¹ Huochomenä̧mä̧ ädätittö, TÖ̧Ä̧NÄ̧HUA̧ Dios ttörö adihuomenä̧ jȩpu̧jä̧; ttö cha̧cuä̧'tta̧dȩcuo̧mȩnä cha̧'cua̧ chȩmö̧nä̧ jȩpö̧jä̧. rȩrö̧jö̧nö̧ topittö ja̧'hua̧ta̧nö̧ ä̧ju̧cui̧ttö̧ ucuru chucuocuomenä̧mä̧. ² Ucutu ttö̧ja̧mä̧, ¿Tta̧'a̧nö̧ recuo mo̧ro̧ jo̧menä̧ ttö churuhuo ji̧nö̧mä̧ dä'ättödunä̧mä̧ jȩ'cuä̧tö̧cuä̧cua̧sä̧tttö̧? ¿Tta̧'a̧nö̧ recuo mo̧ro̧ jo̧menä̧ repecuäcua'ajä̧ttä̧ micuähuocö jähuänä̧mä̧, yapare huȩnȩ o'ca'a cu'chä̧tu̧cuä̧cua'a̧ttö̧? ³ Ja̧'hua̧nö̧ ja̧'a̧nä̧ huo̧juä̧tu̧cui̧ TÖ̧Ä̧NÄ̧HUA̧MÄ̧ chutä u̧mö̧huä̧ya̧ päi'önä 'cä̧'ȩpö̧ ku̧nö̧ adiu jȩpö̧rö̧mä̧. TÖ̧Ä̧NÄ̧HUA̧MÄ̧ huochomenä̧mä̧ ä̧ju̧cuä̧cua̧. ⁴ Ye'ecu tti̧cuä̧hua̧'a̧nä̧'i̧nä̧, ¡suronämä jȩcu̧'ä̧! cuämiso'quinätä̧ amucuädi, cuä̧'ä̧ppä̧ttö̧'inä ja̧'hua̧nö̧ amöcuädö korujuäinä pä̧hui̧. ⁵ Cuiäre iyähuämä adiu jö̧tä̧ iyi ja̧'hua̧ta̧'a̧nö̧ CU̧Ä̧NÄ̧HUA̧RÖ̧TÄ̧ 'cua̧'cua̧ huä̧nä̧rö̧. ⁶ Recuätö pä'ätö: '' ¿Ditä adiunä̧ jö̧ i̧jȩpä̧tö̧?'' TÖ̧Ä̧NÄ̧HUA̧, ucu cui̧tȩa̧tä̧ ujuturu kä̧dȩpö̧nä̧ jȩpi̧tö̧. ⁷ Ucumä ttö chamiso'quinä cheseunä jö̧tä̧ cuiyäcusä, korotö ttu̧ju̧nä̧huä̧ u̧huä̧ju̧ ote'inä ja̧'hua̧ta̧'a̧nö̧ vino jareö rö̧ä̧'ö̧nä̧ jä̧'i̧nö̧'anö. ⁸ Ttömä huȩnȩ juiyönä cuä'ipö chä'äcua̧sä̧, UCUTÄ ja̧'a̧ttö̧ ttörö hua'adö ku̧nu̧ tta̧'a̧rö̧mä̧ CHI̧Ä̧NÄ̧HUA̧.