1 Iso jö̧nä̧ ro̧ȩcuä̧tä̧ iyittö, CHÖ̧Ä̧NÄ̧HUA̧, ja̧'hua̧ta̧'a̧nö̧ ppä'ädi jitö ti̧rȩjä̧nä̧ ko̧cuä̧tö̧ jarodätörö'inä. 2 Ucutä ja̧'a̧ chujurumä CHÖ̧Ä̧NÄ̧HUA̧. ¿Dä̧bö̧ jarocu'ättöttö̧? ¿Dä̧bö̧ cha̧'cua̧ttä̧nö̧ chi̧'cha̧'a̧jä̧ttö̧ chabo'iyotö suronä jȩtto̧mȩmä̧? 3 Iso, ucu cui̧tȩa̧ttö̧tä̧ yapare jo̧cö̧ttö̧tä̧ hue'ittö, ja̧u̧tä̧ oipa'anä ja̧'a̧tä̧ topittö. Ttörö ȩpa̧'a̧nä̧ möä'ca surojo juiyomecu̧ ja̧'hua̧nö̧ juiyome ucu cu̧juo̧mȩcu̧. 4 Ja̧'hua̧nö̧ jo̧mȩnä̧tä̧ ucuru ku iyähuome pä̧di̧'ä̧cua̧sä̧ CHÖ̧Ä̧NÄ̧HUA̧, CHÖ̧Ä̧NÄ̧HUA̧ ucutä ja̧'a̧ rö̧ä̧nä̧tä̧ chesehuäcumä. Arpanä pporö chȩsȩhuä̧cua̧jä̧, CHÖ̧Ä̧NÄ̧HUA̧, ttötä CHÄÖ̧Ä̧NÄ̧HUA̧. 5 ¿Dä̧ pe'ö cua̧'cua̧ tta̧cuȩcuä̧ ttö cha̧'cua̧rö̧mä? ¿Dä̧ pe'ö ttörömä cueruhua'attö? Täärö̧sä̧ DIOS, päita'anö eseu ra̧dä̧cua̧sä̧ ppäcuädina'a̧ttö̧ ttörö chiänähua̧ DIOS.