¹ Ttö rö̧ȩnä̧ chȩsȩhuä̧cu̧jä̧, CHIÄ̧NÄHUA̧, ja̧'hua̧nö̧ ttörö ppäcuädina'a̧ttö̧ ja̧'hua̧ta̧'a̧nö̧ ttö chaboyotö iso joepu ttesehuiyönä tta̧cua̧ri̧näcu̧sä̧. ² CHIÄ̧NÄHUA̧ DIOS, ttö ucuru jäepinösä̧ ppäcuädattö pe'ö, ja̧'hua̧ta̧'a̧nö̧ ucutä ppäcuädinäcu̧sä̧. ³ TÖ̧Ä̧NÄHUA̧, ucutä hua'are rejuttö räepu icuinöjä̧ ttö cha̧'cua̧rö̧mä; ttö cha̧'cua̧ru̧mä hua'adö ku̧ninöjä̧ huaa'areba dȩa̧'a̧tä̧. ⁴ ¡Eseu ra̧'a̧tu̧cui̧ TÖ̧Ä̧NÄHUA̧RÖ̧, ucutu hue'ö jȩ'ä̧cuä̧huä̧ ttö̧ja̧! Adihuä'i̧sa̧rö̧tä̧ amucuädö esehuätucuirö. ⁵ ja̧'hua̧ta̧'a̧nö̧ öjö'quiyönä jö̧mä recuo ca'atä 'cuäo'äcu; juo̧'u̧mä adihuä'i̧sa̧ o'cajuiyönä ta̧'cua̧ro̧mebu. Yaute yodotä ta̧'cua̧ tta̧tȩcu̧ rȩbȩhua̧a̧ ja̧'hua̧ta̧'a̧nö̧ koro moro̧mä̧ ta̧'cua̧ adihuötä rȩbȩhua̧a̧. ⁶ Cha̧'cua̧ huȩnä̧rö̧ kä̧nö̧ pä'inö̧sä̧: "Ya̧tȩ'i̧nä̧ kä'ömä̧ icuococu chä̧cua̧sä̧." ⁷ TÖ̧Ä̧NÄ̧HUA̧, ucutä ppäcu̧ädomettö ttu̧ju̧ni̧nä̧cu̧sä̧ mö̧ä̧'ca jä̧'i̧nö̧'a̧nö̧; ja̧'hua̧nö̧ ja̧'a̧nä̧ ucu cui'ä cudajui'omenämä ttömä ye'ecuinä̧sä̧. ⁸ ¡Ttömä̧ ucuru huopäjisä, TÖ̧Ä̧NÄ̧HUA̧, ja̧'hua̧ta̧nö̧ ppäcuädattö pä'ö jä'epö chusäjäcujä TÖ̧Ä̧NÄ̧HUA̧! ⁹ ¿Däjetä ppädäcua'attö̧ 'corujuo'ä̧chö̧ hua'are rejunä juidächi'onämä̧? ¿Redä'ca i̧sa̧ppȩmä̧ eseö ra̧huä̧cua̧'a̧ tä̧ji̧? ¿Ucuru tta̧'cua̧ huȩnä̧ȩä̧cuä̧huä̧ jiähuäcua'a tä̧ji̧? ¹⁰ Ä̧ju̧cui̧jo̧, TÖ̧Ä̧NÄ̧HUA̧, ¡rȩru̧jö̧nä̧ topitt! TTÖ̧Ä̧NÄ̧HUA̧, Ucutä ja̧'a̧ ttö̧rö̧ ppä'ädö̧mä̧ pä'ömä̧ huo̧jua̧sä̧. ¹¹ A̧'u̧ ttudinö̧mä̧ töähuänä̧tä̧ pärohuächina'a; sacuyu i̧sä̧ta̧ chu̧'ca̧tä̧hui̧nä̧ta̧mä̧ pärohuächina'a ja̧'hua̧nö̧ jo̧mȩnä̧ eseäcuähuätä 'ca̧tä̧hui̧nö̧sä̧. ¹² Ja̧'hua̧nö̧ ja̧'a̧ttö̧ Ucurumä̧ cha̧'cua̧rö̧ o'cajuiyönä̧tä̧ ra̧dä̧cua̧sä̧ ja̧'hua̧nö̧ ja̧'a̧ttö̧ 'coru jö̧nä̧mä̧ ko̧cö̧ chä̧cua̧sä̧; TÖ̧Ä̧NÄ̧HUA̧ chu̧ru̧hua̧ Dios, ¡'Cuäopönä̧tä̧ ucurumä adihua'a pä̧dä̧cua̧sä̧!