¹ ¿Dä̧bu̧ pä'ö pi̧jä̧nä̧ ko̧cuä̧tö̧mä̧ ttämisura'acuä, ja̧'hua̧ta̧nö̧ tocu pä'ö ttö̧ja̧mä̧ jȩtti̧yö̧'a̧nö̧ jö̧tä̧ ttucuohuä?. ² Tti̧rȩji̧yä̧ttö̧ ruhuo hue'ätömä ji̧nä̧ yo̧mȩtȩ pä'i'ö ttörohuähua pä'ö jo̧mȩnö̧ ko̧cuä̧tö̧ TÖ̧Ä̧NÄ̧HUA̧RÖ̧ suronä ucuocu ja̧'hua̧ta̧nö̧ i̧tti̧ huȩä̧cua̧rö̧'inä, pä'ätö: ³ Ejädö ticuätö cuoräusänä ti̧'ä̧dö̧ ttu̧ju̧nu̧ni̧mȩttö̧ ja̧'hua̧nä̧ ejädö'icu cuoräusä oto do'opö ticua.." ⁴ Chu mo̧ro̧ji̧yä̧nä̧ uruhuonä pänö hueömä jahuätörö ya̧huä̧huä̧cua̧; TÖ̧Ä̧NÄ̧HUA̧TÄ̧ jahuätörö ya̧huä̧huä̧cua̧. ⁵ Ja̧'hua̧nö̧ ja̧'a̧ttö̧ JA̧U̧TÄ̧ ami surunä̧ ucuocuäcuotö ja̧'hua̧ta̧'a̧nö̧ yettecui'önä juiyo amisurunä̧ päcuotö: ⁶ "TTÖTÄ 'cucuetö chötinäcu̧ ru̧hua̧ jö̧nä̧ Jerusalénttö̧, möä'quiyu TTÖ chö̧jo̧mȩ su̧ro̧jö̧ juiyomettö̧." ⁷ Ttötä ji̧dä̧huä̧cua̧sä̧ TÖ̧Ä̧NÄ̧HUA̧ jiähuocö jä̧'i̧jö̧. Ja̧u̧mä̧ päjäcusä: "¡Ucumä ttötä chi̧tti̧jä̧! TTÖMÄ ucutä cuä'osä. ⁸ Jä'epittö, ja̧'hua̧nö̧ jäcuepöttömä TTÖTÄ chi̧yä̧cua̧jä̧ ttö̧ja̧rö̧mä̧ cui̧tti̧mö̧ jö̧nä̧ yo'äu cu̧ja̧ pä'ö ja̧'hua̧ta̧'a̧nö̧ tti̧rȩji̧yä̧ oto ko̧cu̧'i̧nä̧ cui̧rȩjä̧tä̧ päi'önä. ⁹ Ucutä ja̧'a̧ 'te'ädö cui̧cuä̧cua̧mä̧ cuo̧rä̧u̧juä̧nä̧; kä̧nä̧ri̧yu̧ pparopö tticua'a jä̧'i̧nö̧'a̧nö̧. Ucutä kä̧dö̧ pparopö cui̧cuä̧cua̧jä̧." ¹⁰ Ja̧'hua̧ ja̧'a̧, ucutu ruhuotö, amucuädätucui; chu̧huȩjȩtö̧mä, ucuturu pi̧jä̧ ruhuotörö. ¹¹ TÖ̧Ä̧NÄHUA̧RÖ̧

yeecunö ucuo te'ähuätucui ja̧'hua̧ta̧'a̧nö̧ yeecunö esehuätucui.