¹ Suronä jȩä̧cuä̧huä̧ i̧sa̧mä̧ ucuocu suronä jȩö̧mä̧ amiso'qui jacuänä ko̧cu̧ o'cajuiyönä; ja̧u̧mä̧ Diorö yecuäcuähuä'inä jui̧'a̧. ² Chutä amöcuädötä adihua'a pä'ö, amucuädö̧nä̧mä̧ ku̧nä̧rö̧ ttö suronä jȩchö̧mä̧ ttu̧huo̧jui̧yä̧cuo̧tö̧ ja̧'hua̧ta̧'a̧nö̧ ttöjö'cö juiyäcuotö pä̧'ö̧ i̧ȩru̧hua̧'a̧ttö̧. ³ Ucuocumä surojö yapare pähuätä ku̧nä̧rö̧; u̧huo̧jua̧ pä'ö'inä adiunä jȩa̧ pä'ö'inä jui̧'a̧. ⁴ Ä̧'ä̧ppä̧nä̧ 'cuä'ächö ö̧'o̧mȩnä̧'i̧nä̧, suronä jȩä̧cuä̧tä̧ amucuädö pö̧; ja̧u̧mö̧ mä̧nä̧ su̧ro̧jä̧mä̧nä̧tä̧ 'chö̧; surojömä jaropocö. ⁵ Ucu päcumä, CHÖ̧Ä̧NÄ̧HUA̧, mo̧ro̧jä̧ra̧'a̧bu rä̧bȩhua̧'a̧; ucu jȩcu̧'u̧mä̧ rä̧bȩhua̧'a̧ mo̧ro̧jä̧ isoppa jubu. ⁶ Ucu cuadihuämä TÖ̧Ä̧NÄ̧HUA̧ iäre möä'quiyu jä̧'i̧nö̧'a̧nö̧ ja̧'a̧; ucu ro̧cuȩpö̧mä̧ juiyo täcua'a. TÖ̧Ä̧NÄ̧HUA̧ ucumä tta'aröjä yoräteunätä̧, ttö̧ja̧rö̧'i̧nä̧ ja̧'hua̧ta̧'a̧nö̧ isotörö'inä. ⁷ !Juiyo adihua'a ucu esecu jȩchä̧cua̧sä̧ päcuinömä, CHÖ̧Ä̧NÄ̧HUA̧! Pi̧jä̧ ttö̧ja̧mä̧ surojöttö ttä̧ji̧pa̧ pä'ö ttusäcuotö ucu cujuabänä tto̧cuȩpä̧ro̧mȩ dȩa̧'a̧tä̧. ⁸ Ja'huätömä ucu cuojusodettö ttu̧cuä̧ cuä̧nö̧ ko̧cu̧ ttesehuäcuotö; Ucu cuähuoyä adihuä isoyattö ttaunä cui̧yä̧cua̧jä̧. ⁹ Ucutä ja̧'a̧ttö̧ kä̧cuä̧huä̧ i'co ajiyamä; Ucu cui̧tȩa̧ttö̧tä̧ ujutumä totäcuotöjä tȩa̧u̧mä̧. ¹⁰ Esecu ucuocu pä'ö cu̧ju̧ninömä ji̧nä ka̧a̧ o'cajuiyönätä̧ jitö ucuru huo̧juä̧tö̧rö̧mä, Ucutä ppääditö ttämiso'quittö ppättöta'anö jȩpä̧tö̧rö̧mä. ¹¹ Ja̧'a̧tä̧ to'cuä jarodätö ttitö'cöhuächa'anämä ttö chi̧jo̧mecu̧. Ja̧'a̧tä̧ to'cuättö suropätö ttumuttö̧ ttörö yaopu tticua'anämä. ¹² Juorötä suropätömä ma'achinätö̧; jahuätömä kä'ö icuähuotötä huotö ja̧'hua̧nö̧ ja̧'a̧ttö̧ ttä̧rä̧mi'a̧ pe'ömä ji'ätö.