¹ TÖ̧Ä̧NÄ̧HUA̧TÄ̧ ja̧'a̧ pi̧jä̧nä̧ ko̧cu̧ o'cajuiyä aditinömä, ja̧'hua̧ta̧'a̧nö̧ juä̧jä̧nä̧ ka̧cuä̧tö̧'inä. ² JA̧U̧TÄ̧ uhuäbe'inö dä'ähuotottö kä̧mä̧dö̧ aje juiyä'inö 'cä̧'chö̧ icuinö. ³ ¿Dikijä̧ TÖ̧Ä̧NÄ̧HUA̧RÖ̧ mu̧ä̧'qui̧yura'a ucuocu i̧'chö̧'a̧nö̧ hua̧mä̧? ¿Dikijä̧ surojö jui̧'a̧ ö̧jo̧mȩ i̧'chö̧'a̧nö̧ hua̧mä̧? ⁴ Chu surojö'inä mȩo̧cö̧ ja̧'hua̧ta̧nö̧ amiso'quittö suronä'inä amucuädocö; yare ö̧ä̧nä̧huo̧tö̧rö̧ ucuo te'ähuocö ja̧'hua̧ta̧nö̧ yapare'inä pä'ocö. ⁵ Ja̧u̧mä̧ ȩmä̧cua̧ pädäcuähuä TÖ̧Ä̧NÄ̧HUA̧TTÖ̧ ja̧'hua̧ta̧'a̧nö̧ Diottö jueönä kä̧nö̧ ki̧'i̧cuä̧'i̧nä̧. ⁶ Ja̧'hua̧nö̧tä̧ yottähuächäcuotö ja̧u̧ru̧ usätömä, jitö Jacob Ö̧Ä̧NÄ̧HUA̧ pinö a̧'cua̧juä̧ usätötä. ⁷ !Apatiyä ucutumä, cupiyä cä'epätucui; cä̧'ȩpä̧rä̧tu̧cui̧, I'cö ko̧mȩ apate, surojö'inä jui̧'a̧ ru̧hua̧ doächäcua'anö! ⁸ ¿Tidejä̧ttö̧ ru̧hua̧ usäru ku̧nä̧rö̧mä̧? TÖ̧Ä̧NÄ̧HUA̧TÄ̧ ja̧'a̧ juiyo ju̧ru̧hua̧mä̧; TÖ̧Ä̧NÄ̧HUA̧, rohuäu'inä ju̧ru̧hua̧. ⁹ Apate bahuecuärö̧nä ba'epu kö̧nätu̧cui̧, apate beipocotenä, juate beipocotenä Ru̧hua̧ úcu'i̧sa̧ doächäcua'anö! ¹⁰ ¿Dijä̧ttö̧ pide Ru̧hua̧ ucu'i̧sa̧mä? TÖ̧Ä̧NÄHUA̧ DIOSTÄ, Juo̧'tä̧ ja̧'a̧ Ru̧hua̧ Ucuo'i̧sa̧mä.