¹ CHIÄ̧NÄHUA̧ adihuomenätä topittö, o'cajuiyönä adihuönä jȩchä̧'i̧nä̧tä̧; TÖ̧Ä̧NÄHUA̧ ttömä ucurutä úcuo teähuösä. ² Ka̧cuä̧mu topitö CHIÄ̧NÄHUA̧, ttö chämiso'qui jacuättö chamucuädö! ³ Ja̧'hua̧ta̧'a̧nö ucumä ucu'ocu esecu cu̧ju̧ninömä hua'adö kö̧ninöjä̧ ttö chamucuädönä ja̧'hua̧ta̧'a̧nö̧ ucu esecu hua'adö cu̧ju̧ni̧nö̧nätä̧ amucuädö kö̧sä̧. ⁴ Ttömä esecuocösä ttö̧ja̧ yaparehuätucumä, ja̧'hua̧ta̧a̧'nö ttö̧ja̧ jarodätucumä ppä̧'ä̧cha̧ro̧cö̧sä̧. ⁵ 'Chöjö'quiyönä ja̧cu̧sä̧ ji̧nä yo̧metȩ pä'iö ttucuocumä suronä jȩpä̧tö̧ ja̧'hua̧nö̧ ja̧'a̧ttö̧ ko̧cö̧sä̧ jarodätucumä. ⁶ TÖ̧Ä̧NÄ̧HUA̧ chu̧mö̧ töcäusä surojö jȩpo̧cö̧ päji jö̧nä̧ ja̧'hua̧nö̧tä̧ ku icu iyähuome jäyänä̧mä̧ cuȩdä̧chä̧cua̧sä̧, ⁷ pä̧i̧cu̧nä̧ rä̧mi̧pö̧nä̧ ra̧da̧ pä'ö eseu ra̧huä̧huä̧ ja̧'hua̧ta̧nö̧ o'ca juiyönä adiu jȩ'cuä̧'i̧jö̧ jidähua pä'ömä̧. ⁸ oh TÖ̧Ä̧NÄ̧HUA̧, ttö̧mä̧ juiyo repe'ösä ucu cu̧jo̧dȩmä̧, juȩnȩtä̧ ja̧'a̧ cusärö ko̧mȩmä̧. ⁹ Suronä jȩpä̧tu̧cu̧mä̧ si'epömä̧ cuicuättö, ja̧'hua̧nö̧ jo̧ca̧'a̧ttö̧'i̧nä̧ cha̧'cua̧rö̧mä̧ ttö̧ja̧rö̧ cuä'äu icuätucumä, ¹⁰ ttu̧mö̧mä̧ ka̧'a̧ suronä̧ jȩtta̧ pä'ö tta̧mö̧cuädötä ja̧'hua̧ta̧nö̧ ttuhuo̧jua̧'a̧cu̧nä̧ i̧sä̧mö̧mä̧ esecu 'choicuätä ka̧'a̧. ¹¹ Ja̧'hua̧nö̧ ja̧'a̧nä̧ ttö chötö'cömä̧, ttömä̧ huäjunä̧tä̧ cuȩdä̧chä̧cua̧sä̧; mitö ȩmi̧ttö̧ ja̧'hua̧ta̧nö̧ re kä̧hui̧ ttörömä. ¹² Chö̧jä̧pö̧mä̧ rȩjȩ 'qui̧yä̧jä̧nä̧ kȩdä̧ra̧'a̧; ttö̧ja̧cu̧ chö̧'ä̧mä̧do̧mȩnä̧mä̧ TÖ̧Ä̧NÄ̧HUA̧ adiunätä̧ ja̧rö̧jä̧ pä̧dä̧cua̧sä̧.