¹ Yä̧mä̧ ahua a̧di̧rö̧ja̧'a̧ jä̧'i̧nö̧'a̧nö̧ ucu Diosrö chahua a̧di̧rö̧jä̧cu̧sä̧. ² Ttörö a̧di̧rö̧jö̧mä̧ Diosnä̧tä̧ ka̧'a̧, Dios 'cuäopönä̧ kö̧nä̧tä̧, ¿Ti̧yȩnö̧ chichäcua'attö ja̧'hua̧ta̧nö̧ Ucu cuä'ca jo̧mȩmä̧ chi̧jȩcuä̧chä̧cua'attö̧? ³ Chi̧'chȩrȩjatä jä̧'i̧ja̧'a̧ chu̧cuä̧mä̧ mo̧ro̧'i̧nä̧, yodo'i̧nä̧, chaboiyotömä̧ 'cuäopönä̧tä̧ pättä'chäcusä ¿Tȩnȩ ö̧jä̧ttö̧ cu̧ru̧hua̧ Dios? jö̧nä̧" ⁴ Pi̧yȩmä̧ cha̧mö̧cuädönä̧ icha'a cha̧'cua̧rö̧ barau chucuocuomȩnä̧: Ttömä ttö̧ja̧cu̧ 'chäji'camä Dios ö̧jo̧decu eseu ucucu kä̧nö̧ jahuätörö o'ipinö̧sä̧ ja̧'hua̧ta̧nö̧ ra̧'ö̧ kä̧nö̧, ttö̧ja̧ reccuötö pä'cäri jȩpä̧tö̧. ⁵ ¿Dä̧bö̧ pä'ö cha̧'cua̧rö̧mä̧ ja̧rȩyö̧ päiä'cha'attö? ¿Dä̧bö̧ pä'ö ttörö cuju'cö juiyönä̧ ja̧'a̧ttö̧? Diosrötä tta̧'ä̧ri̧, isopäi'önä̧tä̧ pä'äjita'anö ra̧dä̧cua̧sä̧ rä̧huä̧pi̧jo̧mȩttö̧ chu̧ji̧pö̧nä̧ ppä'ädinö̧rö̧mä̧. ⁶ Chö̧ä̧nä̧hua̧ Dios cha̧'cua̧rö̧mä̧ ttöttö jacuänä̧mä̧ ja̧rȩyö̧ jö̧nä̧ päia'a, ja̧'hua̧nö̧ jo̧mȩttö̧ cha̧mö̧cuädönä̧ ja̧'a̧ Jordán rȩjȩttö̧ kä̧mä̧dö̧ Hermón mö̧ä̧'quiyö huäbo'cacuä ä̧'chu̧ päi'omȩttö̧ kä̧mä̧dö̧, ja̧'hua̧ta̧nö̧ Mizar po̧ri̧yä̧'tä̧ päi'omȩttö̧ kä̧mä̧dö̧. ⁷ Reju täcuäjumä̧ koroju täcuäjucu huoa'a rä̧mipa̧'a̧; O'cajuiyönä̧ rȩjȩ jacuä täcuomettö rä'opö icha'a aje ppähuäbimä̧ ttörömä̧. ⁸ Juȩnȩ yäbonä̧ TÖ̧Ä̧NÄ̧HUA̧MÄ̧ 'cuäopönä̧ mo̧ro̧ re kä̧nö̧ i̧jȩpö̧; yodomä̧ ra̧cu̧mä̧ yodo 'cuäo'önä̧tä̧ ttötäcutä ka̧'a̧, ji̧yȩtȩ ucu Diosrö ucuocuäcuämä̧ cha̧'cua̧rö̧tä̧ ja̧'a̧. ⁹ Ttö CHÖ̧Ä̧NÄ̧HUA̧ Diorömö pä̧dä̧cua̧sä̧, UCUTÄ ja̧'a̧ kiyönä chö̧jö̧nä̧ hua̧mä̧:'' ¿Tocu pä'ö cu̧ni̧chi̧ä̧ ttörömä? ¿Tocu pä'ö cha̧'cua̧ tta̧ȩcu̧ chö̧ja̧ chabo'iyotö pä̧i̧cu̧nä̧ ¹⁰ cuottönämä?''Chihue'ca jacuänä baracuäcusä curächu so̧ä̧chu̧ cuä'o'a 'cua̧rö̧nä̧, chabo'iyotö suronä pättachomenä, 'cuä'opönä pättäcusä '' " Tene ö̧jä̧ttö̧ ucu CUÄ̧NÄ̧HUA̧MÄ̧?''. ¹¹ ¿Tocu pä'ö cha̧'cua̧ cheseu juiyoönä jä̧ttö̧? ¿Tocu pä'ö cha̧'cua̧ tta̧dȩ'cuä̧? Diorötä chua̧'cua̧ huȩnȩrö̧sä̧, ja̧'hua̧nö̧ ja̧'a̧ttö̧ ja̧u̧ru̧tä̧ chesehuäcua̧sä̧ chö̧ji̧pö̧nä̧ pädinaa̧'ttö̧ ja̧u̧mä̧ ttö chö̧ä̧nä̧hua̧ Dio ja̧'a̧.