¹ TÖ̧Ä̧NÄ̧HUA̧MÄ̧ ttö chu̧ru̧hua̧ ovejastö̧ ttu̧ru̧hua̧ jä̧'i̧nö̧'a̧nö̧ hua̧, yoröiso recuä rö̧jo̧co̧cu̧ chä̧cua̧sä̧. ² Mȩji̧yä̧'che ja̧'tu̧huä̧'che ko̧mȩ chö̧'ä̧mä̧dö̧nä̧ jȩä̧cu̧sä̧, Ja̧u̧mä̧ rȩjȩttö̧ räopoya ko̧mȩcu̧ oipäcusä. ³ Ja̧u̧mä̧ cha̧'cua̧rö̧mä̧ pä'äjita'anö̧ i'cächäcusä; Ja̧u̧mä̧ jueö mä̧nä̧nä̧ oipäcusä, chutä i̧mi̧nä̧ öädihuänä̧tä̧. ⁴ Pämärächi'ome rö̧ä̧nä̧ yo̧o̧mȩ chi̧'cha̧'a̧nä̧'i̧nä̧, Ttötäcu cu̧ja̧'a̧ttö̧ surojuoepömä̧ ye'ecuocö chä̧cua̧sä̧, Ucu cui̧'ä̧ro̧'quȩ'i̧nä̧, cuitta'ca'i̧nä̧ cha̧'cua̧ chȩmö̧nä̧ jȩä̧cua̧sä̧. ⁵ Ucumä mesa isodä chä'ca jo̧mȩ jo̧mȩnö̧ jȩpö̧ ku̧nö̧jä̧, chaboiyotö ttö̧ja̧cuo̧mȩttö̧mä̧; Chunä̧ a̧dȩja da'epinö̧jä̧; cha̧huo̧'ta̧mä̧ totoäcuähuöcha'a. ⁶ Isopäi'önä̧tä̧ ttörö re ka̧nö̧ ucuocu cutodecuinö̧mä̧ cuäopu̧nätä ji̧nä̧ 'chä̧cua̧rä̧i̧mä̧, ¡Ja̧hua̧nö̧ ja̧'a̧ TÖ̧Ä̧NÄ̧HUA̧ ojusodenä̧mä̧ recuo mo̧ro̧ chö̧jä̧cua̧sä̧.