¹ Ucuru, TÖ̧Ä̧NÄ̧HUA̧, ttömä̧ huopösä chujurucu, katämä̧ cu̧ju̧ni̧'ä̧ttö̧. Ttörö cuädätoca'a jö̧ttö̧mä̧, jitö hua'are rejura̧'a̧ mȩyȩhuä̧tu̧cu̧ chi̧mȩyȩhuä̧cua̧sä̧. ² ¡Ä̧ju̧cui̧ttö̧ ppäcuädattö pä'ö jädepa'a rä̧mi̧pu̧mä̧, ttö chu̧mö̧pi̧yä̧ cu̧jo̧mȩ rö̧ä̧nä̧ ro̧mȩra̧'a̧cu̧ cädepodenä̧mä̧! ³ Suronä̧ jȩpä̧tu̧cu̧mä̧ docuoi'ättö, juätö suronä jȩpä̧tu̧cu̧mä̧, jähuä̧tö̧mä̧ u̧ni̧chä̧rö̧ kä̧cuä̧huä̧tä̧ ucuocuätö ttippeyänä̧ ka̧cuä̧tö̧rö̧mä̧ ja̧'hua̧nö̧ ja̧'a̧nä̧ ttami̧so'quinä̧mä̧ surojötä ku̧nä̧rä̧tö̧. ⁴ I̧yi̧tö̧ jahuätörömä ttaditähuä mi̧cuätä ja̧'hua̧ta̧nö̧ mi̧titö suronä̧ jȩttö̧nä̧ hueötä, mi̧titö ttu̧mö̧nä̧ ttaditö micuätä ja̧'hua̧ta̧nö̧ ppa̧'a̧di̧tö̧ jitörötä pä̧huä̧rö̧jö̧tä̧. ⁵ Isopäi'önä̧tä̧ jahuätömä TÖ̧Ä̧NÄ̧HUA̧ aditähuämä̧ huo̧jui̧'o̧co̧tö̧, ja̧'hua̧ta̧nö̧ u̧mö̧nä̧ aditö'i̧nä̧ Ja̧u̧mä̧ kä'ö i̧cuä̧cua̧ ja̧'hua̧ta̧nö̧ yoröiso pä'äta'anö̧ ppa̧'a̧dö̧mä̧ adicuocome jä̧cuo̧mȩ. ⁶ ¡Adiunätä̧ ja̧rö̧jä̧ TÖ̧Ä̧NÄ̧HUA̧MÄ̧, juhua'amä jädepa'a ra̧mi̧pa̧'a̧ ä̧́ju̧cua̧'a̧ttö̧! ⁷ TÖ̧Ä̧NÄ̧HUA̧MÄ̧ chujurutä hua̧ ja̧'hua̧ta̧nö̧ chabo jähuä ttoecuäcuätä hua̧jä̧; cha̧mi̧so'quimä Jaunätä a̧'cua̧ huȩnä̧ra̧'a̧, ja̧'hua̧nö̧ jo̧mȩnä̧ ttörömä̧ ppä'ädö. Pa̧'a̧nö̧ jo̧mȩttö̧ cha̧mi̧so'quimä rö̧ä̧nä̧ esehua'a, ja̧'hua̧nö̧ ja̧'a̧ttö̧ ucuo te'äu ra̧dä̧cua̧sä̧. ⁸ TÖ̧Ä̧NÄ̧HUA̧MÄ̧ u̧mö̧huäyotö ttujuru ja̧'a̧ ja̧'hua̧ta̧nö̧ ruhuotö päi'önä pojopö ȩmi̧nä̧u̧rö̧mä̧ ra̧huä̧pi̧jö̧ttö̧ ttö̧ji̧pö̧nä̧ jȩpi̧nö̧. ⁹ U̧mö̧huäyotörömä ra̧huä̧pi̧ju̧ttö̧ ttö̧ji̧pö̧nä̧ ppä'ädö ja̧'hua̧ta̧nö̧ chutäcu todepätörömä̧ adiunätä ji̧ya̧rö̧ pä'ö. Ovejastö̧ ttu̧ru̧hua̧rö̧mä̧ huo̧jua̧sä̧ ja̧'hua̧nö̧ ja̧'a̧ttö̧ 'cuäopönätä̧ o'ipö.