¹ ¡Ru̧hua̧mä̧ Ucu cujuruhä̧tä̧ esehuächi'ö, oh TÖ̧Ä̧NÄ̧HUA̧! ¡Ki̧'ä̧cuä̧huä̧ Ucu cuiyönä̧mä̧ rö̧ä̧nä̧tä̧ eseu! ² Amiso'qui kö'quecua'acutä cuiyinä̧cu̧ ja̧'hua̧ta̧nö̧ jäepö'i̧nä̧ cuiyionä̧cu̧. ³ Isopäi'önä̧tä̧ Ucumä adiunä jö̧nä̧ pähuätä i'cächöjä; unämä päcuäi orottö adicuä pöttähuätä huȩnö̧jä̧. ⁴ Ja̧u̧mä̧ a̧'cua̧rö̧tä̧ jäepinä̧cu̧jä̧; Ucumä recuo mo̧ro̧ ö̧ja̧ pä'ötä cuiyinä̧cu̧. ⁵ Cusärömä̧ rö̧ä̧ö̧ ja̧'a̧, ucu isojuocuepömä̧; Ucumä ru̧hua̧ jö̧nä̧'i̧nö̧ ja̧'hua̧ta̧nö̧ ju̧ru̧hua̧ jö̧nä̧'i̧nä̧ ku̧ni̧nö̧jä. ⁶ Ja̧'hua̧nö̧ ja̧'a̧ Ucumä̧ adiu pähuä recuo kö̧ iyöjä̧. Ucu cu̧jo̧mȩttö̧ icha'a eseäcuähuämä. ⁷ Ja̧'hua̧nö̧ ja̧'a̧ ru̧hua̧ TÖ̧Ä̧NÄ̧HUA̧RÖ̧ a̧'cua̧ hȩnä̧rö̧mä̧; mo̧ro̧jä̧ jȩchä̧cua̧sä̧ pä'ö ucuocu esecuinönä̧tä̧, ja̧u̧mä̧ yoräiso pporächi'ocö jä̧cuȩ. ⁸ Ucu cu̧mö̧tä̧ 'chuhuädi'äcua'a Ucu cuaboiyörömä; cu̧mö̧ cu̧huo̧jua̧'a̧nä̧ i̧sä̧mö̧tä̧ 'chuhuädäcua'a Ucuru kö'cocotörömä̧. ⁹ Ucu cuamisurächiomenämä, UCUTÄ ja'huätörö duhuare jahuä ku cui̧cuä̧cua̧mä̧. TÖ̧Ä̧NÄ̧HUA̧TÄ̧ si'epö icuähuotö ami surächiomenä, ocuränä siepäcuotö. ¹⁰ UCUTÄ si̧cuȩpä̧cua̧jä̧ pi̧jä̧nä̧ ko̧cuä̧tö̧rö̧mä̧ tti̧tti̧mö̧rö̧'inä ja̧'hua̧ta̧nö̧ ttähuäruhuä 'cotörö'inä ttö̧ja̧ cuotörömä. ¹¹ Jahuätömä ucuru suronä jȩtta̧ pä'ö ttamucuäda'attö; ¡jahuätömä tta̧mo̧nä̧ suronä amucuädö jȩtta̧'a̧ttö̧ adiunämä räopiyo̧co̧u̧ päjätö! ¹² Ja̧'hua̧nö̧ ja̧'a̧ttö̧ UCUTÄ töttipächönä jȩ'cuä̧cuo̧tö̧, UCUTÄ cuamonä cu'popobunä setädö jahuätörö ppo̧cuä̧cua̧jä̧. ¹³ Ucuo tetähuäcujä TÖ̧Ä̧NÄ̧HUA̧, cujuruhua'attö; ujutumä ra̧'ö̧nö tesehuäcuotöjä ucu cujurunätä̧.