¹ TÖ̧Ä̧NÄ̧HUA̧, ¡Tta̧'a̧nö̧ recuätöttö̧ chäboiyotömä! Recuätö ttö chö̧ja̧'a̧cu̧ ichätö. ² Recuätö Ttörömä pä'ätö. "Dios ppädö'anö jö̧mä̧ juiya'a ja̧u̧ru̧mä̧." ³ Ja̧'hua̧nö̧ ja̧'a̧nä̧ Ucu, TÖ̧Ä̧NÄ̧HUA̧, Ucumä ttörö ttabojähuä ttoepäbi jä̧'i̧nö̧'a̧nö̧ hua̧jä̧ chippeyänämä, ttö chucuomä̧ ja̧'hua̧ta̧nö̧ ja̧u̧ttä̧ ttö chö cä'epömä̧. ⁴ Ttömä̧ chi̧huȩnȩnä̧ pä̧i̧cu̧nä̧ huopösä TÖ̧Ä̧NÄ̧HUA̧RÖ̧, ja̧'hua̧nö̧ huochäcu Ja̧u̧mä̧ ädätäcusä yottö po̧ri̧yä̧'tä̧ jo̧mȩ surojö jui̧yomȩttö̧. ⁵ Ttömä̧ pä̧mä̧dö̧ ä'i'äji'ca̧mä̧ porächi'inö̧sä̧, ja̧'hua̧nö̧ ja̧'a̧mä TÖ̧Ä̧NÄ̧HUA̧TÄ̧ tta̧huä̧ri̧nä̧cu̧sä̧. ⁶ Ttömä ye'ecuocö chä̧cua̧sä̧ ttö̧ja̧ recuätö suronä jȩtta̧ pä'ö chippeyänä sobucuächönä̧ ca̧ca̧cuä̧tö̧rö̧'i̧nä̧. ⁷ ¡Ä̧rä̧mi̧'i̧, TÖ̧Ä̧NÄ̧HUA̧! ¡Ppä'ädittö surojöttö chö̧ji̧pö̧nä, chu̧ru̧hua̧ Dios! Ucumä chabo'iyotörö i̧sa̧ äcänä̧ ppȩcuo̧pä̧cua̧jä; Ucumä suropätö ttacu piyä ppö̧rö̧ cui̧cuä̧cua̧jä̧. ⁸ Surojöttö ki̧'ä̧cuä̧huä̧mä̧ TÖ̧Ä̧NÄ̧HUA̧TTÖ̧ icha'a. Ucu adiunä ji̧ya̧rö̧ päcumä̧ cu̧mö̧huäyotönä̧tä̧ ka̧cua̧jä̧.