¹ Pi̧yȩ ja̧a̧ TÖ̧Ä̧NÄHUA̧ huäjunä jiähuinömä Hadrac'inä ja̧'hua̧ta̧'a̧nö̧ Damasco rȩjȩ ttö̧ja̧rö̧. TÖ̧Ä̧NÄHUA̧MÄ̧ o'catoinärö̧ ttö̧ja̧rö̧mä̧ to̧pä̧rö̧ ja̧'hua̧ta̧'a̧nö̧ o'catoinä tti̧tä̧mu̧ttö̧ Israelrö'inä. ² Pi̧yȩ jiähuinömä Hamatrö'inä ucutönö Damascocu tö'cö jo̧mȩ ja̧'hua̧ta̧'a̧nö̧ Tirorö'inä Sidónrö'inä ri̧ȩnȩ tö̧huo̧ jua̧nä̧'i̧nä̧ ucuotönö jiähuinö. ³ Tiro ötahuiyä ttö̧ja̧ ri̧ȩnä̧ ku̧nä̧rä̧tö̧ pä̧rä̧tä̧ ja̧'hua̧ta̧'a̧nö̧ oro'inä ppa̧ȩpi̧cuä̧hua̧ppȩ pa̧a̧ jä̧i̧nö̧'a̧nö̧. ⁴ Ja̧'hua̧nö̧ TÖ̧Ä̧NÄHUA̧ ttöruhuo 'choi päcuotö ajé deähuotonä doopu i̧cuä̧cua̧ ja̧'hua̧nö̧ ja̧'a̧ttö̧ cuo'ö tticuäcuotö ocuränä. ⁵ ja̧'hua̧'a̧nö̧ ja̧'a̧ bäreu Ötajuiyä Ascalán pi̧yȩ to'omenä̧ rö̧ȩ'inä̧ yetöcuotö, Goza'inä̧ Ja̧'hua̧ta̧'a̧nö̧ ro̧ȩ'i̧nä̧ usurä ttemä̧cuä̧huo̧tö̧, Ja̧'hua̧ta̧'a̧nö̧ Ecrón 'tättöräjimä̧ rȩjȩttä pi̧'ä̧cuä̧'ä̧. Gazamä̧ ru̧huä̧ tö'önä̧ttä̧ tto̧ji̧ pä̧'ä̧cuo̧tö̧. ja̧'hua̧ta̧'a̧nö̧ Ascalón ttö̧ja̧ tto'önä̧tä̧ ttö̧ji̧ pä̧cuo̧tö̧. ⁶ Asdod nä̧mä tto̧jo̧cuä̧cuo̧ttö̧ ttö̧ja̧ huihuä'unä, ja̧'hua̧'a̧nö̧ jȩpo̧ ya̧huä̧huä̧'cua̧ Juruhuättöjä pä'ö Jȩpä'iya̧tu̧ru̧ Filisteos. ⁷ 'chodipäcuottöja̧ juättö de'a cuocunä̧ cucuätucu, Ja̧'hua̧ta̧nö̧ Cu'acu cätȩttö'inä cuäcuä huȩ'ähuo'cucö. ja̧'hua̧'a̧nö̧ ja̧'a̧nä̧ juätö̧ttömä̧ Korotö'inä̧ tö̧ji̧ pä̧cuo̧tö̧ ttöcu; ppä̧'ächotömä̧ Judá'inä̧ tto̧jä̧cuo̧ttö̧ , Ja̧'hua̧ta̧'a̧nö̧ Ecrónnä̧ ttömä̧ttäcuotö Jebuseos ttö'a̧nö̧. ⁸ Ja̧'hua̧'a̧nö̧ ja̧'ä̧ ttömä̧ 'chu̧jä̧cuä̧sä̧ to̧pa̧ru̧ ppädäda pä'ö ttö chumuhuäyottörö chä'ca jo̧mȩ koro 'cuä'opu porö. Suronä̧ Jȩpu̧mä̧ pä'äta̧'a̧nö̧mä̧ ppä̧'a̧cho̧cu̧ Suronä̧ tadita pä'ö hue'a pä'ömä̧, Ja̧'hua̧'a̧mä̧ ttö jitä to̧pä̧ru̧ chu̧jä̧cuä̧sä̧ chä̧mo̧nä̧ chu̧'ärenä̧. ⁹ ¡Eseu pä̧i̧cu̧nä̧ huopi, Sión ittiju! ¡Eseunö̧ huopi Jerusalén ittiju! ¡Topi! Cu̧ru̧hua̧ ru̧hua̧ adihuä i̧sa̧mä̧ ucu cu̧ja̧'a̧cu̧ ichö ja̧'hua̧ta̧'a̧nö̧ ra̧huä̧pi̧ju̧ttö̧ cu̧ji̧pö̧nä̧ ppäda pä'ö. Ja̧u̧mä̧ ucuomä te'ähuocö, böröba̧ mö̧ä̧ya̧nä̧ huö̧mä̧. ¹⁰ Ja̧u̧nu̧ o'ca'amä Efraín öäre carucätta 'toru chi̧cuä̧cua̧sä̧ ja̧'hua̧ta̧'a̧nö̧ Jerusalénttö caballotörö'inä juhua'atäcu 