¹ TÖ̧Ä̧NÄ̧HUA̧ cu̧'ä̧i̧nä̧mä̧ cu̧ra̧huä̧ri̧'ä̧ttö̧ ja̧'hua̧ta̧nö̧ cu̧'ä̧i̧nä̧mä̧ ro̧'ȩpö̧mä̧ jicuähuättö. ² Ttörömä̧ rȩrö̧jö̧nä̧tä̧ topittö, TÖ̧Ä̧NÄ̧HUA̧, ja̧'hua̧nö̧ ja̧'a̧ ttömä juiyo 'cuä̧'a̧sä̧;aditö TÖ̧Ä̧NÄ̧HUA̧ aditö icuittö ja̧'hua̧nö̧ ja̧'a̧mä̧ chihue'quiyömä̧ ttö̧ä̧huä̧cu̧sä̧. ³ Cha̧'cua̧rö̧'i̧nä̧ juiyo a̧'cua̧ roecua'a, ja̧'hua̧nö̧ ja̧'a̧nä̧ ucu TÖ̧Ä̧NÄ̧HUA̧MÄ̧, ¿Tta̧'a̧nö̧ recuo mo̧ro̧ jä̧cua̧'a̧ttö̧ pi̧yȩmä̧? ⁴ ¡PPa̧'a̧chi̧, TÖ̧Ä̧NÄ̧HUA̧! ppä'ädittö. ¡Rä'opö icu ppä'ädittö ucuocu cuesecuinö jähuä repeäcuähuänä̧! ⁵ Ja̧'hua̧nö̧ ja̧'a̧ 'coru juottächö o'ca'amä̧ a̧mö̧cuädäcuähuocö ja̧'a̧. ¿Dijä̧ttö̧ hua'are rejöttö juiyo adihua'a päö'anö̧ hua̧mä̧? ⁶ Ttömä̧ meo̧pä̧rä̧cu̧ ajacusä. yodo cuäoönä̧tä̧ chä̧'ä̧ppä̧mä̧ a̧cuä̧mä̧chä̧tä̧ chi̧'chȩrȩja̧ttö̧tä. ttö'cösä chäome isäbänä̧'ä̧ chi̧'chȩrȩjä̧ttö̧tä̧. ⁷ chiäre'inä̧ ttöru barauttötä ä̧to̧'cä̧chu̧sä̧; Chaboiyotö jähuänä̧ O'cajuiyunä̧ siähuächa'a. ⁸ Ttöttömä̧ 'cä̧'i̧pä̧chä̧tu̧cui̧, ucutu o'catoi'önä̧ surojutä jȩpä̧tu̧mä̧; ja̧'hua̧nö̧ ja̧'a̧ TÖ̧Ä̧NÄ̧HUA̧MÄ̧ chajahua'a rä̧mi̧pa̧'a̧ ä̧ju̧cuä̧cu̧sä̧. ⁹ TÖ̧Ä̧NÄ̧HUA̧MÄ̧ pä̧i̧cu̧nä̧ huopunö̧ jädepomenä̧mä̧ re kä̧nö̧ ä̧ju̧cuä̧jä̧cu̧sä̧; TÖ̧Ä̧NÄ̧HUA̧MÄ̧ jädepomenä̧mä̧ ädätäjäcusä. ¹⁰ Chaboiyotömä̧ o'catoi'önä̧tä̧ dä'ä ttuttäcuotö ja̧'hua̧ta̧nö̧ rö̧ä̧nä̧tä̧ usurä ttȩmä̧huä̧cuo̧tö̧. Jahuätömä̧ ppa̧ttä̧chi̧'ä̧cuo̧tö̧ ja̧'hua̧nö̧ jo̧mȩnä̧ ppa̧'a̧dä̧rö̧ ttucuo jui'ätö jö̧nä̧tä̧ jȩttä̧cuo̧tö̧.