturuhuotö'inä ttichäcuotö; Ja'huätömä päcuotö ruhuotö pojähui'ötä ttichäcuotö. ⁵ Jahuätöttömä ttörohuähuomettö'inä ujuruhuätö ttäcuotö, Jahuätö jä̧cua̧'a̧ ttabo'iyotörö rohuäu iso juottäpäcuotömä, TÖ̧Ä̧NÄ̧HUA̧ ju̧ru̧hua̧ ja'huätucu ö̧ja̧'a̧ttö̧, jahuätö jä̧cua̧'a̧ dä'ättuttepäcuotömä ttabo'iyotö cahuayunä rohuähuätörö'inä. ^{6 7} TTÖTÄ yȩchä̧cua̧sä̧ Juda ahuaruhuättö ttujuru'unä ja̧'hua̧ta̧'a̧nö̧ ppä̧dä̧dä̧cua̧sä̧ José ahuaruhuärö'inä; ⁸ Ttötä jahuätörö jua̧chä̧ cua̧sä̧ ja̧'hua̧ta̧'a̧nö̧ huo̧chä̧cuä̧huö̧, ttötä ppa̧dä̧dä̧ cu'a̧sä̧ jahuätörö ja̧'hua̧nö̧ ja̧'a̧ttö̧ jahuätö töjuruhuä chäcuotö pä'äji ta'anö. ⁹ Ttötä chiyä cuotö jahuätö ttö̧ja̧rö̧mä̧, ja̧'hua̧nö̧ ja̧'a̧ttö̧ jahuätö'inä tti̧tti̧mu̧'i̧nä̧ ppa̧a̧chö̧ tti̧jä̧ cuo̧tö̧. ¹⁰ Ttötä chi̧yä̧ cua̧sä̧ jahuätörö tti̧rȩjä̧ Egipto rȩjȩnä̧ ja̧'hua̧ta̧'a̧nö̧ Asiria rȩjȩnä̧ huo̧chä̧ cua̧sä̧ jahuätörö. Juo̧nö̧ o'caa ttötä chȩpä̧ cuo̧tö̧ jahuätörö Galaad rȩjȩra̧a̧ ja̧'hua̧ta̧'a̧nö̧ Líbanora̧'i̧nä̧ kä̧cuä̧huo̧mȩ juiyä chiönä ttirecuächönä jahuätörö. ¹¹ Ttötä 'cuädo päcuotö ajé deähuoto jȩtti̧yu̧nä̧ ja̧a̧nä̧; ttötä ttodȩ pä̧cua̧sä̧ deähuoto ajé ppahuäbinä ja̧'hua̧ta̧'a̧nö̧ täcuome'inä joädö chicuä̧ cua̧sä̧ Nilo ajemä. Asiria suro̧da̧u̧rö̧'i̧nä̧ ro̧dȩpä̧cua̧sä̧ ja̧'hua̧nö̧ ja̧'a̧ttö̧ Egipto kä'co päteöttö tti̧'chä̧cuo̧tö̧ jäyänä kä̧tö̧rö̧ huetta peö. ¹² Ttötä chiyä̧cu̧a̧sä̧ jahuätörö ttöjuröhuönä ja̧'hua̧nö̧ ja̧'a̧ttö̧ jahuätö tti̧'chä̧cuo̧tö̧ ttö chi̧mi̧nä̧ huäjunä jiähuinö TÖ̧Ä̧NÄHUA̧MÄ̧.