¹ Amucuädäjisä: ''Ttötä tochäcuähuäcua̧sä̧ jȩchö̧mä̧, chucuocunä suronä jȩcha̧'a̧cu̧.Ttö chucuocutu 'qui̧dȩcuä̧cua̧sä̧ suronä jȩpö̧ kö̧ ö̧jo̧mȩ chö̧jo̧mȩnä̧mä̧. ² 'Corunä ki̧nö̧sä̧; pädinö ji̧nö̧ chuä̧rä̧cuä̧u̧ adiu päda'anö ja̧'a̧nö̧, ja̧'hua̧nö̧ jo̧mȩnä̧ ttörö baraumä rö̧ä̧chi̧na̧'a̧. ³ Chamiso'qui jahuättö tejädi'inä; pi̧yȩ chamöcuädomenä, ocurä 'cua̧rö̧nä̧ cuoinä̧cu̧sä̧. Ja̧'hua̧nö̧ ja̧'a̧ttö̧ röjinämä ucuocuiö̧sä̧. ⁴ CHÖ̧Ä̧NÄ̧HUA̧, chu̧huo̧juä̧cuä̧u̧nä̧ jȩpi̧ttö̧ cha̧'cua̧rö beipächäcuome ja̧'hua̧ta̧'a̧nö̧ tta̧'a̧nö̧ mo̧ro̧ chö̧jä̧cua̧'a̧ ja̧ pä'ö. I̧jȩpi̧tö̧ tta̧'a̧nö̧ mo̧ro̧tö̧ cha̧'cua̧rö̧'a̧nö̧ ja̧ pä'ö. ⁵ Töpi, ucumä aditinöjä̧ chu̧mo̧ro̧mä̧ ya'ate meä̧huo̧mȩ jo̧mȩtä̧, cha̧'cua̧rö̧mä̧ ucu cuä'cajo̧mȩttö̧mä̧ micuähuocötä hua̧sä̧. Iso päi'önätä̧, ya̧cu̧pö̧nä̧ tö̧ja̧mä̧ chutä amiyu isoppatä huotö. ⁶ Iso päi'önättä̧, ya̧cu̧pö̧nä̧ u̧mä̧tö̧mä̧ tta̧'cua̧rö̧nä̧mä̧ cue'ächätö yo̧ppa jä̧'i̧nö̧'a̧nö̧tä̧. Iso päi'önättä̧ o'catoi'önä tta̧'cua̧ ro'ecuätö järe rö̧ä̧nä̧ ttu̧ju̧nä̧ra̧ pä'ötä jerupätö diki̧jä̧ ȩmä̧cua̧ pä'ö'inä. ⁷ Jitämä, TÖ̧Ä̧NÄ̧HUA̧, ¿Dä̧bu̧ tta̧dä̧ra̧'a̧jä̧ttö̧? ucutä ja̧'a̧ cha̧u̧ chu̧huä̧nä̧rä̧cu̧mä̧. ⁸ Ppäädittö ttö suronä jȩchö̧ttömä, ja̧'a̧tä̧ to'cuättö iso jö̧nä amucuädocotö ya̧ttä̧hua̧'a̧nämä. ⁹ Jä̧rö̧chi̧ö̧ kö̧sä̧ ja̧'hua̧ta̧'a̧nö̧ chädätoca'atä ki̧nösä̧, ucutä ja̧'hua̧nö̧ jiähuinömä. ¹⁰ Täcö ro̧cuȩpä̧ttö̧; jȩchi̧yö̧nä jä̧cu̧sä̧ ucu cumunä ro̧cuȩpu̧mä ttörö. ¹¹ Ja̧'hua̧ta̧'a̧nö̧ ucumä ttö̧ja̧rö̧ ro̧ȩpu̧nö jiä'ujä suronä jȩttö̧nätä̧, ttä tȩo̧bu̧ta̧'a̧nö ttöjö'cömä jahuätörömä ucumä 'choipujä; ihueye, o'cato'inä ttö̧ja̧ ttöjö'cömä däähuächö. ¹² Ucuru jä̧dä̧pä̧rä̧mä̧ ä̧ju̧cui̧ttö̧, TÖ̧Ä̧NÄ̧HUA̧ ja̧'hua̧nö̧tä̧ ä̧ju̧cui̧ttö̧; ¡Cha̧'cua̧ tta̧dȩcu̧mä̧ ä̧ju̧cui̧ttö̧! Cuä̧ju̧cuo̧ca̧'a̧mä̧ jȩ'cuä̧ttö̧ isopäi'önä ttömä ko̧ro̧jä̧ ttö̧ja̧sa̧ 'cua̧rö̧tä̧ hua̧sä̧ ucuttumä̧ dajahuächö kö̧ jö̧nä̧tä̧ chä̧do̧ mi̧nä̧tö̧ ji̧nö̧ ta'anö̧. ¹³ Ppa̧'a̧di̧pö̧ topittö, 'coru juodächäcua'a ä'canä ya̧dä̧huä̧cua̧'a̧nö̧.