'po'obö'inö curä tturohuähuomȩttö̧ 'techächäcua'a; ¡Ja̧'hua̧nö̧ päi'omenä Ja̧u̧mä̧ ttö̧ja̧rö̧mä̧ huȩnȩ juiyunä ka̧cuä̧huä̧tä̧ ucuocuäcua̧ ruhuo hueömä aje rö̧o̧tomä o'ca juiyötä huȩä̧cua̧ ja̧'hua̧ta̧'a̧nö̧ ajettö kä̧mä̧dö̧mä̧ rȩjȩ beipome jubö! ¹¹ Ucu cutu'cömä, ttucuojanä ucucu Ttö chesecuinömä, Ttömä cuahuaruhuä korojä̧ra̧'a̧ ȩpö̧ ttu̧ju̧ni̧nä̧u̧ ka̧cuä̧tö̧rö̧mä̧ rä'epö chicuäcua̧sä̧, reju ajiya'inä joäju ko̧mȩttö̧mä̧. ¹² ¡Ppa̧'a̧chä̧tu̧cui̧ tö'ipächö kä̧cuä̧huo̧mȩcu̧, kara'a ttȩpi̧nä̧u̧ tta̧'a̧rä̧tö̧mä̧! Ja̧'hua̧ta̧'a̧nö̧ Ttömä jitä mo̧ro̧ jidähuäcujä̧ ucurumä todärenä jo̧mȩnä̧ ppa̧dä̧dä̧cua̧jä̧tó pä'ö, ¹³ Ja̧'hua̧nö̧ ja̧'a̧ttö̧ Ttömä Judárömä chu'popobö meropö tticua'a jä̧'i̧nö̧'a̧nö̧ meropö icuinö̧sä̧. Efraíncu̧mä̧ chusacuyunä 'po'ä a̧ri̧ ȩni̧nö̧sä̧. Ttömä ucu Sión cui̧tti̧mö̧rö̧ porädä'ijösä, ucu Grecia i̧tti̧mö̧cu̧ curohuähua pä'ö ja̧'hua̧ta̧'a̧nö̧ ucu Siónrö̧mä̧ jȩpi̧nö̧sä̧, ¡Curä rohuäu ucurä'chu jä̧'i̧nö̧'a̧nö̧! ¹⁴ TÖ̧Ä̧NÄ̧HUA̧MÄ̧ jahuätörö i̧jȩcuä̧cua̧, ¡U̧'cu̧pa̧ri̧mä̧ cu'upä urohua'a jä̧'i̧nö̧'a̧nö̧ döäcua'a! Ja̧'hua̧nö̧ jo̧mȩnä̧ TÖ̧Ä̧NÄ̧HUA̧MÄ̧ trompeta ppö̧ä̧cua̧ ja̧'hua̧nö̧ ja̧'a̧ Temá̧nttö̧ kä̧ru̧'coppa ujurucu ppö'ö 'cuäoa'a jä̧'i̧nö̧'a̧nö̧. ¹⁵ TÖ̧Ä̧NÄ̧HUA̧ o'cajuiyönä ju̧ru̧hua̧mä̧ jahuätörö ppä̧dä̧cua̧ ja̧'hua̧nö̧ jo̧mȩnä̧ jahuätömä ttahui'äcuotö juhua'atäcu 'toru'piyunä inä o'quinä 'po'ö rohuähuätörö'inä rohuäu tticuäcuotö. Jahuätömä vino ahuipö tä̧'ä̧mä̧chö̧ huotta'a jä̧'i̧nö̧'a̧nö̧ huotäcuotö ja̧'hua̧nö̧ jo̧mȩnä̧ jahuätömä vino isoya sä̧rä̧bi̧yä̧nä̧ su̧'pȩnö̧ ttö'caräcuotö, ku icu iyähuome u̧yu̧'ca̧ri̧ o̧dö̧nä̧ acua'a jä̧'i̧ja̧'a̧nö̧. ¹⁶ Ja̧'hua̧nö̧ ja̧'a̧ttö̧ TTÖ̧Ä̧NÄ̧HUA̧MÄ̧ ja̧u̧nu̧ mo̧ro̧mä̧ juorö rä'epö ppädäcuotö; jahuätömä ji̧nä̧ yo̧mȩtȩ ka̧cuä̧tö̧rö̧ tta̧'a̧rö̧ jä̧'i̧nö̧'a̧nö̧, ja̧hua̧nö̧ ja̧'a̧ttö̧ pöttähuä rö̧ä̧nä̧ micuäu jä̧'i̧nö̧'a̧nö̧ huinä̧tö̧, rȩjȩttö̧ kä̧dȩpa̧'a̧ jä̧'i̧nö̧'a̧nö̧. ¹⁷ ¡Juiyó adihuätö ja̧'hua̧ta̧'a̧nö̧ juiyo jahuätömä a̧'cua̧cuä̧tö̧ttö̧! Umä̧tö muäyotörömä u̧huä̧ju̧ ote ttucuomenä ttujuruhuäcuotö ja̧'hua̧ta̧'a̧nö̧ nätö̧'inä vinomä sa̧dö̧tä̧!