¹ ¡TÖ̧Ä̧NÄ̧HUA̧RÖ̧TÄ̧ ra̧'ä̧tu̧cui̧! ¡Ucutu Dios i̧tti̧mö̧mä̧! TÖ̧Ä̧NÄ̧HUA̧RÖ̧MÄ̧ ö̧rö̧ä̧'i̧nä̧ öadihuä'inä̧ ujuru'inä̧ ra̧'ä̧tu̧cui̧. ² TÖ̧Ä̧NÄ̧HUA̧RÖ̧ ö̧rö̧ä̧ i̧mi̧nä̧ ucuotätucui ja̧'hua̧nö̧ ttucuota pä'ötä ja̧'a̧ttö̧. TÖ̧Ä̧NÄ̧HUA̧ ä'ca jo̧mȩ cuihue'quiyunä̧ pä̧mä̧di̧ ö̧jo̧de surojö juiyomȩtä̧. ³ TÖ̧Ä̧NÄ̧HUA̧ i̧huȩnȩmä̧ ajehuiyä ppahua'a jä̧'i̧nö̧'a̧nö̧ rä̧mi̧pa̧'a̧; TÖ̧Ä̧NÄ̧HUA̧ Dios ujurumä̧ pä̧i̧cu̧nä̧ rä̧mi̧pa̧'a̧, TÖ̧Ä̧NÄ̧HUA̧MÄ̧ rö̧ȩi̧nä̧ rä̧mipa̧ a̧jiya jä'i̧nö̧'a̧nö̧ jö̧nä̧, ⁴ TÖ̧Ä̧NÄ̧HUA̧ i̧huȩnȩmä̧ juiyo juruhua'a; TÖ̧Ä̧NÄ̧HUA̧ i̧huȩnȩmä̧ ucuo ka̧'a̧, TÖ̧Ä̧NÄ̧HUA̧ i̧huȩnȩmä̧ cedros dau juiyänä̧'ä̧ ttȩ'chächä'a; ⁵ TÖ̧Ä̧NÄ̧HUA̧ i̧huȩnȩmä̧ cedros dauhuiyä'i̧nä̧ 'te'ädö icua'a; TÖ̧Ä̧NÄ̧HUA̧ i̧huȩnȩmä̧ libanonä̧ ka̧cu cedro'i̧nä̧ ppo̧u̧cu̧ päi'önä 'techu icua'a. ⁶ JA̧U̧MÄ̧ jȩpö̧ päcäyä itti ttö'a'a jä̧i̧nö̧'anö jö̧nä̧ Líbano rȩjȩmä̧ ja̧'hua̧ta̧nö̧ Siríon deamä búfalo mu̧ä̧ya̧ 'cua̧rö̧nä̧. ⁷ CHÖ̧Ä̧NÄ̧HUA̧ i̧huȩnȩ ucuocuomenämä ocumätä̧ hua̧. ⁸ CHÖ̧Ä̧NÄ̧HUA̧ i̧huȩnȩmä̧ dea jui̧yä̧jä̧'inä ye'ecuiö tti̧ȩpa̧'a̧; Cades dea jui̧yä̧jä̧'inä ye'ecuia'a CHÖ̧Ä̧NÄ̧HUA̧RÖ̧MÄ̧. ⁹ CHÖ̧Ä̧NÄ̧HUA̧ i̧huȩnȩ daujuiyä bäreu'inä tte'chachipa'a ja̧'hua̧ta̧nö̧ de'amä juiyarä päi'önä. O'catoinä CHUTÄ ö̧jodettömä pä'ättö:'' ¡Juiyo ju̧ru̧hua̧!'' ¹⁰ CHÖ̧Ä̧NÄ̧HUA̧TÄ̧ ru̧hua̧ ja̧'a̧ttö̧ ruhuo hueömä aje suädome'inä; CHÖ̧Ä̧NÄ̧HUA̧TÄ̧ ja̧'a̧ 'cuä'opönä kö̧ ru̧hua̧ hua̧mä̧. ¹¹ TÖ̧Ä̧NÄ̧HUA̧TÄ̧ u̧muhuäyotö ttujuru iyömä; TÖ̧Ä̧NÄ̧HUA̧TÄ̧ ppä'ädömä u̧muhuäyotö surojö juiyönä ttö̧jö̧nä̧.