¹ Eseäcuähuä ka̧'a̧ ttö̧ja̧sa̧ suronä̧ jȩä̧ji̧ jȩpö̧ a̧tto̧pö̧ i̧cuä̧hua̧rö̧mä̧ i̧cuä̧hua̧rö̧mä̧. ² Eseäcuähuä ka̧'a̧ ya̧tȩ TÖ̧Ä̧NÄ̧HUA̧ suröjö jȩpä̧ji̧jä̧ päococurö ja̧'hua̧ta̧nö̧ a̧'cua̧ru̧hua̧nä̧ yapareäcuähuä jui̧'a̧rö̧. ³ 'Corunä chö̧jo̧mȩnä̧mä̧ chihue'quiyötä jiyuhuächina̧'a̧, mo̧ro̧ji̧nö̧'a̧cuä̧ pä'ä'chönö chucuocuomȩnä̧mä̧. ⁴ Mo̧ro̧'i̧nä̧ yodo'i̧nä̧ usurä i̧sa̧ juodönä̧ jȩ'cui̧nä̧cu̧sä̧. Chujurumä̧ joipächina'a du'u pä̧nä̧ jä̧'i̧nö̧'a̧nö̧. ⁵ Ja̧'hua̧nö̧ ja̧'a̧ttö̧ topäcuähuinösä̧ ucu cuä'ca jho̧i̧mȩttö̧ suronä jȩchö̧mä̧, ja̧'hui̧a̧nö̧ ja̧'a̧ttö̧ da̧jä̧ro̧cö̧ pinösä̧ suronä jȩchi̧nö̧mä̧. Ttötä pä'inösä̧: "Ji̧dä̧huä̧cua̧sä̧ CHÖ̧Ä̧NÄ̧HUA̧RÖ̧MÄ̧ ttötä jarodö suronä jȩchi̧nö̧mä̧," ⁶ ja̧'hua̧nö̧ ja̧'a̧ttö̧ ucutä ji̧na̧'a̧ suronä jȩchi̧nö̧ esecu icuinömä. Pa̧'a̧nä̧ ja̧'a̧ttö̧, o'catoi'önä ucuru esehuätömä jättepö'anö ja̧'a̧ huȩnȩ jo̧mȩnä̧mä̧. Ja̧'hua̧nö̧ ja̧'a̧ttö̧, ajiyä suhuädi'ö huerächomenämä, ja'huätörömä rä̧bȩhuo̧ca̧'a̧ jä̧cua̧'a̧. ⁷ Ucunätä̧ ja̧'a̧ chabo'iyotöttö chödajuächa'amä; huȩnȩ chu̧ju̧nä̧ro̧mȩnä̧mä̧ hua'adö cu̧ju̧nä̧cu̧sä̧. Ucutä tto̧cuȩpä̧cua̧sä̧ iso juo'epö ra̧huä̧huä̧ttö̧. ⁸ Ttötä mȩ'ö̧nö̧ chu̧huo̧juȩtä̧cua̧jä̧ mä̧nä̧ chui̧'chä̧cuä̧mä̧mä̧. Ttötä to̧pä̧rö̧ ji̧dä̧huä̧rä̧cua̧jä̧. ⁹ Cahuayu jä̧'i̧nö̧'a̧nö̧ ko̧ro̧nö̧mä̧ mula jä̧'i̧nö̧'a̧nö̧mä̧ jȩcu̧'ä̧, huo̧juä̧chi̧'ö̧'i̧nä̧ huo̧juä̧chi̧'o̧co̧tö̧; 'chu'ädötä 'chu'ädäcuähuotö ja̧'hua̧ta̧'a̧nö̧ ttänä äcuädö ti̧'ä̧dä̧cuä̧huo̧tö̧ jä̧ttö̧ juȩttȩpä̧ra̧ pä'ö ucu päcuomecu̧ tti̧'cha̧ pä'ö. ¹⁰ Suronä jȩpä̧tö̧mä̧ dä'äcuätö, TÖ̧Ä̧NÄ̧HUA̧ päöta'anö jȩtä̧cuo̧tö̧jä̧ pä'inätömä sobucuächönä ttö̧jä̧cuo̧tö̧ churutä tta̧'u̧ huä̧nä̧rä̧tu̧cu̧. ¹¹ TÖ̧Ä̧NÄ̧HUA̧NÄ̧TÄ̧ esehuätucui, ja̧u̧nä̧tä̧ esecu ko̧cuä̧tu̧cui̧, ucutu suronä'i̧nä̧ jȩpö̧ ko̧co̧tö̧mä̧; eseu huopätucui, ucutu cuamiso'quinä adiunätä kä̧tö̧mä̧.